બ્રેકિંગ ન્યૂઝ : અંડર 19 વર્લ્ડ કપના સુપર 6માં ભારતની વિજયી શરુઆત, ન્યૂઝીલેન્ડને 214 રનથી હરાવ્યુ
ભારતે તેની સુપર સિક્સ ગ્રુપ-1 મેચમાં ન્યૂઝીલેન્ડને 214 રને હરાવ્યું છે. ટોસ હાર્યા બાદ પ્રથમ બેટિંગ કરતા ભારતે 50 ઓવરમાં આઠ વિકેટ ગુમાવીને 295 રન બનાવ્યા હતા. મુશીર ખાને 131 રનની ઇનિંગ રમી હતી. જ્યારે આદર્શ સિંહે 52 રન બનાવ્યા હતા. જવાબમાં કિવી ટીમ 28.1 ઓવરમાં 81 રનમાં સમેટાઈ ગઈ હતી.
ઉદય સહારનની કપ્તાની હેઠળની ભારતીય ટીમ દક્ષિણ આફ્રિકામાં રમાઈ રહેલા ICC અંડર-19 વર્લ્ડ કપ 2024માં સતત સારું પ્રદર્શન કરી રહી છે. ગ્રુપ સ્ટેજની ત્રણેય મેચોમાં આસાન જીત નોંધાવ્યા બાદ જુનિયર ટીમ ઈન્ડિયાએ સુપર સિક્સની પોતાની પ્રથમ મેચમાં ન્યૂઝીલેન્ડને ખરાબ રીતે હરાવ્યું હતું. ટીમ ઈન્ડિયાના ‘છોટે મિયાં’ મુશીર ખાનની શાનદાર સદી અને સૌમ્યા પાંડેની ઘાતક બોલિંગના આધારે ભારતે કીવી ટીમને 214 રને પરાજય આપ્યો હતો. ન્યૂઝીલેન્ડ ભારતીય ટીમ સામે 100 રન પણ બનાવી શક્યું ન હતું.
બ્લૂમફોન્ટેનમાં ગ્રુપ સ્ટેજની ત્રણેય મેચો જીત્યા બાદ, ટીમ ઈન્ડિયાએ 30 જાન્યુઆરી મંગળવારના રોજ આ જ મેદાન પર સુપર-સિક્સ રાઉન્ડની તેની પ્રથમ મેચ રમી હતી. ગ્રુપ સ્ટેજમાં તેનો મુકાબલો બાંગ્લાદેશ, સ્કોટલેન્ડ અને યુએસએ સામે થયો હતો, પરંતુ સુપર-સિક્સમાં તેની પ્રથમ ટક્કર ન્યુઝીલેન્ડ સાથે હતી. કઠિન સ્પર્ધાની અપેક્ષા હતી પરંતુ તેમ થયું નહીં.
મુશિરે ન્યુઝીલેન્ડની ધોલાઈ કરી
Another stellar bowling performance & another win for the #BoysInBlue in the #U19WorldCup! #TeamIndia register a 214-run win over New Zealand U19
Scorecard ▶️ https://t.co/UdOH802Y4s#INDvNZ pic.twitter.com/tFfu3lVqSg
— BCCI (@BCCI) January 30, 2024
ટીમ ઈન્ડિયાએ પ્રથમ બેટિંગ કરતા 50 ઓવરમાં 8 વિકેટ ગુમાવીને 295 રન બનાવ્યા હતા. ફરી એકવાર ટોપ ઓર્ડરે રન બનાવવાની સમગ્ર જવાબદારી લીધી. સ્કોટલેન્ડ સામે સદી ફટકારનાર યુવા બેટ્સમેન મુશીર ખાને વધુ એક સદી ફટકારી છે. બે દિવસ પહેલા સિનિયર ભારતીય ટીમમાં પોતાનું સ્થાન બનાવનાર સરફરાઝ ખાનના નાના ભાઈ મુશીરે 126 બોલમાં 13 ચોગ્ગા અને 3 છગ્ગાની મદદથી 131 રન બનાવ્યા હતા.
તેમના સિવાય ઓપનર આદર્શ સિંહે પણ 52 રન બનાવ્યા હતા, જ્યારે કેપ્ટન ઉદયે 34 રનની બીજી ઉપયોગી ઇનિંગ રમી હતી.જ્યારે પ્રિયાંશુ મોલિયા અને સચિન ધસે છેલ્લી ઓવરોમાં નાના પરંતુ ઝડપી સ્કોર કરવાનું ચાલુ રાખ્યું હતું. ન્યુઝીલેન્ડ માટે ઝડપી બોલર મેસન ક્લાર્કે 8 ઓવરમાં 62 રન આપીને સૌથી વધુ 4 વિકેટ લીધી હતી.
સૌમ્યા-રાજની સામે ન્યૂઝીલેન્ડની બેટિંગ નિષ્ફળ ગઈ
અગાઉની મેચોમાં ટીમ ઈન્ડિયાના બોલરો સામે અન્ય ટીમોના બેટ્સમેનો નિષ્ફળ જતા જોવા મળ્યા હતા, પરંતુ એવું માનવામાં આવતું હતું કે કિવી બેટ્સમેનો ભારતીય આક્રમણની સારી પરીક્ષા આપશે. આ ધારણા પહેલી જ ઓવરમાં તુટી ગઈ. ફાસ્ટ બોલર રાજ લિંબાણીએ ઈનિંગની પહેલી જ ઓવરમાં જબરદસ્ત ઈન-સ્વિંગની મદદથી ન્યૂઝીલેન્ડની 2 વિકેટ ઝડપી હતી.આ પછી બેટ્સમેનો આવતા-જતા રહ્યા હતા.
લેફ્ટ આર્મ સ્પિનર સૌમ્ય પાંડેએ બીજી મેચમાં શાનદાર બોલિંગ કરી અને 4 વિકેટ લઈને ન્યૂઝીલેન્ડને માત્ર 81 રનમાં આઉટ કરવામાં મહત્વની ભૂમિકા ભજવી હતી. સૌમ્યા અને રાજ સિવાય મુશીર ખાને પણ અજાયબીઓ કરી હતી. પહેલા જ સદી ફટકારીને ન્યૂઝીલેન્ડને હરાવી ચૂકેલા મુશીરે ન્યૂઝીલેન્ડ માટે સૌથી વધુ 19 રન બનાવનાર કેપ્ટન ઓસ્કર જેક્સનને પોતાની સ્પિનથી બોલ્ડ કર્યો હતો. મુશીરે 2 વિકેટ પોતાના નામે કરી હતી
આ પણ વાંચો : ગાબામાં ઓસ્ટ્રેલિયાનું ઘમંડ તોડનાર ખેલાડી ઈન્ટરનેશનલ T20 લીગમાંથી થયો બહાર
