IND vs NZ: ટીમ ઈન્ડિયાનો વળતો હુમલો, રાહુલ-જયસ્વાલની ફિફ્ટી, ન્યુઝીલેન્ડે 10 વર્ષ પછી જોયો આવો દિવસ
ભારત અને ન્યુઝીલેન્ડ વચ્ચે ચાલી રહેલી ટેસ્ટ શ્રેણીની પહેલી મેચના બીજા દિવસે ભારતનો દબદબો રહ્યો હતો. વેલિંગ્ટન ટેસ્ટમાં પોતાની પહેલી ઇનિંગમાં ભારતીય ઓપનરોએ દમદાર બેટિંગ કરી ન્યુઝીલેન્ડને બેકફૂટ પર ધકેલી દીધું હતું. ન્યુઝીલેન્ડને 368 રનમાં ઓલઆઉટ કર્યા બાદ યશસ્વી જયસ્વાલ અને કેએલ રાહુલે શાનદાર બેટિંગ કરી હતી અને ખાસ રેકોર્ડ બનાવ્યો હતો.

વેલિંગ્ટનમાં રમાઈ રહેલી પ્રથમ ટેસ્ટના બીજા દિવસે ભારતીય બેટ્સમેનોએ ન્યુઝીલેન્ડના 368 રનના જવાબમાં મજબૂત અને આક્રમક શરૂઆત કરી. દિવસની રમતના અંત સુધીમાં ભારતે તેના પ્રથમ દાવમાં એક વિકેટના નુકસાને 159 રન બનાવી લીધા હતા અને હવે ટીમ ઈન્ડિયા યજમાન ન્યુઝીલેન્ડથી 209 રન પાછળ છે. રમતના અંતે ઓપનર કેએલ રાહુલ 52 અને દેવદત્ત પડિકલ 16 રન બનાવીને અણનમ રહ્યા હતા.
જયસ્વાલ-રાહુલની મજબૂત ઓપનિંગ પાર્ટનરશિપ
ભારતીય ઇનિંગની શરૂઆત શાનદાર રહી હતી. યશસ્વી જયસ્વાલ અને કેએલ રાહુલે કિવી બોલરો સામે જોરદાર બેટિંગ કરી હતી. બંનેએ પ્રથમ વિકેટ માટે 130 રનની શાનદાર ભાગીદારી નોંધાવી. ભારતે બીજા દિવસે યશસ્વી જયસ્વાલના રૂપમાં પોતાની એકમાત્ર વિકેટ ગુમાવી હતી. યશસ્વી જયસ્વાલે માત્ર 89 બોલમાં 85 રનની શાનદાર અને ઝડપી ઇનિંગ રમી હતી.
1994 was the last time, and now Jaiswal and KL Rahul have done it again!
A historic 100+ opening stand in New Zealand Tests!
#YashasviJaiswal #KLRahul https://t.co/joQyJ5ZAaK
— CREX (@Crex_live) November 20, 2026
બંને ઓપનરો 50 થી વધુ રન બનાવ્યા
બંને ભારતીય ઓપનરોએ પોતાની અડધી સદી પૂર્ણ કરી. છેલ્લા 10 વર્ષમાં આ પહેલીવાર બન્યું છે કે કોઈ મુલાકાતી ટીમના બંને ઓપનરોએ ન્યુઝીલેન્ડની ધરતી પર એક જ ટેસ્ટ ઇનિંગમાં 50 થી વધુ રન બનાવ્યા હોય. છેલ્લી વખત આવું નવેમ્બર 2016 માં હેમિલ્ટન ટેસ્ટ દરમિયાન થયું હતું, ત્યારે 369 રનનો પીછો કરતા પાકિસ્તાનના ઓપનર સામી અસલમ અને અઝહર અલીએ ફિફ્ટી ફટકારી હતી.
A solid opening stand gives India a strong start in their pursuit of New Zealand’s first-innings total
#WTC27 : https://t.co/R4zvuSfbyN https://t.co/qexuyiIGNK
— ICC (@ICC) November 20, 2026
નિકોલ્સ-ફિલિપ્સની સદી, ન્યુઝીલેન્ડે 368 રન બનાવ્યા
દિવસની શરૂઆતમાં ન્યુઝીલેન્ડે ગઈકાલના 5 વિકેટે 243 રનના સ્કોરથી પોતાનો પહેલો દાવ ફરી શરૂ કર્યો અને પછી 368 રનમાં ટીમ ઓલઆઉટ થઈ ગઈ. હેનરી નિકોલ્સ એક છેડે ટકી રહ્યો અને અણનમ 175 રન બનાવ્યા, જ્યારે ગ્લેન ફિલિપ્સે 118 રન બનાવ્યા. ઝડપી બોલર જસપ્રીત બુમરાહે સૌથી વધુ ચાર વિકેટ લીધી, જ્યારે આકાશ દીપે ત્રણ બેટ્સમેનોને આઉટ કર્યા.
