IND vs ZIM: ઝિમ્બાબ્વે સામે ભારતે 235 રનનું લક્ષ્ય ખડક્યું, અભિષેકની તોફાની સદી
India vs Zimbabwe 2nd match: ભારતીય ટીમના યુવા ઓપનર અભિષેક શર્માએ તોફાની સદી નોંધાવી હતી. શર્માની સદી, ગાયકવાડની અડધી સદી અને રિંકૂ સિંહની તોફાની રમતના સહારે ભારતે વિશાળ લક્ષ્ય ઝિમ્બાબ્વે સામે રાખ્યું હતુ.
ભારત અને ઝિમ્બાબ્વે વચ્ચે રમાઈ રહેલી 5 T20 મેચની શ્રેણીની બીજી મેચ હરારેમાં રમાઈ રહી છે. ભારતીય ટીમના સુકાની શુભમન ગિલે ટોસ જીતીને પ્રથમ બેટિંગ પસંદ કરી હતી. ભારતીય ટીમના યુવા ઓપનર અભિષેક શર્માએ તોફાની સદી નોંધાવી હતી. શર્માની સદી, ગાયકવાડની અડધી સદી અને રિંકૂ સિંહની તોફાની રમતના સહારે ભારતે વિશાળ લક્ષ્ય ઝિમ્બાબ્વે સામે રાખ્યું હતુ.
શુભમન ગિલ ઝડપથી વિકેટ ગુમાવી દેતા એક સમયે ભારતીય ક્રિકેટ ચાહકોને મુશ્કેલીઓનો સામનો કરવો પડશે એવી ચિંતા સતાવી રહી હતી. પરંતુ ટીમ ઈન્ડિયાના યુવા ખેલાડીઓએ રંગ જમાવતા મેદાનમાં ચોમેર ચોગ્ગા અને છગ્ગા વરસાવ્યા હતા.
Innings Break!
A solid batting display from #TeamIndia!
A maiden TON for @IamAbhiSharma4 An unbeaten 77 for @Ruutu1331 A cracking 48* from @rinkusingh235
Over to our bowlers now!
Scorecard ▶️ https://t.co/yO8XjNqmgW#ZIMvIND pic.twitter.com/FW227Pv4O3
— BCCI (@BCCI) July 7, 2024
અભિષેકની સદી
ભારતીય ટીમના ઓપનર અભિષેક શર્માએે શરુઆતથી જ શાનદાર રમત દર્શાવી હતી. ટીમ ઈન્ડિયાનું સુકાન સંભાળતા શુભમન ગિલે ટોસ જીતીને પ્રથમ બેટિંગ પસંદ કરી હતી. ઓપનર ગિલે ટીમના 10 રનના સ્કોર પર ભારતને પ્રથમ ઝટકો પોતાનીી વિકેટ ગુમાવીને આપ્યો હતો. ગિલ મુઝરબાનીના બોલ પર બ્રાયનના હાથમાં કેચ ઝીલાઈ ગયો હતો. ગીલે માત્ર 2 રન 4 બોલનો સામનો કરીને નોંધાવી પરત ફર્યો હતો.
ત્યારબાદ અભિષેક શર્મા અને ઋતુરાજ ગાયકવાડે જવાબદારી સંભાળી હતી. બંનેએ મક્કમ રમત વડે સ્કોર બોર્ડને આગળ વધાર્યું હતુ. આ દરમિયાન અભિષેક શર્માએ ચોગ્ગા અને છગ્ગા ફટકારવા શરુ કર્યા હતા. તો ગાયકવાડે પણ બોલને બાઉન્ડરી પર મોકલવાની ફટકાબાજી જારી રાખી હતી. અભિષેક શર્માએ 47 બોલનો સામનો કરીને 100 રન નોંધાવ્યા હતા. શર્માએ તોફાની રમત દરમિયાન 8 છગ્ગા અને 7 ચોગ્ગા ફટકાર્યા હતા.
️@IamAbhiSharma4 smashes 100 in 47 balls #SonySportsNetwork #ZIMvIND #TeamIndia pic.twitter.com/hHYlTopD1V
— Sony Sports Network (@SonySportsNetwk) July 7, 2024
ગાયકવાડની અડધી સદી
શર્મા અને ગાયકવાડ વચ્ચે 137 રનની ભાગીદારી રમત નોંધાઈ હતી. શર્મા 14મી ઓવરના અંતિમ બોલ પર 100 રન નોંધાવી કેચ આઉટ થયો હતો. જ્યારે ગાયકવાડે 1 છગ્ગો અને 11 ચોગ્ગાની મદદ વડે 47 બોલ રમીને 77 રન અણનમ નોંધાવ્યા હતા. આમ ગાયકવાડે પણ અડધી સદી નોંધાવીને ટીમને મજબૂત સ્થિતિમાં પહોંચવા માટે શર્મા સાથે મળીને મહત્વની ભૂમિકા નિભાવી હતી. જ્યારે રિન્કૂ સિંહે 22 બોલમાં 48 રન નોંધાવ્યા હતા. રિન્કૂ સિંહ અણનમ રહ્યો હતો. તેણે 5 છગ્ગા અને 2 ચોગ્ગા ફટકાર્યા હતા.