Harbhajan Singh રાજ્યસભામાં જોવા મળશે? કરણી સિંહથી લઈને ગૌતમ ગંભીર સુધી, આ ભારતીય ખેલાડીઓ સાંસદ બન્યા હતા જુઓ મોટા નામ
હાલમાં રાજ્ય સભાના સાંસદ તરીકે આપ હરભજન સિંહને મોકલી શકે છે તેવા સમાચાર ખૂબ ચર્ચામાં છે. આ પહેલા પણ કેટલાક મોટા ચહેરાઓ કે જેઓએ રમત ગમતમાં નામ બનાવ્યુ હતુ અને ત્યાર બાદ તેઓ સાંસદ સભ્ય તરીકે પણ જોવા મળ્યા હતા.
કીર્તિ આઝાદ, જેઓ 1983માં ભારતની ક્રિકેટ વર્લ્ડ કપ વિજેતા ટીમના મહત્વના સભ્ય હતા, તેમણે સાંસદ તરીકેની જવાબદારી પણ નિભાવી હતી. બિહારના પૂર્વ મુખ્યમંત્રી ભગવંત ઝા આઝાદના પુત્ર કીર્તિ 1999 થી 2004 અને ફરીથી 2009 થી 2019 સુધી દરભંગાથી ભાજપના સાંસદ હતા. કીર્તિએ ભારત માટે 32 આંતરરાષ્ટ્રીય મેચ રમી છે.
ભારતીય ક્રિકેટ ટીમના સૌથી વિસ્ફોટક ઓપનર એવા નવજોત સિંહ સિદ્ધુ હંમેશા પોતાની રાજનીતિના કારણે ચર્ચામાં રહે છે. તેઓ 2004 થી 2014 સુધી અમૃતસરથી ભાજપના લોકસભા સાંસદ હતા, ત્યારબાદ 2016માં પણ લગભગ 3 મહિના સુધી રાજ્યસભામાં પ્રતિનિધિત્વ કર્યું. સિદ્ધુએ ભારત માટે 187 આંતરરાષ્ટ્રીય મેચોમાં સાડા 7 હજારથી વધુ રન બનાવ્યા છે.
હોકીના બે ભૂતપૂર્વ દિગ્ગજ પણ સંસદનો ભાગ રહી ચૂક્યા છે. અસલમ શેર ખાન, જે 1975માં વર્લ્ડ કપ જીતનાર ભારતીય પુરૂષ ટીમના મહત્વના સભ્ય હતા, તેઓ 1984 થી 1989 અને ફરીથી 1991 થી 1996 સુધી મધ્ય પ્રદેશની બેતુલ બેઠક પરથી સાંસદ હતા. તે જ સમયે, દિલીપ ટીર્કી, ભૂતપૂર્વ ભારતીય કેપ્ટન અને એશિયન ગેમ્સમાં ગોલ્ડ મેડલ વિજેતા ટીમના સભ્ય, 2012 થી 2018 સુધી રાજ્યસભાના સભ્ય હતા.
ભારતીય ક્રિકેટ ટીમના પૂર્વ કેપ્ટન મોહમ્મદ અઝહરુદ્દીને પણ રાજકારણમાં હાથ અજમાવ્યો હતો. હૈદરાબાદનો આ સ્ટાઇલિશ બેટ્સમેન 2009 થી 2014 સુધી યુપીની મુરાદાબાદ સીટથી કોંગ્રેસનો સાંસદ હતા. અઝહરે ભારત માટે 99 ટેસ્ટ અને 334 ODI રમી હતી જેમાં તેણે કુલ 15000 થી વધુ રન બનાવ્યા હતા.
આ સિવાય સૌથી નવા સાંસદ ભૂતપૂર્વ ભારતીય ક્રિકેટર ગૌતમ ગંભીર છે. દિલ્હીના આ અનુભવી બેટ્સમેને 2019માં ભાજપની ટિકિટ પર પૂર્વ દિલ્હી બેઠક પરથી ચૂંટણી લડી હતી અને જીત પણ મેળવી હતી. ભારતને બે વર્લ્ડ કપ જીતાડનાર ભૂતપૂર્વ ઓપનરનો રાજકીય દાવમાં તેટલો જ સક્રિય છે જેટલો તે મેદાન પર હતો.
કર્નલ (આર.) રાજ્યવર્ધન રાઠોડ, ભારતીય રમતગમતના સૌથી મોટા નામોમાંના એક, પણ સંસદમાં પ્રવેશ્યા. 2004 ઓલિમ્પિક સિલ્વર મેડલ વિજેતા ભૂતપૂર્વ શૂટર કર્નલ રાઠોડ 2014 માં જયપુર ગ્રામીણ બેઠક પરથી ભાજપની ટિકિટ પર ચૂંટણી જીત્યા અને 2019 સુધી સાંસદ રહ્યા. આ દરમિયાન તેઓ રમતગમત મંત્રી પણ બન્યા હતા.
કેટલાક ભારતીય ખેલાડીઓને તેમની કારકિર્દીની સિદ્ધિઓના આધારે રાષ્ટ્રપતિ દ્વારા રાજ્યસભા માટે નામાંકિત કરવામાં આવ્યા હતા. આમાં સૌથી પહેલા 2012માં મહાન બેટ્સમેન સચિન તેંડુલકરને રાજ્યસભામાં મોકલવામાં આવ્યા હતા, જ્યાં તેઓ 2018 સુધી સભ્ય રહ્યા હતા. એ જ રીતે, 6 વખતની વર્લ્ડ ચેમ્પિયન બોક્સર એમસી મેરી કોમને 2016 માં ભારતના રાષ્ટ્રપતિ દ્વારા નોમિનેટ કરવામાં આવી હતી.
Published On - 5:05 pm, Fri, 18 March 22
