Breaking News: સતત ત્રણ હાર બાદ CSK ને વધુ એક મોટો ઝટકો, ધોની-બ્રેવિસ બાદ આ સ્ટાર ખેલાડી થયો ઘાયલ

ચેન્નાઈ સુપર કિંગ્સનો સમય સિઝનની શરૂઆતથી જ ખરાબ ચાલી રહ્યો છે અને હવે આ ટીમને વધુ એક મોટો ઝટકો લાગ્યો છે. IPL 2026 માં પોતાની પહેલી ત્રણ મેચ હારી ચૂકેલી ચેન્નાઈ સુપર કિંગ્સ બે મુખ્ય ખેલાડીઓ ધોની અને ડેવાલ્ડ બ્રેવિસની ઈજાઓ સામે ઝઝૂમી રહી છે અને હવે આ ટીમનો વધુ એક ખેલાડી ઈજાગ્રસ્ત થયો છે.

અકિલ હુસૈન થયો ઈજાગ્રસ્ત

ડાબા હાથનો વેસ્ટ ઈન્ડિયન સ્પિનર ​​અકિલ હુસૈન દિલ્હી કેપિટલ્સ સામેની મેચમાંથી બહાર થઈ ગયો છે. ચેન્નાઈ સુપર કિંગ્સ દ્વારા અત્યાર સુધી અકિલ હુસૈનને પ્લેઈંગ ઈલેવનમાં સામેલ કરવામાં આવ્યો નથી, પરંતુ એવું માનવામાં આવી રહ્યું હતું કે તે દિલ્હી સામેની મેચમાં રમી શકે છે, જોકે હવે તેને આ મેચમાંથી બહાર કરી દેવામાં આવ્યો છે.

હુસૈનને હેમસ્ટ્રિંગ ઈજા

અહેવાલો સૂચવે છે કે અકીલ હુસૈનને હેમસ્ટ્રિંગ ઈજા છે. આ ઈજા ચેન્નાઈ માટે એક મોટો આંચકો છે, કારણ કે તેને આગામી મેચ માટે પ્લેઈંગ ઈલેવનમાં સામેલ કરી શકાયો હોત. અફઘાની સ્પિનર નૂર અહેમદ હાલ સારું પ્રદર્શન કરી રહ્યો નથી, અને અકીલ હુસૈન એક સારો ડાબોડી સ્પિનર ​​છે જે પાવરપ્લેમાં બોલિંગ કરે છે. તેનો ઈકોનોમી રેટ ઘણો સારો છે, તેથી જ ચેન્નાઈએ તેને 2 કરોડ રૂપિયામાં ખરીદ્યો છે. જોકે તેની ઈજા બાદ હવે ચેન્નાઈની મુશ્કેલી વધી છે.

Akeal hosein suffering from a side strain & not match fit – Reports. pic.twitter.com/9HKbiBa2cz

— ®️ (@nav_een_07) April 7, 2026

ધોની-બ્રેવિસની ફિટનેસ કેવી છે?

જોકે, ચેન્નાઈ સુપર કિંગ્સ માટે રાહતની વાત એ છે કે ધોની અને બ્રેવિસ હવે સ્વસ્થ છે. બ્રેવિસ દિલ્હી સામેની મેચમાં પણ રમી શકે છે. બીજી તરફ, ધોની કોઈપણ મેચમાં રમી શકે તે પહેલા ફિટનેસ ટેસ્ટમાંથી પસાર થશે.

ચેન્નાઈની મુશ્કેલીઓ વધી

રોબિન ઉથપ્પા માને છે કે ધોની વર્તમાન IPL સિઝનમાં રમી શકશે નહીં કારણ કે તેના માટે ફિટનેસ પાછી મેળવવી મુશ્કેલ છે. ચેન્નાઈ માટે બ્રેવિસ અને ધોનીની હાજરી મહત્વપૂર્ણ છે, કારણ કે તેમને રાજસ્થાન, પંજાબ અને RCB સામે મોટી હારનો સામનો કરવો પડ્યો છે. સતત ત્રણ હાર બાદ, ચેન્નાઈ પોઈન્ટ ટેબલમાં તળિયે છે.

Breaking News: બાંગ્લાદેશ ક્રિકેટમાં મોટો ભૂકંપ, સાત ખેલાડીઓ પર લાગ્યો પ્રતિબંધ, મેચ ફિક્સિંગનો છે આરોપ