Breaking News : IPL 2026ની ફાઈનલમાં છવાશે વૈભવ સૂર્યવંશી, આ 5 મોટા એવોર્ડ જીતી શકે છે

આજે અમદાવાદના નરેન્દ્ર મોદી સ્ટેડિયમમાં ગુજરાત ટાઈટન્સ અને રોયલ ચેલેન્જર્સ બેંગ્લોરની મેચ રમાવાની છે. ત્યારે ચાહકો પોતાની ટીમને સપોર્ટ કરવા માટે સ્ટેડિયમ પહોચશે. મેચ પૂર્ણ થયા બાદ વિજેતા ટીમને ટ્રોફી આપવામાં આવશે. તેમજ અનેક કેટેગરીમાં વિજેતા ખેલાડીઓને પણ ઈનામ આપવામાં આવશે. ત્યારે તમને જણાવી દઈએ કે, આઈપીએલ 2026ની ફાઈનલમાં અમદાવાદના નરેન્દ્ર મોદી સ્ટેડિયમમાં વૈભવ સૂર્યવંશીનું નામ ગુંજશે. તો ચાલો જાણીએ કેમ

IPL 2026 સીઝન હવે તેના અંતિમ તબક્કામાં છે. આ સીઝનમાં રનનો વરસાદ થયો અને ઘણા બેટ્સમેનો ચર્ચામાં રહ્યા છે. જો કોઈ એક ચહેરો સૌથી વધુ ધ્યાન ખેંચતો હોય, તો તે રાજસ્થાન રોયલ્સના યુવા ઓપનિંગ બેટ્સમેન વૈભવ સૂર્યવંશી હતો. 15 વર્ષની ઉંમરે, વૈભવે તેની રમતથી વિશ્વભરના દિગ્ગજ ખેલાડીઓને પ્રભાવિત કર્યા છે, જેના કારણે તે રાષ્ટ્રીય ટીમમાં ડેબ્યૂને લાયક છે કે નહીં તે અંગે ચર્ચા શરૂ થઈ છે. વૈભવે આ સીઝનમાં શાનદાર પ્રદર્શન કર્યું છે, હાલમાં તે ટુર્નામેન્ટમાં સૌથી વધુ રન બનાવનાર ખેલાડી છે.

વૈભવ સૂર્યવંશીનું નામ પહેલા સ્થાને

તો હવે તમે કહેશો કે, મેચ ગુજરાત અને બેંગ્લુરુ વચ્ચે છે તો. રાજસ્થાન રોયલ્સના ખેલાડી વૈભવ સૂર્યવંશીનું નામ કેમ ગુંજશે. તો તમને જણાવી દઈએ કે, વૈભવ સૂર્યવંશીએ તાબડતોડ ઈનિગ્સ રમી ક્રિકેટ જગતમાં ધમાલ મચાવી છે. તેમણે આઈપીએલમાં રાજસ્થાન રોયલ્સ માટે રમી અનેક વિશ્વ રેકોર્ડ તોડ્યા છે. જેમાં સૌથી જલ્દી 1000 રન પુરા કરવાનો રેકોર્ડ પણ સામેલ છે. એલિમિનેટર મેચ પછી આઈપીએલ 2026માં સૌથી વધારે રન બનાવનાર વૈભવ સૂર્યવંશી છે. જેની પાસે ઓરેન્જ કેપ છે. વૈભવ સૂર્યવંશીએ 16 ઈનિગ્સમાં 776 રન પુરા કર્યા છે. જેમાં 1 સદી અને 4 અડધી સદી સામેલ છે.ઓરેન્જ કેપના લિસ્ટમાં વૈભવ સૂર્યવંશીનું નામ પહેલા સ્થાને છે. વૈભવ સૂર્યવંશીએ 16 મેચમાં 776 રન બનાવ્યા છે.

બીજા સ્થાને ગુજરાત ટાઈટન્સનો કેપ્ટન શુભમન ગિલ છે. જેમણે 15 મેચમાં 722 રન બનાવ્યા છે. ત્રીજા સ્થાને સાંઈ સુદર્શન છે. જેમણે 16 મેચમાં 710 રન બનાવ્યા છે.વિરાટ કોહલી ટોપ 5માં પણ નથી. જો આજે ગિલ અને સાંઈ સુદર્શન મોટો સ્કોર બનાવવામાં સફળ ર નહી થાય તો ઓરેન્જ કેપ વૈભવ સૂર્યવંશીના માથા પર સજશે.

વૈભવ સૂર્યવંશી આ 5 મોટા એવોર્ડ જીતી શકે છે

• પહેલો એવોર્ડ ઈલેક્ટ્રિક સુપર સ્ટ્રાઈકર ઓફ ધ સીઝનનો એવોર્ડ નક્કી છે. આ એવોર્ડમાં જે ખેલાડીનો સ્ટ્રાઈક રેટ સૌથી સારો રહે તેને આપવામાં આવે છે.
• વૈભવ સૂર્યવંશીએ આઈપીએલ 2026માં કુલ 72 સિક્સ ફટકારી છે. તેમને સૌથી વધારે સિક્સ ફટકારવાનો એવોર્ડ પણ આપવામાં આવી શકે છે. એવોર્ડમાં પ્રાઈઝમની તરીકે 10 લાખ રુપિયા મળશે.
• વૈભવ સૂર્યવંશીને ઈમર્ઝિંગ પ્લેયર ઓફ ધ સીઝનનો એવોર્ડ મળવાની પણ શક્યતા છે. આ એવોર્ડમાં એ ખેલાડીઓને શોર્ટ લિસ્ટ કરવામાં આવ્યા છે. જેનો જન્મ 1 એપ્રિલ 2000 બાદ થયો હોય.
• વૈભવ સૂર્યવંશીને મોસ્ટ વેલ્યુએબલ પ્લેયર ઓફ ધ સીઝનનો એવોર્ડ પણ મળી શકે છે. વૈભવ સૂર્યવંશીના હાલમાં 436.5 અંક છે. તો ગુજરાત ટાઈટન્સના ફાસ્ટ બોલર કાગિસો રબાડાના નામે 408 પોઈન્ટ છે. જો આજે રબાડા ફાઈનલમાં સારું પ્રદર્શન ન કરે તો વૈભવને આ એવોર્ડ મળશે.
• વૈભવ સૂર્યવંશી 776 રનની સાથે ઓરેન્જ કેપની રેસમાં હાલમાં ટોપ પર છે. વૈભવ બાદ ગુજરાત ટાઈટન્સના બેટ્સમેન ગિલ 722 રન અને સાંઈ સુદર્શન 710 રન આવે છે. જો ગિલ 55 રન બનાવી ન શકે અને સુદર્શન 67 રન ન બનાવે તો વૈભવ સૂર્યવંશીને આ એવોર્ડ આપવામાં આવી શકે છે. ઓરેન્જ કેપ તરીકે 10 લાખ રુપિયા આપવામાં આવશે.

આઈપીએલ 2026માં વૈભવ સૂર્યવંશીએ અનેક રેકોર્ડ તોડ્યા, પરિવાર વિશે જાણો અહી ક્લિક કરો