Breaking News: 4 ટીમ અને 69 મેચ બાદ IPLમાં પહેલી ફિફ્ટી, આ ખેલાડીની 9 વર્ષ લાંબી રાહનો આવ્યો અંત
દિલ્હી કેપિટલ્સ અને ગુજરાત ટાઈટન્સ વચ્ચેની મેચ એક ખેલાડી માટે ખાસ હતી. આ ખેલાડીએ તેના નવ વર્ષના IPL કારકિર્દીમાં પહેલી અડધી સદી ફટકારી હતી. તેણે પાછલી નવ સીઝનમાં આ સિદ્ધિ મેળવી ન હતી.

ગુજરાત ટાઈટન્સના ઓલરાઉન્ડર વોશિંગ્ટન સુંદરે IPL 2026 માં શાનદાર પ્રદર્શન કર્યું, તેણે તેના નવ વર્ષના IPL કારકિર્દીમાં પ્રથમ અડધી સદી ફટકારી. તેણે દિલ્હીના અરુણ જેટલી સ્ટેડિયમમાં દિલ્હી કેપિટલ્સ સામે આ ઈનિંગ રમી હતી. વોશિંગ્ટન સુંદર માટે આ ઈનિંગ ખૂબ જ ખાસ હતી, કારણ કે તે 2017 થી IPLનો ભાગ છે. પરંતુ આ પહેલા તે ક્યારેય 50 રનના સ્કોર પર પહોંચ્યો ન હતો.
વોશિંગ્ટન સુંદરની લાંબી રાહનો અંત
આ મેચમાં ચોથા નંબર પર બેટિંગ કરતા વોશિંગ્ટન સુંદરે માત્ર 30 બોલમાં પોતાની ફિફ્ટી ફટકારીને ટીમને મોટા સ્કોર સુધી પહોંચવામાં મદદ કરવામાં મહત્વપૂર્ણ ભૂમિકા ભજવી હતી. તેણે 33 બોલમાં 55 રન બનાવ્યા હતા, જેમાં છ ચોગ્ગા અને બે છગ્ગાનો સમાવેશ થાય છે. આ ઇનિંગ મહત્વપૂર્ણ હતી કારણ કે ટીમે 79 રનમાં બે વિકેટ ગુમાવી દીધી હતી. ત્યારબાદ સુંદરે દબાણભરી સ્થિતિમાં આક્રમક બેટિંગથી મેચને GTના પક્ષમાં બદલી. તેણે શુભમન ગિલ સાથે સદીની ભાગીદારી પણ કરી.
Coming up clutch
Maiden #TATAIPL FIFTY
Well played Washington Sundar
Updates ▶️ https://t.co/oOdPR1oSeP#KhelBindaas | #DCvGT pic.twitter.com/dVGDlDyarQ
— IndianPremierLeague (@IPL) April 8, 2026
વોશિંગ્ટનની પહેલી IPL ફિફ્ટી
2017 માં IPLમાં પ્રવેશ કરનાર વોશિંગ્ટન સુંદર તેની ઓફ-સ્પિન બોલિંગ માટે જાણીતો હતો. તેણે બેટથી ઘણી ઉપયોગી ઇનિંગ્સ રમી હતી, પરંતુ ક્યારેય અડધી સદી ફટકારી ન હતી. નવ સીઝન સુધી ચાલેલો આ દુકાળ આજે સમાપ્ત થઈ ગયો છે. સુંદરની અડધી સદી પણ ખાસ છે કારણ કે તે સામાન્ય રીતે નીચલા ક્રમમાં બેટિંગ કરે છે અને તેની ઓછા બોલ સાથે મોટા શોટ રમવાની જવાબદારી છે. જોકે, આ મેચમાં તેને ઉપરના ક્રમમાં તક મળી અને તે તેનો લાભ લેવામાં સફળ રહ્યો.
4 ટીમો અને 69 મેચ, આવી છે તેની કારકિર્દી
સુંદરે માત્ર 17 વર્ષની ઉંમરે IPL માં ડેબ્યૂ કર્યું હતું. તે અત્યાર સુધી તેની IPL કારકિર્દીમાં ચાર અલગ-અલગ ટીમો માટે રમી ચૂક્યો છે અને કુલ 69 મેચ રમ્યો છે. તેનો અગાઉનો શ્રેષ્ઠ સ્કોર 49 રન હતો, જે ગયા સિઝનમાં તે જ ટીમ માટે આવ્યો હતો. તેણે આ 69 મેચોમાં કુલ 588 રન બનાવ્યા છે.
