Sports: 2022 ફોર્મ્યુલા રિજનલ એશિયન ચૅમ્પિયનશિપમાં મુંબઈ ફાલ્કન્સે શાનદાર શરૂઆત કરી
ફોર્મ્યુલા વન ડ્રાઈવર અને અનેક ઈન્ડી 500 વિજેતા, પાબ્લો મોન્ટોયા (Juan Pablo Montoya) ના પુત્ર સેબેસ્ટિયન મોન્ટોયા એ તેના જીવનની પ્રથમ રેસમાં પોલ પોઝિશન મેળવી.
મુંબઈ ફાલ્કન્સે યસ મરિના સર્કિટ ખાતે 2022 ફોર્મ્યુલા રિજનલ એશિયન ચેમ્પિયનશિપ (FRAC) ની શરૂઆત એક જીત અને બે પોડિયમ ફિનિશ સાથે કરી. FIA ની F3 કેટેગરીની ઇવેન્ટ અબુ ધાબીમાં ત્રણ રેસ સાથે યોજાઈ હતી. મુંબઈ ફાલ્કન્સ, આઠ ટીમોમાંની એક મોન્ટે કાર્લો (Monte Carlo) ના આર્થર લેક્લેર્ક (Arthur Leclerc), સ્વીડનના ડીનો બેગાનોવિક (Dino Beganovic) અને યુવાન કોલંબિયાના સેબેસ્ટિયન મોન્ટોયા (Sebastian Montoya) ની બનેલી મજબૂત ટીમને મેદાનમાં ઉતારી હતી.
રેસ 1
Mumbai Falcons
ફોર્મ્યુલા વન ડ્રાઈવર અને અનેક ઈન્ડી 500 વિજેતા સેબેસ્ટિયન મોન્ટોયાના પુત્ર, જુઆન પાબ્લો મોન્ટોયા (Juan Pablo Montoya), તેના જીવનની પ્રથમ રેસમાં જ આઈઝેક હડજર (Isack Hadjar) અને પોલ એરોન જેવા દિગ્ગજ લોકો સામે સ્પર્ધા કરીને પોલ પોઝીશન મેળવ્યું. તેની ટીમના ડ્રાઈવર આર્થર અને ડીનોએ ટોપ સિક્સમાં સ્થાન મેળવ્યું હતું. મોન્ટોયાએ મજબૂત શરૂઆત કરી અને શરૂઆતથી અંત સુધી રેસમાં આગળ હતો. બે સેફ્ટી કાર પીરિયડ હોવા છતાં, તેણે બીજા કરતા આગળ વધવા માટે બે ખૂબ જ ઝડપી લેપ્સ લીધા. અંતિમ તબક્કામાં ત્રીજા સ્ટોપેજ પછી, સેફ્ટી કારથી રેસ સમાપ્ત થઈ અને મોન્ટોયાને તેના જીવનની પ્રથમ FRAC રેસનો વિજેતા જાહેર કરવામાં આવ્યો.
View this post on Instagram
લેક્લેર્કે હાંસલ કર્યુ પોડિયમ ફિનિશ
આર્થર લેક્લેર્ક, ફેરારી ફોર્મ્યુલા વન સ્ટાર ચાર્લ્સ લેક્લેર્કના નાના ભાઈએ ગ્રીડ પર 5મીથી શરૂઆત કર્યા પછી પોડિયમ ફિનિશ (P3) લીધું. એક તબક્કે એવું લાગતું હતું કે તે પોડિયમ ફિનિશ (P2) હાંસલ કરશે. પરંતુ હાઇ-ટેક ગ્રાન્ડ પ્રિ (Grand Prix) ડ્રાઇવર ગેબ્રિયલ મીની (Gabriele Mini) એ આક્રમકતા સાથે મોનાકોના યુવાન ડ્રાઇવરને ઓવરટેક કરીને બીજું સ્થાન મેળવ્યું. ડીનો બેગાનોવિકે ગ્રીડમાં સાતમા સ્થાનેથી શરૂઆત કરી પાંચમા સ્થાને પહોંચી ગયો.
રેસ 2
View this post on Instagram
રિવર્સ ગ્રીડના નિયમ મુજબ, મુંબઈના ફાલ્કન ડ્રાઈવર મોન્ટોયાએ 10મા સ્થાનેથી શરૂઆત કરી. લેક્લેર્ક 8મા સ્થાને અને બેગાનોવિકે 6મા સ્થાનેથી શરૂઆત કરી. ત્રણેયએ એટલી ઝડપે કાર હંકારી હતી કે તેઓ મિડલ થી ફ્રન્ટ પેકમાં આવી ગયા હતા. ખાસ કરીને, લેક્લેર્ક પાગલોની જેમ ડ્રાઇવિંગ કરી રહ્યો હતો અને તે પોડિયમ પોઝિશન માટેનો દાવેદાર તરીકે જોવામાં આવતો હતો.
મિડલ પેકમાં તેનું સારું પ્રદર્શન હોવા છતાં, ડીનોનું નસીબ તેની તરફેણ કરતું ન હતું અને બહારથી ઓવરટેક કરતી વખતે તેની કાર ગેબ્રિયલ મીનીની કાર સાથે અથડાઈ હતી. ટક્કર બાદ બંને ચાલકો રેસમાંથી બહાર ફેંકાઈ ગયા હતા. જો કે, મોન્ટોયાએ શાનદાર પ્રદર્શન કર્યું અને છેલ્લા તબક્કામાં એક જ સ્ટ્રોકમાં બે કારને પાછળ છોડીને ચોથા સ્થાને પહોંચી ગયો. કોલમ્બિયન રેસર ભલે પોડિયમ પોઝિશન ચૂકી ગયો હોય, P10 થી P4 એ પ્રથમ વખત રેસર માટે અસાધારણ સીમાચિહ્નરૂપ છે. આર-એસ જીપીના ગેબ્રિયલ બોર્ટોલેટોએ સિઝનની બીજી રેસ જીતી. તેની ટીમના સાથી લોરેન્ઝો ફ્લુક્સા (Lorenzo Fluxa) અને આર્થર લેક્લેર્ક (Arthur Leclerc) તેની પાછળ રહ્યો.
Mumbai Falcons
રેસ 3
અબુ ધાબી રેસિંગ ડ્રાઈવર આમના અલ કુબૈસી અને ઈવેન્સ જીપી રેસર સેમ બોલુકબાસી (Cem Bolukbasi) ના વાહનો વચ્ચે અથડામણ થતાં થોડા સમય માટે રેસ અટકાવી દેવામાં આવી હતી. લાલ ધ્વજની ઘટનાએ ફાલ્કન ડ્રાઇવરોની થોડી ગતિ લીધી, પરંતુ તમામ મુશ્કેલી છતાં, લેક્લેર્ક રેસમાં સારો દેખાવ કર્યો અને આગળના પેકમાં પાછો આવ્યો.
Mumbai-Falcons
જો કે, તેની શાનદાર ચાલ, જે રેસમાં થોડી મોડી દેખાઈ હતી, તે પોડિયમ પોઝિશનને સુરક્ષિત કરવા માટે પણ અપૂરતી હતી અને મોનાકો ડ્રાઈવરો ચેમ્પિયનશિપમાં કેટલાક મહત્વપૂર્ણ અંક મેળવવા સાથે P5 પર આવી ગયા હતા. દરમિયાન, મોન્ટોયા અને બેગાનોવિક અનુક્રમે દસમા અને અગિયારમા સ્થાને રહ્યા હતા.
સોહિલ શાહે ફોર્મ્યુલા 4 માં પ્રભાવિત
દરમિયાન, 20 જાન્યુઆરીએ, યસ મરિના સર્કિટ ખાતે ફોર્મ્યુલા 4 શ્રેણીએ એક નવા ભારતીય રેસિંગ સુપરસ્ટારને જન્મ આપ્યો. સોહિલ લાંબા સમયથી ભારતના સૌથી વધુ ચર્ચિત યુવા ડ્રાઇવરોમાંનો એક છે, પરંતુ ફોર્મ્યુલા 4 UAE સિરીઝમાં તેણે ફરી એકવાર પોતાની ક્ષમતા સાબિત કરી છે. બેંગ્લોરના આ યુવાન ડ્રાઈવરે F1 ડ્રાઈવર બનવાની ઈચ્છા ધરાવતા શ્રેષ્ઠ 27 જુનિયર સ્પર્ધકોમાં રેસ 1 અને રેસ 2માં પાંચમું સ્થાન મેળવવાની તેની ઝડપ બતાવી. અફસોસ એ રહ્યો હતો કે, રેસમાં આક્રમક શરૂઆત કર્યા પછી, બેંગલોરનો યુવાન ડ્રાઈવર ટર્ન વન માં વાઈડ થયો.
મુંબઈ ફાલ્કનના યુવાન ડ્રાઈવરે બહાદુરીપૂર્વક લડત આપી અને રેડ ફ્લેગથી ભરેલી રેસમાં 10મું સ્થાન મેળવીને પોતાનું ખાતું ખોલાવ્યું. રેસ 2 માં, શાહને ટ્રેક પર ભૂલ કરવા બદલ P8 પર ડિમોટ કરવામાં આવ્યો હતો. તે ફ્રન્ટ અને મિડલ પેક પાછળ દસમા ક્રમે છે. બેંગ્લોરના ડ્રાઈવરે છઠ્ઠા સ્થાને પહોંચવા માટે કેટલીક શાનદાર ઓવરટેકિંગ કરી હતી. પરંતુ ફરી એકવાર પીટલેનનું ઉલ્લંઘન કરવા બદલ તેને સજા મળી અને દસમા સ્થાનેથી સંતોષ માનવો પડ્યો.
Sohil Shah
રેસ 3 માં, શાહ P15 પર સમાપ્ત થયો. તે 10માં સ્થાને ચઢી ગયો હતો. પરંતુ પ્રારંભિક ઘટના બાદ તે 25માં સ્થાને પહોંચી ગયો હતો. યુવા રેસરની આગળ નીકળી જવાની ક્ષમતા ફરી એકવાર પ્રદર્શિત થઈ જ્યારે તે સન્માનજનક સ્થિતિમાં ઉતર્યો. ચોથી અને અંતિમ રેસ શાહ માટે કમનસીબ સાબિત થઈ અને છેલ્લા તબક્કામાં થયેલી ભૂલને કારણે તેણે રેસમાં સમય પહેલા રિટાયરમેન્ટ લેવુ પડ્યું.
મુંબઈ ફાલ્કન્સના સીઈઓ મોઈદ તુંગેકર સીઝનની શરૂઆતમાં ટીમના પ્રદર્શનથી ખુશ હતા, તેઓએ કહ્યુ “કેટલીક યાંત્રિક ખામીઓ હોવા છતાં, તે ચોક્કસપણે ખૂબ સારી શરૂઆત છે. અમે ફોર્મ્યુલા 4 ફોર્મ્યુલા રિજનલ એન્ડ એક્સીઇએલ મોટર સ્પોર્ટ માટે પ્રેમાને આભાર માનીશુ. અમે આવનારી રેસમાં વધુ સફળતા હાંસલ કરવાની આશા રાખીએ છીએ.” 2022 ફોર્મ્યુલા રિજનલ ચેમ્પિયનશિપ બહુ દૂર નથી. આગામી ત્રણ રેસ દુબઈ ઓટોડ્રોમ ખાતે 29 અને 30 જાન્યુઆરીએ યોજાશે.
આ પણ વાંચોઃ Petrol Diesel Price Today : આજે તમારા શહેરમાં 1 લીટર પેટ્રોલ – ડીઝલની કિંમત શું છે? જાણો અહેવાલ દ્વારા
આ પણ વાંચોઃ AFC Women Asian Cup: કોવિડને કારણે ભારતની તમામ મેચ રદ્દ, ટૂર્નામેન્ટ પર તેની શું અસર થશે, જાણો
Latest News Updates
