IPL 2024: દિનેશ કાર્તિકે એક જ એરિયામાં ફટકાર્યા 4 ચોગ્ગા, રોહિત શર્માએ કહ્યું- શાબાશ ડીકે, હજુ વર્લ્ડ કપ રમવાનો છે
દિનેશ કાર્તિકે મુંબઈ ઈન્ડિયન્સ સામે અદભૂત અડધી સદી રમી હતી. આ જમણા હાથના બેટ્સમેને માત્ર 23 બોલમાં અણનમ 53 રન બનાવ્યા હતા. તેનો સ્ટ્રાઈક રેટ 230થી વધુ હતો. તેની આ જોરદાર ઈનિંગ જોયા બાદ મુંબઈના રોહિત શર્માએ તેની પ્રશંસા કરી હતી અને તેને મજાકમાં એક ખાસ ઓફર કરી હતી.
સિંહ ગમે તેટલો બુઢ્ઢો થઈ જાય, તે ક્યારેય શિકાર કરવાનું ભૂલતો નથી, આ લાઈન દિનેશ કાર્તિક પર બરાબર બંધબેસે છે. દિનેશ કાર્તિક 38 વર્ષનો થઈ ગયો છે. તેણે જાહેરાત કરી છે કે તે છેલ્લી વખત IPL રમી રહ્યો છે, પરંતુ આ ખેલાડીની બેટિંગ હજુ પણ મજબૂત છે. દિનેશ કાર્તિકે મુંબઈ ઈન્ડિયન્સ સામે પોતાની તોફાની બેટિંગની કુશળતા બતાવી હતી. દિનેશ કાર્તિકે માત્ર 23 બોલમાં 4 છગ્ગા અને 5 ચોગ્ગાની મદદથી અણનમ 53 રન બનાવ્યા હતા. દિનેશ કાર્તિકની બેટિંગ એટલી શાનદાર હતી કે મેચ દરમિયાન રોહિત શર્માએ તેને વર્લ્ડ કપ રમવા માટે કહ્યું હતું.
It’s not a replay ❌
It’s just @DineshKarthik using his improvisation perfectly not once but four times.
Watch the match LIVE on @JioCinema and @starsportsindia #TATAIPL | #MIvRCB pic.twitter.com/IzU1SAqZ6m
— IndianPremierLeague (@IPL) April 11, 2024
દિનેશ કાર્તિકનો જાદુ
13મી ઓવરમાં દિનેશ કાર્તિક ક્રિઝ પર આવ્યો હતો. મેક્સવેલ 0 રને આઉટ થયો હતો અને રન રેટ વધારવાની જવાબદારી કાર્તિક પર હતી. કાર્તિકે બરાબર એ જ કર્યું. આ ખેલાડીએ આકર્ષક શોટ્સ રમીને મુંબઈ ઈન્ડિયન્સના બોલરોની લાઈન બગાડી હતી. 16મી ઓવરમાં કાર્તિકે એવી શાનદાર બેટિંગ કરી કે દુનિયા ચોંકી ગઈ. કાર્તિકે આકાશ મધવાલની ઓવરમાં ચાર ચોગ્ગા ફટકાર્યા અને મોટી વાત એ છે કે આ ચાર ચોગ્ગા એક જ એરિયા પર એટલે કે થર્ડ મેન પર માર્યા હતા. દિનેશ કાર્તિકે રિવર્સ સ્કૂપ શોટ પર ચારેય ચોગ્ગા ફટકાર્યા હતા. દિનેશ કાર્તિકે માત્ર 22 બોલમાં પોતાની અડધી સદી પૂરી કરી હતી.
World cup khelna he world cup Rohit to DK #Abhiya #IPL2024 #MIvsRCB pic.twitter.com/TLuePfQstL
— Ro-Hit() (@SantoshYad43330) April 11, 2024
રોહિત શર્માએ કાર્તિકને શું કહ્યું?
દિનેશ કાર્તિકની બેટિંગ ઉપરાંત રોહિત શર્માનો એક વીડિયો પણ લાઈમલાઈટમાં આવ્યો હતો. રોહિત શર્માએ દિનેશ કાર્તિકને કહ્યું- શાબાશ ડીકે, હજુ વર્લ્ડ કપ રમવાનો છે. રોહિત શર્મા ભલે મજાકમાં આ વાત કહેતો હોય પરંતુ દિનેશ કાર્તિક જે ફોર્મમાં છે તે જોતા રોહિતની વાત સાચી લાગે છે. દિનેશ કાર્તિકે આ સિઝનમાં 71.50ની એવરેજથી 143 રન બનાવ્યા છે. તેનો સ્ટ્રાઈક રેટ 190થી વધુ છે.
આ પણ વાંચો : IPL 2024: છઠ્ઠી ઓવરના ચોથા બોલે ઈશાન કિશને કર્યું કંઈક એવું જેની કોઈને અપેક્ષા નહીં હોય, જુઓ Video
