Breaking News: હાર્દિક પંડ્યાએ મુંબઈ છોડીને બેંગલુરુમાં સ્થાયી થવાનો લીધો મોટો નિર્ણય, જાણો કેમ

ભારતીય ક્રિકેટ ટીમના સ્ટાર ઓલરાઉન્ડર હાર્દિક પંડ્યા મુંબઈ છોડીને બેંગલુરુ જઈ રહ્યા છે. ના, આ હાર્દિક પંડ્યાની IPL ટીમ વિશે નથી. હાર્દિક પંડ્યા રોયલ ચેલેન્જર્સ બેંગલુરુમાં જોડાયા નથી અને મુંબઈ ઇન્ડિયન્સનો સભ્ય છે. હકીકતમાં, હાર્દિક પંડ્યા મુંબઈ શહેર છોડીને બેંગલુરુમાં રહેવા ગયા છે. એક અહેવાલ મુજબ, ઈજાગ્રસ્ત સ્ટાર ભારતીય ઓલરાઉન્ડરે તેની આંતરરાષ્ટ્રીય કારકિર્દીના અંત સુધી બેંગલુરુમાં રહેવાનો નિર્ણય લીધો છે.

હાર્દિક મુંબઈ છોડીને બેંગલુરુ શિફ્ટ થયો

ઈજાને કારણે ઈંગ્લેન્ડ પ્રવાસમાંથી બહાર થઈ ગયેલો હાર્દિક પંડ્યા છેલ્લા કેટલાક સમયથી બેંગલુરુમાં BCCIના સેન્ટર ઓફ એક્સેલન્સ (CoE) ખાતે સંપૂર્ણ ફિટનેસ મેળવવા માટે કામ કરી રહ્યા છે. આ ફિટનેસની જરૂરિયાતને કારણે, હાર્દિકે હવે મુંબઈ છોડીને બેંગલુરુમાં સ્થાયી થવાનો નિર્ણય લીધો છે. PTIના એક અહેવાલમાં આ ચોંકાવનારો ખુલાસો થયો છે. તેમાં જણાવાયું છે કે હાર્દિકે આ નિર્ણય તેની કારકિર્દી ખાતર લીધો છે, જેનાથી તે આવું કરનાર પ્રથમ ભારતીય ક્રિકેટર બન્યો છે.

NEW HOME FOR HARDIK PANDYA

Hardik has already permanently shifted to Bengaluru. He has rented a property on the outskirts of the city, close to the CoE. He will be the first Indian cricketer to make the BCCI CoE his permanent training base for the remainder of his career.… pic.twitter.com/C1ZimH2jRF

— Johns. (@CricCrazyJohns) June 30, 2026

5-6 વર્ષ સુધી ટીમ ઈન્ડિયા માટે રમવાની ઈચ્છા

રિપોર્ટમાં જણાવાયું છે કે હાર્દિકે આ નિર્ણય એટલા માટે લીધો છે કે તે CoE ની તાલીમ સુવિધાઓનો સંપૂર્ણ ઉપયોગ કરી શકે. હાર્દિક BCCI ના સેન્ટ્રલ કોન્ટ્રાક્ટનો ભાગ છે, જે તેને CoE માં ઉપલબ્ધ તમામ સુવિધાઓનો ઉપયોગ કરવાની મંજૂરી આપે છે, જેમાં ફિટનેસ, પુનર્વસન, તબીબી અને ક્રિકેટ પ્રેક્ટિસ જેવી મહત્વપૂર્ણ સુવિધાઓનો સમાવેશ થાય છે. રિપોર્ટમાં જણાવાયું છે કે હાર્દિક ઓછામાં ઓછા આગામી 5-6 વર્ષ સુધી ટીમ ઈન્ડિયા માટે રમવાની ઈચ્છા રાખે છે અને આ લક્ષ્ય પ્રાપ્ત કરવા માટે, તેણે તેની આંતરરાષ્ટ્રીય કારકિર્દીના અંત સુધી CoE ને પોતાનો તાલીમ આધાર બનાવ્યો છે.

ટ્રેનિંગ કરવાનું સરળ રહેશે

સૂત્રોના જણાવ્યા અનુસાર હાર્દિક છેલ્લા કેટલાક સમયથી મુંબઈની બહાર સ્થાયી થવાનું વિચારી રહ્યો હતો, કારણ કે તેના ઘરેથી ટ્રેનિંગના સ્થળ સુધી દરરોજ જવામાં તેને મુશ્કેલી પડી રહી હતી. જેથી તેણે બેંગલુરુ શિફ્ટ થવાનું નક્કી કર્યું, જ્યાં તેણે શહેરની બહાર એક પ્રોપર્ટી ભાડે લીધી છે. જે CoE ની ખૂબ નજીક છે, જેના કારણે તેના માટે દરરોજ ટ્રેનિંગ કરવાનું સરળ અને વધુ અનુકૂળ રહેશે. આનાથી તે તેના ટ્રેનિંગના સમયને વધારી શકશે, જ્યારે વારંવાર ફિટનેસ ટેસ્ટ અને અન્ય BCCI ટ્રેનિંગ કેમ્પમાં ભાગ લેવામાં આસાની થશે.

IND vs ENG: ટીમ ઈન્ડિયા 15 વર્ષ પછી ડરહામમાં રમશે, છેલ્લી બંને મેચોનું પરિણામ જાણીને ચોંકી જશો