Breaking News: એક ICC એવોર્ડ માટે સંજુ સેમસન અને જસપ્રીત બુમરાહ વચ્ચે સ્પર્ધા, કોણ બાજી મારશે?
માર્ચ મહિના માટે ICC પ્લેયર ઓફ ધ મન્થ માટેના નોમિની ખેલાડીઓની જાહેરાત કરવામાં આવી છે. આ વખતે, સ્પર્ધા ભારતીય ક્રિકેટના બે દિગ્ગજ ખેલાડીઓ સંજુ સેમસન અને જસપ્રીત બુમરાહ વચ્ચે છે. આ સિવાય ત્રીજો ખેલાડી દક્ષિણ આફ્રિકાનો યુવા વિકેટકીપર-બેટ્સમેન છે, જે પણ આ એવોર્ડ જીતવાની રેસમાં છે.
IPL 2026 ના ઉત્સાહ વચ્ચે ICC એ માર્ચ મહિના માટે પ્લેયર ઓફ ધ મન્થ માટે નોમિનીની જાહેરાત કરી છે. આ વખતે સ્પર્ધા જસપ્રીત બુમરાહ અને સંજુ સેમસન વચ્ચે છે. દક્ષિણ આફ્રિકાના વિકેટકીપર-બેટ્સમેન કોનોર ઈસ્ટરહુગન આ એવોર્ડ માટે ત્રીજો નોમિની છે. બુમરાહ અને સેમસનને T20 વર્લ્ડ કપ 2026 માં તેમના પ્રદર્શનના આધારે માર્ચ મહિના માટે ICC પ્લેયર ઓફ ધ મન્થ માટે નોમિનેટ કરવામાં આવ્યા છે. દક્ષિણ આફ્રિકાના વિકેટકીપર-બેટ્સમેન કોનોર ઈસ્ટરહુગનને ન્યુઝીલેન્ડ સામેની T20 શ્રેણીમાં તેમના પ્રદર્શનને કારણે નોમિનીની યાદીમાં સામેલ કરવામાં આવ્યો છે.
સંજુ સેમસન-T20 વર્લ્ડ કપ પ્લેયર ઓફ ધ ટુર્નામેન્ટ
2026 ના T20 વર્લ્ડ કપમાં સંજુ સેમસનને પ્લેયર ઓફ ધ ટુર્નામેન્ટ જાહેર કરવામાં આવ્યો હતો . તેણે વેસ્ટ ઈન્ડિઝ સામેની મહત્વપૂર્ણ સુપર 8 મેચમાં અણનમ 97 રન બનાવ્યા હતા. ત્યારબાદ તેણે ઈંગ્લેન્ડ સામેની સેમિફાઈનલમાં 89 રનની ઈનિંગ રમી હતી. આ પછી, સંજુ સેમસનએ ફાઈનલમાં પણ જોરદાર પ્રદર્શન કર્યું હતું. સેમસને ત્રણેય મેચમાં 199.27 ના સ્ટ્રાઈક રેટથી 275 રન બનાવ્યા હતા. આ દરમિયાન, તેણે સતત બે પ્લેયર ઓફ ધ મેચ એવોર્ડ પણ જીત્યા હતા. તે ICC T20 બેટિંગ રેન્કિંગમાં ટોચ 20 માં પણ પહોંચ્યો હતો.
Sanju Samson Jasprit Bumrah Connor Esterhuizen
It’s a star-studded shortlist for ICC Men’s Player of the Month for March 2026 ⭐
Read more ➡️ https://t.co/OIFnI6j6hC pic.twitter.com/6bU3tDzky8
— ICC (@ICC) April 6, 2026
જસપ્રીત બુમરાહ-ફાઈનલમાં પ્લેયર ઓફ ધ મેચ
જસપ્રીત બુમરાહ 2026 ના T20 વર્લ્ડ કપમાં સૌથી સફળ બોલર રહ્યો હતો. તેણે 8 મેચમાં 12.42 ની સરેરાશથી 14 વિકેટ લીધી હતી. તેનું શ્રેષ્ઠ પ્રદર્શન 15 રન આપીને 4 વિકેટ હતું, જ્યારે તેની ઈકોનોમી 6.21 હતી. ટુર્નામેન્ટ ફાઈનલમાં જસપ્રીત બુમરાહને પ્લેયર ઓફ ધ મેચ જાહેર કરવામાં આવ્યો હતો, ફાઈનલમાં ન્યુઝીલેન્ડ સામે તેણે 4 ઓવરમાં 15 રન આપ્યા હતા અને 4 વિકેટ લીધી હતી.
કોનોર ઇસ્ટરહુગન-એક શ્રેણીમાં 200 રન
દક્ષિણ આફ્રિકાનો વિકેટકીપર-બેટ્સમેન કોનોર ઈસ્ટરહુગેન અત્યાર સુધી માત્ર એક જ T20I શ્રેણી રમ્યો છે. ન્યુઝીલેન્ડ સામેની આ શ્રેણીમાં તેણે પાંચ મેચોમાં 145.98 ના સ્ટ્રાઈક રેટથી 200 રન બનાવ્યા હતા, જેમાં બે અડધી સદીનો સમાવેશ થાય છે.
Breaking News: ટીમ ઈન્ડિયા માટે એક, બે કે ત્રણ નહીં, પરંતુ આઠ ઓપનર તૈયાર, T20 વર્લ્ડ કપ પહેલા જોરદાર સ્પર્ધા
