IND vs SA T20 World Cup Final પહેલા ભારતીય મહિલા ક્રિકેટરોએ સાઉથ આફ્રિકાને લાવ્યું ઘૂટણીએ, કર્યું મોટું કારનામું

IND W vs SA W: ભારતની મહિલા ક્રિકેટ ટીમ અને દક્ષિણ આફ્રિકાની મહિલા ક્રિકેટ ટીમ વચ્ચે એકમાત્ર ટેસ્ટ મેચનું આયોજન કરવામાં આવી રહ્યું છે. આ મેચના બીજા દિવસના અંત સુધીમાં ટીમ ઈન્ડિયા ખૂબ જ મજબૂત સ્થિતિમાં જોવા મળી રહી છે. ભારતીય મહિલા ટીમે રમતના બીજા દિવસે ઘણા મોટા રેકોર્ડ પોતાના નામે કર્યા છે. ભારતે રમતના બીજા દિવસે 600 રનનો આંકડો પાર કરી લીધો હતો.

ટીમ ઈન્ડિયાએ પ્રથમ દાવમાં 6 વિકેટ ગુમાવીને 603 રન બનાવ્યા હતા. આ પછી કેપ્ટન હરમનપ્રીત કૌરે ઇનિંગ્સ ડિકલેર કરી હતી. મેચની પ્રથમ ઇનિંગમાં ભારતીય ઓપનરોએ શાનદાર પ્રદર્શન કર્યું હતું. આ દરમિયાન શેફાલી વર્માએ 205 રન અને સ્મૃતિ મંધાનાએ 149 રન બનાવ્યા હતા. રમતના બીજા દિવસે ટીમ ઈન્ડિયાની કેપ્ટન હરમનપ્રીત કૌર અને રિચા ઘોષે ઈનિંગને સંભાળી હતી.

ટીમ ઈન્ડિયાએ બનાવ્યો વર્લ્ડ રેકોર્ડ

દક્ષિણ આફ્રિકા સામેની રમતના બીજા દિવસે રિચા ઘોષે 86 રનની શાનદાર ઇનિંગ રમી હતી જ્યારે કેપ્ટન હરમનપ્રીત કૌરે 69 રનની શાનદાર ઇનિંગ રમી હતી. આ સાથે મહિલા ટેસ્ટ ક્રિકેટના ઈતિહાસમાં પ્રથમ વખત કોઈ ટીમે એક દાવમાં 600 રન બનાવ્યા છે, જેમાં ભારતીય ટીમ આ સિદ્ધિ હાંસલ કરવામાં સફળ રહી છે. આ સાથે જ મહિલા ટેસ્ટ ક્રિકેટમાં એક ઈનિંગમાં સૌથી વધુ સ્કોર બનાવવાનો રેકોર્ડ પણ ટીમ ઈન્ડિયાના નામે નોંધાઈ ગયો છે. આ પહેલા આ રેકોર્ડ ઓસ્ટ્રેલિયાની મહિલા ટીમના નામે હતો, જેણે વર્ષ 2024માં દક્ષિણ આફ્રિકાની ટીમ સામે પર્થમાં રમાયેલી ટેસ્ટ મેચમાં પોતાની પ્રથમ ઇનિંગમાં 575 રન બનાવ્યા હતા.

Web Stories View more

બાળકને સક્ષમ બનાવવા માટે જયા કિશોરીની દરેક માં-બાપ માટે મહત્વની સલાહ

ભારતમાં 'મોતની નદી' કોને કહેવાય છે?

હાર્દિક પંડયા T20 વર્લ્ડ કપ જીત્યો છતાં નતાશાએ કર્યું આવું, રડ્યો ગુજ્જુ ઓલરાઉન્ડર

તમારી પત્નીને આ 5 વાતો ક્યારેય ન કહેતા, વધશે મુશ્કેલી

કેનેડામાં 400 થી વધુ ફ્લાઇટ્સ રદ, સામે આવ્યું કારણ

વરસાદી મોસમમાં શરીરમાં આવે છે ખંજવાળ, તો અપનાવો આ ટીપ્સ

બોલરોએ કરી કરામત

ભારતે પોતાનો દાવ ડિકલેર કર્યો અને દક્ષિણ આફ્રિકાની ટીમ હવે બેટિંગ કરવા મેદાનમાં આવી. આ દરમિયાન દક્ષિણ આફ્રિકાએ 72 ઓવરમાં 4 વિકેટ ગુમાવીને 236 રન બનાવ્યા છે. ટીમ ઈન્ડિયાના બોલર સ્નેહ રાણાએ ત્રણ વિકેટ ઝડપી હતી. દીપ્તિ શર્માએ પણ એક વિકેટ લીધી હતી. દક્ષિણ આફ્રિકાની મેરિઝાન કેપ 125 બોલમાં 69 રન અને નાદિન ડી ક્લાર્ક 28 બોલમાં 27 રન સાથે રમી રહી છે. દક્ષિણ આફ્રિકાની ટીમ હાલમાં 367 રનથી પાછળ છે. રમતના ત્રીજા દિવસે ટીમ ઈન્ડિયા દક્ષિણ આફ્રિકાને વહેલી તકે ઓલઆઉટ કરવાનું લક્ષ્ય રાખશે.