IND vs WI: ટીમ ઈન્ડિયામાં કુલદીપ યાદવની વાપસી, રવિ બિશ્નોઈને પ્રથમવાર મોકો, રોહિત શર્મા નિભાવશે કેપ્ટનશીપ
Indian Team Announcement: રોહિત શર્મા (Rohit Sharma) ની કપ્તાની હેઠળની ટીમમાં વનડે અને ટી-20માં 17-17 ખેલાડીઓની પસંદગી કરવામાં આવી છે. મોટાભાગના ખેલાડીઓ જૂના છે પરંતુ કેટલાક નવા ચહેરાઓને પણ તક મળી છે.
વેસ્ટ ઈન્ડિઝ સામેની ODI અને T20 શ્રેણી માટે ભારતીય ક્રિકેટ ટીમ (Indian Cricket Team) ની જાહેરાત કરવામાં આવી છે. રોહિત શર્મા (Rohit Sharma) ની વાપસી થઈ છે અને તે ટીમ ઈન્ડિયાનો કેપ્ટન રહેશે. આ સિવાય મોટા સમાચાર એ છે કે ચાઈનામેન બોલર કુલદીપ યાદવ ટીમ ઈન્ડિયામાં પરત ફર્યો છે. તેને ODI ટીમમાં સામેલ કરવામાં આવ્યો છે. તે જ સમયે, લેગ સ્પિનર રવિ બિશ્નોઈ (Ravi Bishnoi), દીપક હુડાને પ્રથમ વખત ટીમ ઈન્ડિયામાં પસંદ કરવામાં આવ્યા છે. રવિ બિશ્નોઈને ODI અને T20 શ્રેણી માટે ટીમમાં સ્થાન મળ્યું છે જ્યારે હુડ્ડા ODI શ્રેણીનો ભાગ છે. આર અશ્વિન ટીમનો ભાગ નથી.
દક્ષિણ આફ્રિકામાં ખરાબ પ્રદર્શન બાદ ભુવનેશ્વર કુમારને ODI ટીમમાંથી બહાર કરી દેવામાં આવ્યો છે. પરંતુ T20 ટીમમાં તેનો સમાવેશ કરવામાં આવ્યો છે. વેંકટેશ અય્યરને પણ ODI ટીમમાંથી બહાર કરી દેવામાં આવ્યો છે. બીજી તરફ શિખર ધવન T20 અને ઈશાન કિશન ODI ટીમમાંથી બહાર છે. જસપ્રીત બુમરાહ અને મોહમ્મદ શામીને આ શ્રેણી માટે આરામ આપવામાં આવ્યો છે. બીજી તરફ કેએલ રાહુલ પ્રથમ વનડેમાં નહીં રમે. રવિન્દ્ર જાડેજાને હજુ ઠીક નથી તેથી તેની પસંદગી કરવામાં આવી નથી.
ભારત અને વેસ્ટ ઈન્ડિઝ વચ્ચે ત્રણ વનડે અને ત્રણ ટી-20 મેચોની શ્રેણી રમાશે. આ શ્રેણી 6 ફેબ્રુઆરીથી શરૂ થવાની છે. વનડે મેચો અમદાવાદમાં રમાશે. તેમજ, T20 શ્રેણી કોલકાતામાં રમાનારી છે.
ODI squad: Rohit Sharma (Capt), KL Rahul (vc), Ruturaj Gaikwad, Shikhar, Virat Kohli, Surya Kumar Yadav, Shreyas Iyer, Deepak Hooda, Rishabh Pant (wk), D Chahar, Shardul Thakur, Y Chahal, Kuldeep Yadav, Washington Sundar, Ravi Bishnoi, Mohd. Siraj, Prasidh Krishna, Avesh Khan
— BCCI (@BCCI) January 26, 2022
T20I squad: Rohit Sharma(Capt),KL Rahul (vc),Ishan Kishan,Virat Kohli,Shreyas Iyer,Surya Kumar Yadav, Rishabh Pant (wk),Venkatesh Iyer,Deepak Chahar, Shardul Thakur, Ravi Bishnoi,Axar Patel, Yuzvendra Chahal, Washington Sundar, Mohd. Siraj, Bhuvneshwar, Avesh Khan, Harshal Patel
— BCCI (@BCCI) January 26, 2022
કુલદીપ યાદવ પાછો ફર્યો
છેલ્લા કેટલાક વર્ષો વ્યક્તિગત રીતે કુલદીપ યાદવ માટે ઉતાર-ચઢાવથી ભરેલા રહ્યા છે. આ ખેલાડી ટીમ ઈન્ડિયાની બહાર હતો. ગયા વર્ષે શ્રીલંકા ગયેલી ભારતની B ટીમમાં આ ખેલાડીને ચોક્કસ તક મળી હતી, પરંતુ ફરીથી કુલદીપને દક્ષિણ આફ્રિકા શ્રેણીમાં જગ્યા મળી ન હતી.
IPLમાં પણ KKRએ કુલદીપ યાદવને પ્લેઈંગ ઈલેવનમાંથી બહાર રાખ્યો હતો અને પછી ઈજાના કારણે તે લીગમાંથી બહાર થઈ ગયો હતો. જો કે હવે આ ખેલાડીને ફરી તક મળી છે. તમને જણાવી દઈએ કે કુલદીપ યાદવનો ODI અને T20 રેકોર્ડ શાનદાર છે. આ ડાબા હાથના ચાઈનામેન બોલરે 65 વનડેમાં 107 વિકેટ ઝડપી છે. T20માં પણ કુલદીપે 23 મેચમાં 41 વિકેટ ઝડપી છે.
રવિ બિશ્નોઈ પર વિશ્વાસ વ્યક્ત કર્યો હતો
21 વર્ષના લેગ સ્પિન રવિ બિશ્નોઈને પહેલીવાર ટીમ ઈન્ડિયામાં તક મળી છે. બિશ્નોઈએ અત્યાર સુધી 17 ફર્સ્ટ ક્લાસ મેચમાં 24 વિકેટ લીધી છે. હાલમાં જ લખનૌ સુપર જાયન્ટ્સ દ્વારા બિશ્નોઈને પોતાની ટીમમાં સામેલ કરવામાં આવ્યો છે. બિશ્નોઈએ IPL ની 23 મેચમાં 24 વિકેટ લીધી છે.
ODI ટીમ આ પ્રમાણે છે
રોહિત શર્મા (કેપ્ટન), કેએલ રાહુલ (વાઈસ-કેપ્ટન), શિખર ધવન, ઋતુરાજ ગાયકવાડ, વિરાટ કોહલી, શ્રેયસ અય્યર, સૂર્યકુમાર યાદવ, દીપક હુડ્ડા, ઋષભ પંત, દીપક ચાહર, શાર્દુલ ઠાકુર, રવિ બિશ્નોઈ, યુઝવેન્દ્ર ચહલ, કુલદીપ ચહલ. વોશિંગ્ટન સુંદર, મોહમ્મદ સિરાજ, આવેશ ખાન અને પ્રસિદ્ધ કૃષ્ણા.
T20 ટીમ આ પ્રમાણે છે
રોહિત શર્મા (કેપ્ટન), કેએલ રાહુલ (વાઈસ-કેપ્ટન), ઈશાન કિશન, વિરાટ કોહલી, શ્રેયસ ઐયર, સૂર્યકુમાર યાદવ, ઋષભ પંત, વેંકટેશ ઐયર, દીપક ચાહર, શાર્દુલ ઠાકુર, રવિ બિશ્નોઈ, અક્ષર પટેલ, યુઝવેન્દ્ર ચહલ, વોશિંગ્ટન સુંદર, મોહમ્મદ સિરાજ, ભુવનેશ્વર કુમાર, આવેશ ખાન અને હર્ષલ પટેલ.
આ પણ વાંચોઃ Virat kohli એ 2-3 મહિના સુધી ક્રિકેટ ન રમવું જોઈએ, રવિ શાસ્ત્રીની ગજબની સલાહ
આ પણ વાંચોઃ Dilruwan Perera એ લીધો આંતરરાષ્ટ્રીય ક્રિકેટમાંથી લીધો સંન્યાસ, પત્ર લખી ક્રિકેટ બોર્ડને કરી જાણ
