India vs South Africa 4th T20 Match Live Streaming: ભારતીય ટીમ પર સિરીઝ બચાવવાનું દબાણ, જાણો ક્યારે, ક્યાં કેવી રીતે મેચ જોઈ શકશો
Watch IND Vs SA 4th T20 Match Live: ભારતીય ટીમ 5 મેચની સિરીઝમાં 1-2થી પાછળ છે, જો ભારતીય ટીમ રાજકોટમાં રમાનારી મેચ હારી જશે તો તે આખી સિરીઝ ગુમાવશે.
India vs South Africa : ભારત અને દક્ષિણ આફ્રિકા (India vs South Africa) વચ્ચે પાંચ મેચની T20 સિરીઝની ચોથી મેચ શુક્રવારના રોજ રાજકોટના સૌરાષ્ટ્ર ક્રિકેટ સ્ટેડિયમમાં રમાશે. સતત 2 મેચ હાર્યા બાદ વિશાખાપટ્ટનમમાં ભારતીય ટીમે જીત મેળવી હતી. ભારત માટે આ મેચ કરો યા મરોના મુકાબલાની હશે. મહેમાન ટીમ દક્ષિણ આફ્રિકા સિરીઝ જીતવા માટે માત્ર એક મેચ દુર છે. ઋષભ પંત (Rishabh Pant)ની કેપ્ટનશીપમાં ટીમ માટે સિરીઝ બચાવવી એક પડકાર છે.
વિશાખાપટ્ટનમમાં સારી શરુઆત બાદ ભારતીય ટીમ થોડી નબળી પણ જોવા મળી હતી. અંતે હાર્દિક પાંડ્યા 21 બોલમાં 31 રન બનાવી ટીમનો સ્કોર 180 રને પહોંચાડ્યો હતો. સ્પિનર ચહલ અને અક્ષર પટેલે પણ શાનદાર બોલિંગ કરી હતી. અનુભવી ફાસ્ટ બોલર ભુવનેશ્વર કુમાર પણ સારા ફોર્મમાં છે, જે ભારતીય ટીમ માટે સારા સમચાર છે.
ઉમરાન મલિકે દિલ જીત્યું
IPL 2022 માં પણ ઉમરાન મલિકે પોતાની રમતથી લોકોનું દિલ જીતી લીધું હતું. ઉમરાન મલિકે IPL 2022 ની 14 મેચોમાં 22 વિકેટ ઝડપી હતી. જેમાં ગુજરાત ટાઇટન્સ (Gujarat Titans) સામે 5 વિકેટનો સમાવેશ થાય છે. ઉમરાન મલિકની સૌથી મોટી તાકાત છે ઝડપ. ઉમરાન IPLમાં સૌથી ફાસ્ટ બોલ નાખનાર બોલર સાબીત થયો છે. તેની પાસે કોઈપણ બેટિંગ આક્રમણને તોડી પાડવાની કળા છે. તેને ચોથી T20 મેચમાં ડેબ્યૂ કરવાની તક મળી શકે છે.
ભારત અને દક્ષિણ આફ્રિકા વચ્ચે 4થી T20I મેચ ક્યાં રમાશે?
ભારત અને દક્ષિણ આફ્રિકા વચ્ચે 4થી T20I મેચ રાજકોટના ક્રિકેટ સ્ટેડિયમમાં રમાશે
ભારત અને દક્ષિણ આફ્રિકા વચ્ચે 4થી T20I મેચ ક્યારે રમાશે ?
ભારત અને દક્ષિણ આફ્રિકા વચ્ચે 4થી T20I મેચ 17 જૂનની રાત્રે 7 કલાકે શરુ થશે. મેચ માટે ટોસ 6:30 થશે
ભારત અને દક્ષિણ આફ્રિકા વચ્ચે 4થી T20I મેચ પ્રસારણ ક્યા થશે ?
ભારત અને દક્ષિણ આફ્રિકા વચ્ચે 4થી T20I મેચ પ્રસારણ Star Sports Network અલગ અલગ ચેનલ પર થશે
ભારત અને દક્ષિણ આફ્રિકા વચ્ચે 4થી T20I મેચની લાઈવ સ્ટ્રીમિંગ ક્યાં જોઈ શકો છો
ભારત અને દક્ષિણ આફ્રિકા વચ્ચે 4થી T20I મેચ લાઈવ સ્ટ્રીમિંગ Disney+ Hotstar પર જોઈ શકો છો આ સિવાય જાણકારી માટે તમે tv9gujarati.com લાઈવ બ્લોગ વાંચી શકો છો.