DC vs RR, IPL 2022: ઋષભ પંત નો-બોલ વિવાદ ને લઈ અંપાયર પર રોષ ઠાલવ્યો, પોતાની ભૂલ સ્વિકારવા સાથે કહી મોટી વાત

IPL માં પ્રદર્શન અને વિજયનું દબાણ મોટા દિગ્ગજોની ક્ષમતાઓની કસોટી કરે છે. આ કસોટી માત્ર કૌશલ્ય અને પ્રતિભા પુરતી સીમિત નથી, પરંતુ તે ધીરજની પણ કસોટી કરે છે. આઈપીએલના પાછલા વર્ષોમાં જોવામાં આવ્યું છે કે મહેન્દ્ર સિંહ ધોની (MS Dhoni) જેવો શાંત સુકાની પણ ક્યારેક પોતાનો પિત્તો ગુમાવે છે. હવે ફરી એકવાર IPL 2022 માં આવું જ દ્રશ્ય જોવા મળ્યું હતું, જ્યાં સામાન્ય રીતે શાંત કે મજાક કરતા રહેતા દિલ્હી કેપિટલ્સ (Delhi Capitals) ના કેપ્ટન ઋષભ પંતે (Rishabh Pant) અમ્પાયરના નિર્ણય પર એવો હંગામો મચાવ્યો હતો કે બધા ચોંકી ગયા હતા. કંઈક અંશે ધોનીની સ્ટાઈલમાં પંત અમ્પાયરો પર ગુસ્સે થઈ ગયો. પંતનું આ વર્તન કોઈને પસંદ ન આવ્યું અને પંતે પણ પાછળથી પોતાની ભૂલ સ્વીકારી, પરંતુ તેણે પોતાનો ગુસ્સો પણ અમ્પાયરો પર નિકાળ્યો.

આ સિઝનનો સૌથી મોટો ડ્રામા શુક્રવારે વાનખેડે સ્ટેડિયમમાં રાજસ્થાન રોયલ્સ અને દિલ્હી કેપિટલ્સ વચ્ચેની મેચમાં જોવા મળ્યો હતો. રાજસ્થાન તરફથી મળેલા 223 રનના ટાર્ગેટના જવાબમાં દિલ્હીને છેલ્લી ઓવરમાં 36 રનની જરૂર હતી. રોવમેન પોવેલ (28 રન, 15 બોલ, પાંચ સિક્સર) ઓબેડ મેકકોયના પ્રથમ ત્રણ બોલમાં છ સિક્સર ફટકારી હતી. પરંતુ ત્રીજો બોલ કમરની ઊંચાઈએ સંપૂર્ણ ટોસ હતો, જેને અમ્પાયરે નો-બોલ નહોતો કહ્યો. મેચ દાવ પર હતી અને આવી સ્થિતિમાં દિલ્હી કેપિટલ્સનો કેપ્ટન ઋષભ પંત અમ્પાયરના નિર્ણયથી ગુસ્સે થયો હતો. તેણે પોતાના ખેલાડીઓને મેદાનની બહાર બોલાવવાનું શરૂ કર્યું. તેણે ટીમના આસિસ્ટન્ટ કોચ પ્રવીણ આમરેને પણ મેદાનમાં મોકલ્યા હતા. જો કે, તેનાથી કંઈપણ બદલાયું નહી.

‘થર્ડ અમ્પાયરે દરમિયાનગીરી કરવી જોઈતી હતી’

દિલ્હીની ટીમ 207 રન બનાવી શકી અને 15 રનથી મેચ હારી ગઈ. મેચ બાદ પણ પંત અમ્પાયર નીતિન મેનન સાથે દલીલ કરતા જોવા મળ્યો હતો. આ બાબતે થર્ડ અમ્પાયરની સલાહ કેમ લેવામાં ન આવી તે અંગે તે નારાજ હતો. મેચ બાદ પ્રેઝન્ટેશનમાં પણ તે પોતાનો ગુસ્સો કાઢવાનું ચૂક્યો ન હતો.

પંતે કહ્યું, પોવેલે અમને અંતે તક આપી. મને લાગતું હતું કે અમારા માટે કોઈ બોલ મહત્વપૂર્ણ ન હોઈ શકે. મને લાગે છે કે અમે નો બોલ ચેક કરી શક્યા હોત. પરંતુ તે મારા નિયંત્રણમાં ન હતું. હા, હું નિરાશ છું પણ તેના વિશે કંઈ કરી શકતો નથી. મેદાનમાં બધાએ જોયું કે તે ક્લોઝ નહીં પણ નો બોલ હતો. મને લાગે છે કે અમ્પાયરે દખલ કરવી જોઈતી હતી. પરંતુ હું મારી જાતે નિયમો બદલી શકતો નથી.

પંતે પોતાની ભૂલ સ્વીકારી

જો કે, પંતે પણ પોતાની ભૂલ સ્વીકારી લીધી અને કહ્યું કે પ્રવીણ આમરેને મોકલવાનો નિર્ણય યોગ્ય ન હતો, પરંતુ સંજોગોની ગરમીમાં લેવાયેલો નિર્ણય હતો. તેણે કહ્યું, “ચોક્કસપણે તે યોગ્ય ન હતું, પરંતુ અમારી સાથે જે થયું તે પણ યોગ્ય ન હતું. તે માત્ર તે સમય સ્થિતીની ગરમીમાં આવી ગયો હતો, જેના પર હવે કશું કરી શકાતું નથી. પરંતુ ભૂલ બંને પક્ષે (અમ્પાયર અને દિલ્હી કેપિટલ્સ) ની હતી. અમે ટૂર્નામેન્ટમાં ખૂબ જ સારી અમ્પાયરિંગ જોઈ છે. મને લાગ્યું કે ત્યાં પણ વધુ સારું કરી શકાયું હોત.”

સંજુ સેમસને શું કહ્યું?

બીજી તરફ રાજસ્થાનના કેપ્ટન સંજુ સેમસને આ વિવાદ પર કહ્યું કે અમ્પાયર દ્વારા લેવામાં આવેલા નિર્ણય પર અડગ રહેવું જોઈએ. સેમસને કહ્યું, “તે સિક્સર હતી, તે ફુલ ટોસ બોલ હતો. અમ્પાયરે તેને સામાન્ય બોલ ગણાવ્યો. પરંતુ બેટ્સમેનો તેને નો બોલ કરવાની માંગ કરી રહ્યા હતા. પરંતુ અમ્પાયરે પોતાનો નિર્ણય સ્પષ્ટ કરી દીધો હતો અને તેઓ તેના પર અડગ રહ્યા હતા.”

આ પણ વાંચો : IPL 2022 Points Table: ગુજરાત પાસેથી નંબર 1 નુ સ્થાન રાજસ્થાને છીનવ્યુ, હારીને પણ દિલ્હીને કોઈ નુકશાન નહીં

આ પણ વાંચો : IPL 2022 Orange Cap: જોસ બટલરે જાળવી રાખ્યો છે દબદબો, ટોચના સ્થાનની આસપાસ કોઈ ફરકી શક્યુ નથી

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો