Asia Cup 2025 : સંજુ સેમસનને મળશે તક? સૂર્યકુમાર યાદવે આપ્યો જવાબ, આવી હશે ભારતની પ્લેઈંગ 11
એશિયા કપ 2025 શરૂ થાય તે પહેલા, તમામ 8 ટીમોના કેપ્ટનોએ ટ્રોફી સાથે ફોટો સેશન કર્યું હતું. ત્યારબાદ, તમામ કેપ્ટનોએ એક પ્રેસ કોન્ફરન્સ યોજી હતી જેમાં સૂર્યકુમાર યાદવને સંજુ સેમસન અને ટીમ ઈન્ડિયાની પ્લેઈંગ ઈલેવન વિશે પ્રશ્ન પૂછવામાં આવ્યો હતો. જાણો સૂર્યાએ શું જવાબ આપ્યો.
ભારત એશિયા કપ 2025માં પોતાના અભિયાનની શરૂઆત કરવા જઈ રહ્યું છે. ટીમ ઈન્ડિયાનો પહેલો મુકાબલો 10 સપ્ટેમ્બરે UAE સામે છે. આ મેચ પહેલા ટીમ ઈન્ડિયાના પ્લેઈંગ ઈલેવન વિશે ઘણી ચર્ચા થઈ રહી છે. સૌથી મોટો પ્રશ્ન સંજુ સેમસન વિશે છે. ટીમ ઈન્ડિયાના કેપ્ટન સૂર્યકુમાર યાદવે જવાબ આપ્યો છે કે તે પ્લેઈંગ ઈલેવનમાં રહેશે કે નહીં. તેમણે ટીમના વિકેટકીપર બેટ્સમેન વિશે કહ્યું કે તેઓ તેનું ધ્યાન રાખી રહ્યા છે.
સંજુને પ્લેઈંગ ઈલેવનમાં એન્ટ્રી મળશે?
હવે સૌ પ્રથમ, જાણો કે પ્રેસ કોન્ફરન્સમાં સૂર્યકુમાર યાદવને શું પૂછવામાં આવ્યું હતું? પ્રશ્ન એ હતો કે ભારત પાસે 2 વિકેટકીપર છે – જીતેશ શર્મા અને સંજુ સેમસન. આવી સ્થિતિમાં, પ્રશ્ન એ છે કે આ બંનેમાંથી કોણ રમશે? શું સંજુને પ્લેઈંગ ઈલેવનમાં એન્ટ્રી મળશે? આ પ્રશ્નના જવાબમાં સૂર્યકુમાર યાદવે કહ્યું કે અમારું સંપૂર્ણ ધ્યાન સંજુ સેમસન પર છે. તમે ચિંતા કરશો નહીં. અમે કાલે એટલે કે મેચના દિવસે યોગ્ય નિર્ણય લઈશું. કેપ્ટન સૂર્યકુમાર યાદવના શબ્દોથી સ્પષ્ટ છે કે પ્લેઈંગ ઈલેવનને લઈ હજી કંઈ નક્કી નથી. તેના મતે, ટીમ ઈન્ડિયા મેચ પહેલા જે યોગ્ય લાગે તે મુજબ નિર્ણય લેશે.
Question:- Who will play, Jitesh or Sanju Samson ? Will Sanju get a chance in the playing 11 ?
Don’t worry about Sanju. We will take care of him.” Surya kumar Yadav skillfully avoided the question of playing XI.
Hope Sky will back him #SanjuSamson #AsiaCup2025 pic.twitter.com/qgws4JMG1u
— kuldeep singh (@kuldeep0745) September 9, 2025
જીતેશ શર્મા વિકેટકીપર તરીકે પહેલી પસંદ!
ટીમ ઈન્ડિયાની પ્રેક્ટિસમાં જે જોવા મળ્યું છે તે મુજબ, સંજુ સેમસનને પ્લેઈંગ ઈલેવનમાં સામેલ કરવું મુશ્કેલ લાગે છે. કારણ કે જીતેશ શર્મા ત્યાં વિકેટકીપિંગ પ્રેક્ટિસ કરતો જોવા મળ્યો હતો. મતલબ કે તેને વિકેટકીપર તરીકે પહેલી પસંદ તરીકે જોવામાં આવી રહ્યો હતો. હવે જો આવું છે, તો ટીમ ઈન્ડિયાની પ્લેઈંગ ઈલેવન શું હોઈ શકે છે તેના પર એક નજર કરો.
ભારતની સંભવિત પ્લેઈંગ ઈલેવન
શુભમન ગિલ અભિષેક શર્મા સાથે ઓપનિંગ કરશે. ત્યારબાદ તિલક વર્મા, કેપ્ટન સૂર્યકુમાર યાદવ અને રિંકુ સિંહ હશે. જ્યારે હાર્દિક પંડ્યા છઠ્ઠા નંબરે રહેશે. તેના પછી અક્ષર પટેલ, વરુણ ચક્રવર્તી, કુલદીપ યાદવ, જસપ્રીત બુમરાહ અને અર્શદીપ સિંહ હશે.
આ પણ વાંચો: IND vs PAK : એશિયા કપ પહેલા ભારત-પાકિસ્તાનના કેપ્ટન આમને-સામને, સૂર્યાએ આપ્યો શાનદાર જવાબ
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
