IND vs ENG : ભારત-ઈંગ્લેન્ડ ટેસ્ટ સીરિઝમાં એકપણ મેચમાં તક ન મળી, હવે સીધો બન્યો કેપ્ટન

ભારત અને ઈંગ્લેન્ડ વચ્ચે ચાલી રહેલી ટેસ્ટ શ્રેણી વચ્ચે દુલીપ ટ્રોફી માટે પૂર્વ ઝોનની ટીમની જાહેરાત કરવામાં આવી છે. આ ટીમમાં ભારતના ઘણા સ્ટાર ખેલાડીઓની પસંદગી કરવામાં આવી છે. 2025 ચેમ્પિયન્સ ટ્રોફીમાં ભારત માટે છેલ્લે રમનાર મોહમ્મદ શમી પણ આ ટીમનો ભાગ છે. આ સિવાય ઈશાન કિશનને ટીમનો કેપ્ટન બનાવવામાં આવ્યો છે. આ ઉપરાંત, વાઈસ કેપ્ટનની જવાબદારી એવા ખેલાડીને સોંપવામાં આવી છે જેને ભારત-ઈંગ્લેન્ડ ટેસ્ટ શ્રેણીમાં એક પણ મેચ રમવાની તક મળી ન હતી.

દુલીપ ટ્રોફી માટે પૂર્વ ઝોનની ટીમ જાહેર

કાઉન્ટી ચેમ્પિયનશિપ ડિવિઝન વનમાં નોટિંગહામશાયર માટે બે ઈનિંગ્સમાં બે અડધી સદી ફટકારનાર ઈશાન કિશનને 15 સભ્યોની ટીમનો કેપ્ટન બનાવવામાં આવ્યો છે. આકાશ દીપ, મુકેશ કુમાર અને રિયાન પરાગ જેવા સ્ટાર ખેલાડીઓ તેની કેપ્ટનશીપમાં રમશે. વાઈસ કેપ્ટનશીપની જવાબદારી બંગાળના અનુભવી બેટ્સમેન અભિમન્યુ ઈશ્વરનને સોંપવામાં આવી છે. અભિમન્યુ ઈશ્વરન હાલમાં ઈંગ્લેન્ડ પ્રવાસ પર ભારતીય ટેસ્ટ ટીમનો ભાગ છે.

અભિમન્યુ ઈશ્વરન બન્યો વાઈસ કેપ્ટન

અભિમન્યુ ઈશ્વરન ઘણા સમયથી ભારતીય ટેસ્ટ ટીમના દરવાજા ખટખટાવી રહ્યો છે, પરંતુ હજુ સુધી તેને ડેબ્યૂ કરવાની તક મળી નથી. આવી સ્થિતિમાં, આ ટુર્નામેન્ટ તેના માટે ખૂબ જ મહત્વપૂર્ણ છે. તે ઈંગ્લેન્ડ સામેની વર્તમાન ટેસ્ટ શ્રેણીમાં બેન્ચ પર જ રહ્યો હતો, પરંતુ સ્થાનિક ક્રિકેટમાં તેના સાતત્ય અને ઉત્તમ પ્રદર્શનને કારણે તે આ વખતે પૂર્વ ઝોનનો વાઈસ-કેપ્ટન બન્યો છે. બંગાળના આ ઓપનરે પહેલા પણ ઘણી વખત તેની ટેકનિક અને ધીરજ બતાવી છે. હવે તે આ પ્લેટફોર્મ પર પોતાની ક્ષમતા સાબિત કરીને રાષ્ટ્રીય પસંદગીકારોનું ધ્યાન આકર્ષિત કરવાનો પ્રયાસ કરશે.

પૂર્વ ઝોનની ટીમ

ઈશાન કિશન (કેપ્ટન), અભિમન્યુ ઈશ્વરન (વાઈસ કેપ્ટન), સંદીપ પટનાયક, વિરાટ સિંહ, દાનિશ દાસ, શ્રીદમ પોલ, શરણદીપ સિંહ, કુમાર કુશાગ્રા, રિયાન પરાગ, ઉત્કર્ષ સિંહ, મનીષી, સૂરજ સિંધુ જયસ્વાલ, મુકેશ કુમાર, આકાશ દીપ અને મોહમ્મદ શમી.

સ્ટેન્ડબાય : મુખ્તાર હુસૈન, આશિર્વાદ સ્વેન, વૈભવ સૂર્યવંશી, સ્વસ્તિક સામલ, સુદીપ કુમાર ઘરામી અને રાહુલ સિંહ.

આ પણ વાંચો: WCL 2025 : સુરેશ રૈના આ સુંદર એન્કરના સવાલમાં ફસાઈ ગયો અને આપ્યો ખોટો જવા

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો