Yuzvendra Chahal Hat-trick : યુઝવેન્દ્ર ચહલે IPL 2025ની પહેલી હેટ્રિક લીધી, ધોની સહિત 4 ખેલાડીઓને કર્યા આઉટ

30 એપ્રિલ, બુધવારના રોજ ચેપોક સ્ટેડિયમ ખાતે રમાયેલી આ મેચમાં ચહલે પંજાબ કિંગ્સ માટે 19મી ઓવરમાં આ અદ્ભુત પરાક્રમ કર્યું હતું. ભારતીય લેગ-સ્પિનરે આ ઓવરમાં 4 વિકેટ લીધી હતી, જેમાં એમએસ ધોનીની વિકેટ અને એક હેટ્રિકનો સમાવેશ થાય છે. IPLની 18મી સિઝનમાં છેલ્લી 48 મેચોમાં કોઈ ખેલાડીએ હેટ્રિક લીધી ન હતી. ઘણા બોલરો આ સિદ્ધિ હાંસલ કરવાની નજીક પહોંચ્યા હતા, પરંતુ તેમ છતાં તે ચૂકી ગયા. આખરે, 49મી મેચમાં, IPL ઈતિહાસના સૌથી સફળ બોલર યુઝવેન્દ્ર ચહલે આ ચમત્કાર કર્યો, તે પણ IPLની સૌથી સફળ ટીમ સામે.

19મી ઓવરમાં ચહલે કર્યો કમાલ

આ સિઝનમાં ચહલના પ્રદર્શનમાં ઉતાર-ચઢાવ આવ્યા છે. આ મેચમાં પણ આવી જ સ્થિતિ હતી, જ્યારે તેણે પહેલી 2 ઓવરમાં 23 રન આપ્યા હતા. પછી, ડાબા હાથના બેટ્સમેન સેમ કરનની વિસ્ફોટક બેટિંગ જોઈને કેપ્ટન શ્રેયસ અય્યરે તેને બોલિંગ માટે બોલાવ્યો નહીં. પરંતુ 19મી ઓવરમાં તક મળતા જ ચહલ બોલિંગ કરવા આવ્યો. તેણે વાઈડ બોલથી શરૂઆત કરી. પછી ધોનીએ પહેલા જ બોલ પર સિક્સર ફટકારી. પરંતુ અહીંથી, ચહલે મેચ ફેરવી દીધી અને ઐતિહાસિક હેટ્રિક સહિત 4 વિકેટ લઈને ઈતિહાસ રચ્યો હતો.

Hat-trick? More like a trap-trick! pic.twitter.com/7uct49D5o0

— Punjab Kings (@PunjabKingsIPL) April 30, 2025

ધોની સહિત ચાર ખેલાડીઓને કર્યા આઉટ

ધોનીએ છગ્ગો ફટકાર્યા પછી, ચહલે બીજા જ બોલ પર ધોનીની વિકેટ લીધી. ધોની બાઉન્ડ્રી પર નેહલ વાઢેરાના હાથે કેચ આઉટ થયો. જે બાદ દીપક હુડ્ડાએ આગલા બોલ પર 2 રન લીધા. હવે ઓવરમાં ત્રણ બોલ બાકી હતા અને ચહલનો જાદુ શરૂ થયો. ઓવરના ચોથા બોલ પર દીપક હુડ્ડા કેચ આઉટ થયો. ત્યારબાદ અંશુલ કંબોજ પાંચમા બોલ પર ક્લીન બોલ્ડ થયો. હવે બધાની નજર તેના પર હતી કે ચહલ છેલ્લા બોલ પર હેટ્રિક પૂર્ણ કરી શકશે કે નહીં? ચહલે પોતાના આકર્ષક બોલથી નવા બેટ્સમેન નૂર અહેમદને મોટો શોટ રમવા માટે મજબૂર કર્યો, પરંતુ બોલ ફક્ત હવામાં જ ઊંચો જઈ શક્યો, જેને માર્કો જેન્સેન દ્વારા સરળતાથી કેચ કરવામાં આવ્યો અને ચહલે હેટ્રીક પૂરી કરી હતી.

..

First hat-trick of the season Second hat-trick of his IPL career

Yuzvendra Chahal is his name

Updates ▶ https://t.co/eXWTTv8v6L #TATAIPL | #CSKvPBKS | @yuzi_chahal pic.twitter.com/4xyaX3pJLX

— IndianPremierLeague (@IPL) April 30, 2025

ચહલની IPL કારકિર્દીની બીજી હેટ્રિક

આ સાથે, ચહલ IPL 2025માં હેટ્રિક લેનાર પ્રથમ બોલર બન્યો હતો. જોકે, આ પહેલીવાર નથી જ્યારે ચહલે હેટ્રિક લીધી હોય. આ પહેલા ચહલે 2022માં આ સિદ્ધિ મેળવી હતી. તે સમયે રાજસ્થાન રોયલ્સનો ભાગ રહેલા ચહલે કોલકાતા નાઈટ રાઈડર્સ સામે હેટ્રિક લીધી હતી. આ સાથે, તે IPLમાં એક કરતા વધુ હેટ્રિક લેનારા બોલરોમાં સામેલ થયો છે. આમાં અમિત મિશ્રા અને યુવરાજ સિંહ જેવા નામોનો સમાવેશ થાય છે. આ પ્રદર્શનથી ચહલે પંજાબ કિંગ્સના નિર્ણયને સાચો સાબિત કર્યો છે. પંજાબે તેને 18 કરોડ રૂપિયામાં ખરીદ્યો હતો.

આ પણ વાંચો: MS Dhoni : એમએસ ધોનીનું આગામી મેચ રમવાનું નક્કી નથી, શું IPL કરિયર થઈ ગયું સમાપ્ત?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો