IND vs WI: વેસ્ટ ઇન્ડિઝ સામેની સિરીઝ માટે આ સપ્તાહે થઇ શકે છે ટીમ ઇન્ડિયાની ઘોષણા, 1 ફેબ્રુઆરી એ કેરેબિયન ટીમ અમદાવાદ પહોંચશે
ભારતના પ્રવાસે આવી રહેલી વેસ્ટ ઇન્ડિઝ ટીમ (West Indies Cricket Team) પહેલી ફેબ્રુઆરીએ અમદાવાદ (Ahmedabad) પહોંચશે. જ્યારે પ્રવાસ 6 ફેબ્રુઆરીથી શરૂ થશે, બંને દેશો વચ્ચે ODI અને T20 સિરીઝ રમાશે.
દક્ષિણ આફ્રિકા પ્રવાસની કડવી યાદોને ભૂલીને હવે આગળ વધવાનો સમય આવી ગયો છે. આગામી શ્રેણી પર નજર રાખવા માટે, જે ભારતીય ટીમે વેસ્ટ ઈન્ડિઝ (India vs West Indies) સામે ઘરઆંગણે રમવાની છે. વેસ્ટ ઈન્ડિઝની ટીમે ભારતના પ્રવાસ પર 3 ODI અને 3 T20 મેચની શ્રેણી (3 ODI and 3 T20 match series) રમવાની છે. આ પ્રવાસ 6 ફેબ્રુઆરીથી શરૂ થશે, જેના માટે આ સપ્તાહે ટીમ ઈન્ડિયાની જાહેરાત થઈ શકે છે. સાઉથ આફ્રિકામાં ટીમ ઈન્ડિયાના પ્રદર્શનને જોતા વેસ્ટ ઈન્ડિઝ સામે ઘરઆંગણે રમાનારી શ્રેણી માટે ટીમમાં કેટલાક ફેરફારની શક્યતા છે.
મીડિયારિપોર્ટનુસાર સૌથી મોટો ફેરફાર કેપ્ટન રોહિત શર્મા (Rohit Sharma) ની વાપસી હોઈ શકે છે, જે હેમસ્ટ્રિંગની ઈજાને કારણે દક્ષિણ આફ્રિકા ગયો નથી. આ સિવાય રવિન્દ્ર જાડેજા પણ ટીમમાં વાપસી કરતો જોવા મળી શકે છે. જાડેજાને પણ ઈજા થઈ હતી અને તે રોહિત સાથે બેંગ્લોરમાં એનસીએમાં રિહેબ કરી રહ્યો હતો. આ બંને ખેલાડીઓની વાપસી સિવાય ટીમના બોલિંગ ઓર્ડરમાં મોટા ફેરફારો જોવા મળી શકે છે.
અમદાવાદ અને કોલકાતામાં રમાશે સિરીઝ
ભારતના પ્રવાસ પર, વેસ્ટ ઈન્ડિઝને મેચ પહેલા 6 અલગ-અલગ સ્થળોએ રમવાનું હતું. પરંતુ કોરોનાના કારણે, BCCIએ મેચો એકથી વધુ સ્થળોએ યોજવાને બદલે હવે માત્ર 2 સ્થળોએ જ મેચ યોજવાનો નિર્ણય લીધો છે. ભારત અને વેસ્ટ ઈન્ડિઝ વચ્ચેની વનડે શ્રેણી અમદાવાદના નરેન્દ્ર મોદી સ્ટેડિયમમાં રમાશે. જ્યારે T20 મેચો કોલકાતાના ઈડન ગાર્ડન્સમાં યોજાશે. ભારતના પ્રવાસે આવેલી કેરેબિયન ટીમ 1 ફેબ્રુઆરીએ અમદાવાદ પહોંચશે.
NEWS 🚨 : BCCI announces revised venues for home series against West Indies.
The three ODIs will now be played at the Narendra Modi Stadium, Ahmedabad and three T20Is will be held at the Eden Gardens, Kolkata.
More details here – https://t.co/vH9SOhtpIS #INDvWI pic.twitter.com/KNEZ8swbVa
— BCCI (@BCCI) January 22, 2022
ભારત પ્રવાસ આવી રહેલ વેસ્ટ ઈન્ડિઝનો કાર્યક્રમ
વેસ્ટ ઈન્ડિઝે ભારતના પ્રવાસ પર પ્રથમ વનડે શ્રેણી રમવાની છે. શ્રેણીની પ્રથમ વનડે 6 ફેબ્રુઆરીએ રમાશે. આ પછી, બાકીની 2 મેચ 9 ફેબ્રુઆરી અને 11 ફેબ્રુઆરીએ રમાશે. T20 શ્રેણી 5 દિવસના વિરામ બાદ શરૂ થશે. પ્રથમ T20 મેચ 16 ફેબ્રુઆરી, બીજી 18 ફેબ્રુઆરી જ્યારે ત્રીજી મેચ 20 ફેબ્રુઆરીએ રમાશે.
આ પણ વાંચોઃ IND vs SA: ટીમ ઇન્ડિયાને ક્લીન સ્વીપ કર્યા બાદ દક્ષિણ આફ્રિકાના ખેલાડીએ કહ્યુ ‘જય શ્રી રામ’, સોશિયલ મીડિયા પર Viral થઇ પોસ્ટ
આ પણ વાંચોઃ Sports: 2022 ફોર્મ્યુલા રિજનલ એશિયન ચૅમ્પિયનશિપમાં મુંબઈ ફાલ્કન્સે શાનદાર શરૂઆત કરી
Latest News Updates
