IND vs SA: ઋતુરાજ ગાયકવાડે વરસાદ દરમિયાન ગ્રાઉન્ડમેન સાથે એવુ વર્તન કર્યુ કે સોશિયલ મીડિયા પર ફેન્સ રોષ ઠાલવવા લાગ્યા-Video
ભારત અને દક્ષિણ આફ્રિકા (IND vs SA) વચ્ચે રમાઈ રહેલી પાંચમી T20 મેચમાં વરસાદના કારણે મેચ શરૂ થવામાં વિલંબ થયો અને આ દરમિયાન ટીમ ઈન્ડિયાના ખેલાડીએ એવું કામ કર્યું કે સોશિયલ મીડિયા પર તેની આકરી ટીકા થઈ રહી છે.
જ્યારે IPL-2022 ચાલી રહી હતી ત્યારે ટીવી પર એક ખાસ પ્રકારની જાહેરાત આવતી હતી. આ જાહેરાત ગ્રાઉન્ડ્સમેન માટે હતી જેઓ ગ્રાઉન્ડ તૈયાર કરવા માટે સખત મહેનત કરે છે જેથી મેચ થઈ શકે. ઘણા ખેલાડીઓ પણ ઘણી વખત ગ્રાઉન્ડ્સમેનના વખાણ કરતા જોવા મળ્યા છે. પરંતુ એક તરફ આઈપીએલમાં તેની પ્રશંસા થઈ રહી હતી ત્યારે આઈપીએલ બાદ ભારતીય ખેલાડીનું ગ્રાઉન્ડ્સમેન સાથે આવું વર્તન સામે આવી રહ્યું છે જે ખૂબ જ ખરાબ છે. બેંગ્લુરુના એમ. ચિન્નાસ્વામી સ્ટેડિયમ ખાતે ભારત અને દક્ષિણ આફ્રિકા (IND vs SA) વચ્ચે પાંચ મેચની શ્રેણીની નિર્ણાયક મેચ રમાઈ રહી છે. આ મેચમાં જીત સીરીઝમાં જીત સમાન હશે. મેચ શરૂ થવાની હતી ત્યારે વરસાદ આવ્યો અને ખેલાડીઓને બહાર જવું પડ્યું. આ દરમિયાન ભારતના ઓપનર ઋતુરાજ ગાયકવાડે (Ruturaj Gaikwad) એક એવું કામ કર્યું જેના કારણે સોશિયલ મીડિયા પર તેની ઘણી ટીકા થઈ રહી છે.
આ મેચમાં દક્ષિણ આફ્રિકાએ ટોસ જીતીને બોલિંગ કરવાનો નિર્ણય લીધો છે. ભારતની ઓપનિંગ જોડી ઈશાન કિશન અને ઋતુરાજ ગાયકવાડ મેદાન પર ઉતર્યા અને દક્ષિણ આફ્રિકા પણ. મેચ શરૂ થવાની હતી પરંતુ પછી વરસાદ આવ્યો અને ખેલાડીઓને ડગ-આઉટમાં પરત ફરવું પડ્યું.
સેલ્ફી લેવાની ના પાડી
આવી સ્થિતિમાં, જ્યારે ઋતુરાજ ડગઆઉટમાં બેઠો હતો, ત્યારે એક ગ્રાઉન્ડ્સમેન તેની પાસે આવ્યો અને સેલ્ફી લેવા લાગ્યો, પરંતુ આ યુવા ભારતીય બેટ્સમેને આ વ્યક્તિ સાથે વર્તન કર્યું જે ખૂબ જ ખરાબ હતું. ગાયકવાડે તેમને તેમનાથી દૂર કર્યા અને પછી સેલ્ફી લેવાની ના પાડી. ગાયકવાડે પણ બાજુમાં બેઠેલા ખેલાડીની આડમાં માથું છુપાવ્યું હતું.
Is this the way how you behave to elder person #RuturajGaikwad this is Very bad and disrespectful gesture. Sad to see these groundsmen getting treated like this👎 and even more sad is that we have to see this on NTV. @BCCI #INDvSA pic.twitter.com/IjfLZRnMnl
— Roshmi ➐ (@CricCrazyRoshmi) June 19, 2022
સોશિયલ મીડિયા પર થુ-થુ થઈ રહ્યું છે
ગાયકવાડનો આ વીડિયો સોશિયલ મીડિયા પર ખૂબ વાયરલ થઈ રહ્યો છે અને આ ખરાબ વર્તન માટે તેમની ઘણી ટીકા થઈ રહી છે. એક યુઝરે આ વીડિયોને ટ્વીટ કરીને લખ્યું કે, શું આ રીત છે કોઈ વડીલ સાથે વર્તવું. ઋતુરાજ ગાયકવાડ આ બહુ ખરાબ છે. ગ્રાઉન્ડ્સમેન સાથેનું આ પ્રકારનું વર્તન જોઈને ખૂબ જ દુઃખ થાય છે. તેના કરતાં પણ વધુ દુઃખની વાત એ છે કે આપણે આ બધું ટીવી પર જોઈ રહ્યા છીએ.
