GT vs SRH, IPL 2022: ગુજરાત સામે અભિષેક અને માર્કરમની અડધી સદીની રમત વડે હૈદરાબાદે 195 રનનો સ્કોર ખડક્યો, શામીની 3 વિકેટ

શામીએ સનરાઈઝર્સ હૈદરાબાદ (Sunrisers Hyderabad) ને પરેશાન રાખવાનો પ્રયાસ કર્યો હતો, પરંતુ અભિષેક શર્મા (Abhishek Sharma) અને એઈડન માર્કરમે શાનદાર અડધી સદી વડે ટીમને મોટા સ્કોર તરફ લઈ ગયા હતા.

Abhishek Sharma એ શાનદાર અડધી સદી ફટકારી

TV9 Gujarati | Edited By: Avnish Goswami | Updated on: Apr 27, 2022 | 10:00 PM

IPL 2022 ની 40 મી મેચ મુંબઈ ના વાનખેડે સ્ટેડિયમમાં ગુજરાત ટાઈટન્સ અને સનરાઈઝર્સ હૈદરાબાદ (Gujarat Titans vs Sunrisers Hyderabad) વચ્ચે રમાઈ રહી છે. ગુજરાતના કેપ્ટન હાર્દિક પંડ્યા એ ટોસ જીતીને બેટીંગ માટે પ્રથમ હૈદરાબાદને નિમંત્રણ આપ્યુ હતુ. હૈદરાબાદે શરુઆતમાં જ કેપ્ટન કેન વિલિયમસનની વિકેટ સસ્તામાં ઝડપી હતી. પરંતુ અભિષેક (Abhishek Sharma) અને એઇડન માર્કરમ (Aiden Markram) ની અડધી સદી સાથેની શાનદાર રમતે ગુજરાતના બોલરો સામે બેટ વડે આક્રમણ કર્યુ હતુ મોહમ્મદ શામી રંગમાં જોવા મળ્યો હતો. તેણે 3 વિકેટ ઝડપી હતી. હૈદરાબાદે 20 ઓવરના અંતે 6 વિકેટ ગુમાવીને 195 રનનો સ્કોર ખડક્યો હતો.

હૈદરાબાદની ટીમે શરુઆત સારી કરવાનો પ્રયાસ કર્યો હતો, પરંતુ કેપ્ટન કેન વિલિયમસન સસ્તામાં વિકેટ ગુમાવી બેઠો હતો. તે 5 રનનો વ્યક્તિગત સ્કોર કરીને શામીના બોલ પર બોલ્ડ થયો હતો. રાહુલ ત્રિપાઠીએ પણ આક્રમક રમતની શરુઆતનો પ્રયાસ કર્યો હતો. પરંતુ એ પણ 10 બોલમાં 16 રન કરીને શામીનો શિકાર થયો હતો. જોકે બાદમાં એઈડન માર્કરમ અને અભિષેક શર્માએ શાનદાર રમત રમીને સ્થિતીને સંભાળીને ટીમનો સ્કોર બોર્ડને ઝડપથી આગળ વધાર્યુ હતુ. સાથે જ કેન અને રાહુલની વિકેટનુ દબાણનો અહેસાસ પણ થવા નહી દઈ ગુજરાતને પરેશાન કરવા પ્રયાસ કર્યો હતો.

અભિષેક શર્માએ 42 બોલમાં 65 રન ફટકાર્યા હતા. 3 છગ્ગા અને 6 ચોગ્ગા પણ ઈનીંગમાં ફટકાર્યા હતા. એઇડન માર્કરમે 40 બોલમાં 56 રન નોંધાવ્યા હતા. તેણે 3 છગ્ગા ફટકાર્યા હતા. બંનેએ શાનદાર ભાગીદારી રમત રમીને ટીમેને મોટા સ્કોર સુધી પહોંચાડવા માટેનો સફળ પ્રયાસ કર્યો હતો. અંતમાં શશાંક સિંહ 3 છગ્ગા ફટકારીને 6 બોલમાં અણનમ 25 રન ફટકારીને સ્કોર બોર્ડને ઉંચુ લઈ ગયો હતો. નિકોલસ પૂરન (3) અને વોશિંગ્ટન સુંદર (3) સસ્તામાં વિકેટ ગુમાવી દીધી હતી.

Web Stories View more

મુકેશ અંબાણીએ એક જ દિવસમાં 43,000 કરોડ રૂપિયા ગુમાવ્યા, આ છે મોટું કારણ

20 વર્ષમાં 15% થી વધુ રિટર્ન આપનારા 10 Mutual Fund

ઉનાળામાં ચા પીધા પહેલા કે પછી પાણી પીવાથી શું થાય છે? જાણી લો

SBI આપી રહી છે સૌથી સસ્તી કાર લોન, જાણો 8 લાખની લોન પર કેટલી EMI આવશે?

ઉનાળાની કાળઝાળ ગરમીમાં છોડને હીટસ્ટ્રોકથી બચાવવા અપનાવો આ ટીપ્સ

Home Loan લીધા વગર ખરીદી શકશો 60 લાખનો ફ્લેટ, કરો આટલા હજારની SIP

શામીની 3 વિકેટ

મોહમ્મદ શામીએ શાનદાર બોલીંગ કરી હતી. તેણે 4 ઓવરમાં 39 રન ગુમાવ્યા હતા પરંતુ 3 વિકેટ મહત્વની મેળવી હતી. યશ દયાલે પણ કસીને બોલીંગ કરી હતી. જોકે તેને એક વિકેટ મળી હતી. અલ્ઝારી જોસેફને પણ એક વિકેટ મળી હતી. લોકી ફરગ્યુશન ખૂબ જ ખર્ચાળ બોલર સાબિત થયો હતો. તેણે 4 ઓવરમાં 52 રન કર્યા હતા.