ટીમ ઈન્ડિયાની કારમી હાર, 8 વિકેટથી મેચ હારી ગઈ ભારતીય ટીમ
ઓસ્ટ્રેલિયાની મહિલા ટીમ હાલમાં ભારતના પ્રવાસે છે. બંને ટીમો વચ્ચે 3 મેચની ODI શ્રેણી રમાઈ રહી છે. આ શ્રેણીની પહેલી મેચમાં ટીમ ઈન્ડિયાને 8 વિકેટથી હારનો સામનો કરવો પડ્યો હતો. ઓસ્ટ્રેલિયાએ મોટા લક્ષ્યનો સરળતાથી પીછો કર્યો.
મહિલા વર્લ્ડ કપ 2025 પહેલા ટીમ ઈન્ડિયા ઓસ્ટ્રેલિયા સામે ઘરેલુ મેદાન પર 3 મેચની ODI શ્રેણી રમી રહી છે. આ શ્રેણીની પહેલી મેચ ચંદીગઢના મહારાજા યાદવિન્દ્ર સિંહ ઈન્ટરનેશનલ ક્રિકેટ સ્ટેડિયમ ખાતે રમાઈ હતી. આ મેચમાં ઓસ્ટ્રેલિયન ટીમે શાનદાર પ્રદર્શન કર્યું અને ટીમ ઈન્ડિયાને 8 વિકેટથી હરાવ્યું. જોકે ભારતીય ટીમે બોર્ડ પર મોટો સ્કોર બનાવ્યો, પરંતુ બોલિંગમાં કોઈ ખાસ બોલર કંઈ ખાસ કરી શકી નહીં.
ભારતીય બેટ્સમેનોએ બતાવી તાકાત
ટોસ જીતીને પહેલા બેટિંગ કરતા હરમનપ્રીત કૌરની ટીમે 50 ઓવરમાં 7 વિકેટે 281 રન બનાવ્યા. ઓપનર સ્મૃતિ મંધાનાએ 63 બોલમાં 58 રનની ઈનિંગ રમી, જેમાં 6 ચોગ્ગા અને 2 છગ્ગાનો સમાવેશ થાય છે. જ્યારે પ્રતિકા રાવલે 96 બોલમાં 64 રન બનાવ્યા. આ દરમિયાન, તેણીએ 6 ચોગ્ગા ફટકાર્યા. આ પછી, હરલીન દેઓલે 57 બોલમાં 54 રન બનાવ્યા અને ટીમને મોટા સ્કોર તરફ લઈ ગઈ. રિચા ઘોષે પણ 20 બોલમાં 25 રન ઉમેર્યા, જ્યારે દીપ્તિ શર્મા 16 બોલમાં 20 રન બનાવીને અણનમ રહી.
Australia win the ODI series opener. #TeamIndia will aim to come back stronger in the second ODI of the series.
Scorecard ▶️ https://t.co/Fw3TUl2thL#INDvAUS | @IDFCFirstBank pic.twitter.com/3Soxn1QgMg
— BCCI Women (@BCCIWomen) September 14, 2025
ઓસ્ટ્રેલિયાએ સરળતાથી ટાર્ગેટ ચેઝ કર્યો
આ લક્ષ્યના જવાબમાં ઓસ્ટ્રેલિયાએ શાનદાર બેટિંગ બતાવી. ઓસ્ટ્રેલિયાએ 44.1 ઓવરમાં માત્ર 2 વિકેટ ગુમાવીને લક્ષ્ય હાંસલ કરી લીધું. આ દરમિયાન ઓપનર ફોબી લિચફિલ્ડે જોરદાર ઈનિંગ રમી. તેણીએ 80 બોલનો સામનો કરીને 88 રન બનાવ્યા. આ દરમિયાન ફોબી લિચફિલ્ડે 14 ચોગ્ગા ફટકાર્યા. જ્યારે કેપ્ટન એલિસા હીલીએ 23 બોલમાં 27 રન બનાવીને ટીમને સારી શરૂઆત અપાવી.
બેથ મૂનીએ 77 રનની ઈનિંગ રમી
એલિસ પેરીએ પણ 38 બોલમાં 30 રનનું યોગદાન આપ્યું હતું, પરંતુ તે રિટાયર્ડ હર્ટ થઈ ગઈ અને પેવેલિયન પરત ફરી. આ પછી બેથ મૂની અને એનાબેલ સધરલેન્ડે ટીમને વિજય તરફ દોરી. બેથ મૂનીએ 74 બોલમાં 77 રનની અણનમ ઈનિંગ રમી, જેમાં 9 ચોગ્ગાનો સમાવેશ થાય છે. એનાબેલ સધરલેન્ડે 51 બોલમાં અણનમ 54 રન બનાવ્યા. તેની ઈનિંગમાં 6 ચોગ્ગાનો સમાવેશ થાય છે. બીજી તરફ, ભારત તરફથી ક્રાંતિ ગૌર અને સ્નેહ રાણાએ 1-1 વિકેટ લીધી. પરંતુ બાકીના બોલરો તરફથી કોઈ સહયોગ મળ્યો નહીં.
આ પણ વાંચો: Asia Cup 2025 : હાર્દિક પંડ્યાએ રચ્યો ઈતિહાસ, પહેલીવાર IND vs PAK મેચમાં થયું આવું
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
