Breaking News: IPL ફાઈનલ પહેલા RCB ફેન્સને મોટો ઝટકો, રોયલ ચેલેન્જર્સ બેંગલુરુ ચેમ્પિયન બને તો પણ નહીં ફૂટે ફટાકડા!

IPL 2026ની ફાઈનલમાં રોયલ ચેલેન્જર્સ બેંગલુરુ અને ગુજરાત ટાઈટન્સ વચ્ચે ખિતાબ માટે ટક્કર થવાની છે. અમદાવાદના નરેન્દ્ર મોદી સ્ટેડિયમમાં રમાનારી આ મેચને લઈને બંને ટીમોના ચાહકોમાં ભારે ઉત્સાહ જોવા મળી રહ્યો છે. ખાસ કરીને RCBના સમર્થકો ટીમના બીજા ટાઈટલની આશા સાથે આતુરતાથી ફાઈનલની રાહ જોઈ રહ્યા છે.

બેંગલુરુ પોલીસે જાહેર કરી એડવાઈઝરી

રોયલ ચેલેન્જર્સ બેંગલુરુ અને ગુજરાત ટાઈટન્સ વચ્ચે IPL 2026ની ફાઈનલ પહેલા બેંગલુરુ પોલીસે શુક્રવારે એક વિશેષ એડવાઈઝરી જાહેર કરી છે. પોલીસે લોકોને મેચના પરિણામ બાદ જાહેર સ્થળોએ મોટી સંખ્યામાં એકત્ર ન થવા અને અનિયંત્રિત ઉજવણી ટાળવા અપીલ કરી છે. અધિકારીઓનું કહેવું છે કે જાહેર વ્યવસ્થા જાળવવા માટે આ પગલાં જરૂરી છે.

પોલીસે જનતાને કરી અપીલ

પોલીસે LED સ્ક્રીન અને સ્ટ્રીટ ડિસ્પ્લે અંગે પણ કડક વલણ અપનાવ્યું છે. જાહેર સ્થળોએ મોટી LED સ્ક્રીન લગાવવા માટે સંબંધિત વિભાગોની પૂર્વ મંજૂરી ફરજિયાત રહેશે. ઉપરાંત, પહેલેથી લગાવવામાં આવેલી સ્ક્રીનો પર પણ મેચનું લાઇવ પ્રસારણ કરવાની મંજૂરી આપવામાં આવશે નહીં.

Bengaluru Police Issues Important Advisory Ahead of IPL 2026 Final pic.twitter.com/Snt42q4Y9P

— CricketGully (@thecricketgully) May 30, 2026

મેચ પહેલા પોલીસ સતર્ક

બેંગલુરુ પોલીસ દ્વારા જાહેર સ્થળોએ દારૂના સેવનથી દૂર રહેવાની પણ અપીલ કરવામાં આવી છે. અધિકારીઓના જણાવ્યા મુજબ, આવી પરિસ્થિતિમાં નાની બાબતો પણ મોટા વિવાદનું સ્વરૂપ ધારણ કરી શકે છે. તેથી લોકો શાંતિ અને જવાબદારી સાથે વર્તે તે જરૂરી છે.

ગયા વર્ષે ભાગદોડમાં 11 લોકોના મોત થયા હતા

ગયા વર્ષે એમ. ચિન્નાસ્વામી સ્ટેડિયમની બહાર સર્જાયેલી ભાગદોડની ઘટનાને ધ્યાનમાં રાખીને આ પગલાં લેવામાં આવ્યા છે. તે દુર્ઘટનામાં 11 લોકોના મોત થયા હતા. આ કારણે પોલીસ આ વર્ષે કોઈપણ પ્રકારની અણધારી ઘટના ટાળવા માટે ખાસ સતર્ક બની છે. સાથે જ સાયબર પોલીસ સોશિયલ મીડિયા પર પણ નજર રાખશે અને લોકોને ઉશ્કેરણીજનક અથવા અપમાનજનક પોસ્ટ ન કરવાની અપીલ કરવામાં આવી છે.

Breaking News: IPL 2026 ફાઈનલમાં વરસાદ પડે અને મેચ રદ થાય, તો RCB-GT માંથી કોણ બનશે ચેમ્પિયન? જાણો IPLનો ખાસ નિયમ