GT vs RCB પિચ રિપોર્ટઃ આજે અમદાવાદની પિચ પર કોણ ફાવશે ? જાણો

IPL 2024 ની 45મી મેચ આજે એટલે કે 28મી એપ્રિલે ગુજરાત ટાઇટન્સ વિરુદ્ધ રોયલ ચેલેન્જર્સ બેંગ્લોર વચ્ચે અમદાવાદના નરેન્દ્ર મોદી સ્ટેડિયમ ખાતે રમાશે. GT vs RCB મેચનો ભારતીય સમય અનુસાર બપોરે 3:30 વાગ્યે પ્રારંભ થશે. જ્યારે બંને કેપ્ટન – શુભમન ગિલ અને ફાફ ડુ પ્લેસિસ – ટોસ માટે મેચના અડધા કલાક પહેલા ફિલ્ડમાં ઉતરશે. આજની મેચ ગુજરાત અને બેંગલુરુ બંને ટીમો માટે મહત્વની બની રહેનાર છે.

જો RCB આજે આ મેચ હારી જશે તો તે સત્તાવાર રીતે ટુર્નામેન્ટમાંથી બહાર ફેકાઈ જનારી પ્રથમ ટીમ બની જશે, જ્યારે GT આજે હારી જશે તો તે પોઈન્ટ ટેબલમાં વધુમાં વધુ 16 પોઈન્ટ સુધી જ પહોંચી શકે તેવી સ્થિતિ સર્જાશે. આવી સ્થિતિમાં ગુજરાત ટાઈટન્સ માટે આગળની સફર ઘણી મુશ્કેલ બની જશે. GT vs RCB વચ્ચેની આજની મેચ સંબંધિત કેટલીક મહત્વપૂર્ણ માહિતી પર એક નજર કરીએ-

પિચ રિપોર્ટ

એક તરફ IPLમાં રનનો ઢગલો ખડકાઈ રહ્યો છે. ટીમ હવે સરળતાથી 200 રનના આંકને સ્પર્શી રહી છે. બીજી તરફ, ગુજરાત ટાઇટન્સ દિલ્હી કેપિટલ્સ સામેની છેલ્લી ઘરઆંગણાની મેચમાં માત્ર 89 રનમાં ઓલઆઉટ થઈ ગઈ હતી. આ ગુજરાત ટાઈટન્સનો આઈપીએલ ઈતિહાસનો સૌથી ઓછો સ્કોર નોંધાયો હતો.

Web Stories View more

Blood Pressure: આ વિટામિનની ઉણપને કારણે બ્લડપ્રેશર વધે છે! જાણો ક્યાં વિટામિનની ઉણપથી વધે છે બ્લડપ્રેશર!

આજનું રાશિફળ તારીખ : 11-05-2024

પેટની સમસ્યા હોય કે ગરમીમાં રાહત મેળવી હોય,આહારમાં સામેલ કરો આ એક શાકભાજી

જાણો કોણ છે સંજીવ ગોયન્કા જે કે.એલ રાહુલ પર ગુસ્સે થયા

મિનિટોમાં કિંમત ડબલ, 78 થી 155 રૂપિયા સુધી પહોંચી ગયો આ શેર, જાણો

આજનું રાશિફળ તારીખ : 10-05-2024

દિલ્હી કેપિટલ્સ પહેલા, ગુજરાત ટાઈટન્સને તેમના હોમ ગ્રાઉન્ડ પર પીબીકેએસ સામે પણ હારનો સામનો કરવો પડ્યો હતો. પંજાબ સામે ટીમ 199 રન બનાવીને હારી ગઈ હતી. આ વખતે અમદાવાદની પીચની પ્રકૃતિ મિશ્ર રહી છે. આ પિચ પર એવી ત્રણ ટીમ છે જેણે ત્રણ મેચમાં 150 રનનો આંકડો પાર કર્યો છે.

આજની મેચમાં અમદાવાદના નરેન્દ્ર મોદી સ્ટેડિયમની પિચ ઉપર પણ 170-180 રન બને તેવી સંભાવના છે. પહેલા ટોસ જીતનાર ટીમ ઘણીવાર આ મેદાન પર લક્ષ્યાંકનો પીછો કરવાનું પસંદ કરે છે.

નરેન્દ્ર મોદી સ્ટેડિયમમાં IPL મેચના આંકડા અને રેકોર્ડ્સ

• મેચ – 31
• પ્રથમ બેટિંગ કરીને જીતનાર ટીમ – 14
• જીતનો લક્ષ્યાંક મેળવવા બીજી બેટિંગ કરનાર ટીમની જીત – 17
• ટોસ જીતીને જીતેલી મેચો – 15
• ટોસ હાર્યા બાદ જીતેલી ટીમ – 16
• સર્વોચ્ચ સ્કોર- 233/3
• સૌથી ઓછો સ્કોર- 89
• પ્રથમ દાવનો સરેરાશ સ્કોર- 172
• ચેઝમાં સર્વોચ્ચ સ્કોર- 205

GT vs RCB હેડ ટુ હેડ

ગુજરાત ટાઇટન્સ અને રોયલ ચેલેન્જર્સ બેંગલોર IPLમાં અત્યાર સુધીમાં માત્ર ત્રણ વખત જ ટકરાયા છે. જેમાં GTએ 2 અને RCBએ એક મેચમાં જીત મેળવી છે. ગુજરાતને હજુ પણ તેના હોમગ્રાઉન્ડનો ફાયદો મળે તેવી સંભાવના છે.