IPL 2022: દક્ષિણ આફ્રિકાએ આઇપીએલના આયોજન માટે પ્રસ્તાવ મોકલ્યો, BCCI એ કહ્યુ સ્થળ પર 20 ફેબ્રુઆરી સુધીમાં ફેંસલો

BCCI ભારતમાં જ IPL 2022નું આયોજન કરવાના મૂડમાં છે. પરંતુ, જો કંઈક થયું, અને પ્લાન બદલવો પડ્યો, તો દક્ષિણ આફ્રિકા (South Africa) ને સ્થળ વિકલ્પ તરીકે અજમાવી શકાય છે.

South Africa એ IPL 2022 ના આયોજન માટે વિકલ્પ માનવામાં આવી રહ્યુ છે.

TV9 Gujarati | Edited By: Avnish Goswami | Updated on: Jan 25, 2022 | 10:50 AM

IPL 2022 ના સ્થળમાં બીજા વિકલ્પ તરીકે દક્ષિણ આફ્રિકા (South Africa) નું નામ સૌથી આગળ છે. ખુદ BCCI એ પણ આ અંગે પોતાનો ઈરાદો વ્યક્ત કર્યો છે. હવે એવા સમાચાર છે કે ક્રિકેટ સાઉથ આફ્રિકાએ પણ લીગના આયોજનની પોતાની યોજના BCCIની સામે રાખી છે. મતલબ કે તે પૂરા ઉત્સાહ સાથે IPL 2022 નું આયોજન કરવા માટે પણ તૈયાર છે. પરંતુ આ ત્યારે જ શક્ય બનશે જ્યારે ભારતમાં ટુર્નામેન્ટનું આયોજન થવાની શક્યતાઓ દેખાતી નથી. આ જ કારણ છે કે BCCIએ અંતિમ સ્થળ નક્કી કરવા માટે 20 ફેબ્રુઆરી સુધીનો સમય લીધો છે.

20 ફેબ્રુઆરી પહેલા શું થશે, પહેલા જાણી લો. IPL 2022 ની મેગા ઓક્શન (IPL 2022 Auction) સમાપ્ત થશે. એટલે કે તમામ 10 ટીમો તેમની આખી ટીમ ફોર્સ સાથે જોવા મળશે. જેનો મતલબ કયો ખેલાડી કઈ ટીમમાં છે તે સ્પષ્ટ થશે. આ સાથે એ પણ જોવામાં આવશે કે મેગા ઓક્શનના સંગઠન પર કોરોનાની કોઈ અસર તો નથી થઈ.

CSAની યોજનામાં શું છે?

જો કે, હવે તે દરખાસ્તની વાત છે જે ક્રિકેટ સાઉથ આફ્રિકા દ્વારા તૈયાર કરીને બીસીસીઆઈને મોકલવામાં આવી છે. મીડિયા રિપોર્ટમાં મુજબ ક્રિકેટ દક્ષિણ આફ્રિકા ખૂબ ઓછા પૈસામાં ટૂર્નામેન્ટનું આયોજન કરશે. દક્ષિણ આફ્રિકામાં આઈપીએલનું આયોજન કરવાનો અર્થ એ થશે કે ત્યાં હવાઈ મુસાફરી, હોટલ અને અન્ય સુવિધાઓ પર વધુ ખર્ચ નહીં થાય. ક્રિકેટ સાઉથ આફ્રિકાએ કહ્યું કે લીગનું આયોજન જોહાનિસબર્ગ અને તેની આસપાસના 4 સ્થળોએ કરવામાં આવશે. મોટાભાગની મેચ જોહાનિસબર્ગમાં યોજાશે. જ્યારે તે સિવાય કેટલીક મેચ સેન્ચુરિયન, વિલોમૂર અને સેનવેસ ક્રિકેટ સ્ટેડિયમમાં આયોજીત થઇ શકે છે.

20 ફેબ્રુઆરીએ સ્થળ અંગે અંતિમ નિર્ણય

જોકે, તાજેતરની સ્થિતિ એ છે કે BCCI ભારતમાં જ IPL 2022નું આયોજન કરવાના મૂડમાં છે. પરંતુ, જો કંઈક થયું, જેના કારણે પ્લાન બદલવો પડ્યો, તો દક્ષિણ આફ્રિકાને સ્થળ વિકલ્પ તરીકે અજમાવી શકાય છે. ગયા શનિવારની મીટિંગ પછી, BCCIએ તમામ ફ્રેન્ચાઇઝીઓને કહ્યું છે કે તેઓ 20 ફેબ્રુઆરી સુધીમાં સ્થળ અંગે અંતિમ નિર્ણય લેશે.

BCCI સેક્રેટરી જય શાહ પહેલા જ કહી ચુક્યા છે કે IPL 2022 માર્ચના છેલ્લા અઠવાડિયાથી યોજાશે. લોન્ચની તારીખ 27 માર્ચ હોઈ શકે છે. અને આ લીગ મે સુધી ચાલશે. ભારતમાં કોરોનાનો ખતરો છે. આ હોવા છતાં, ઘણા ફ્રેન્ચાઇઝ માલિકો ઇચ્છે છે કે ઇવેન્ટ ભારતમાં જ યોજાય. આ ટુર્નામેન્ટ મુંબઈ અને પુણેના ખાલી સ્ટેડિયમમાં યોજાય તેવી શક્યતા છે.