T20 World Cup Breaking News : અફઘાનિસ્તાનનો વિજયી હુંકાર, બે વખતની ચેમ્પિયન ટીમને પછાડી તમામ ટીમોને ચેતવણી આપી

T20 વર્લ્ડ કપ 2026 શરૂ થાય તે પહેલાં તમામ ટીમોને પોતાની તૈયારીઓ પારખવા માટે વોર્મ-અપ મેચ રમવાની તક મળી રહી છે. 4 ફેબ્રુઆરીએ રમાયેલી વોર્મ-અપ મેચમાં ટુર્નામેન્ટના પ્રારંભ પહેલા જ એક મોટો ઉલટફેર જોવા મળ્યો હતો.

કઈ ટીમને હરાવી?

અફઘાનિસ્તાનની ટીમે આ મેગા ઈવેન્ટ પહેલા બે વખતની ચેમ્પિયન વેસ્ટ ઈન્ડિઝ સામે બેંગલુરુ સ્થિત BCCI સેન્ટર ઓફ એક્સિલન્સ ખાતે વોર્મ-અપ મેચ રમી હતી. આ મેચમાં બેટ અને બોલ બંને સાથે અફઘાનિસ્તાનનો સંપૂર્ણ દબદબો જોવા મળ્યો હતો, જેમાં તેમણે વેસ્ટ ઈન્ડિઝની ટીમને એકતરફી હાર આપીને તમામ ટીમોને ચેતવણી આપી દીધી છે.

વેસ્ટ ઈન્ડિઝ સામેની વોર્મ-અપ મેચમાં અફઘાનિસ્તાનની ટીમે પ્રથમ બેટિંગ કરતા 20 ઓવરમાં 6 વિકેટના નુકસાન પર 182 રન બનાવ્યા હતા. અફઘાનિસ્તાન તરફથી બેટિંગમાં ઈબ્રાહિમ ઝાદરાને 51 રનની શાનદાર ઇનિંગ રમી હતી, જ્યારે રહેમાનુલ્લા ગુરબાજે 43 રનનું યોગદાન આપ્યું હતું. બીજી તરફ, વેસ્ટ ઈન્ડિઝની ટીમ તરફથી માત્ર ગુડાકેશ મોતી અને રોસ્ટન ચેઝ 1-1 વિકેટ લેવામાં સફળ રહ્યા હતા.

શરમજનક હારથી બચ્યું ‘વેસ્ટ ઈન્ડિઝ’

લક્ષ્યનો પીછો કરવા ઉતરેલી વેસ્ટ ઈન્ડિઝની ટીમનું ટોપ ઓર્ડર સંપૂર્ણપણે વેરવિખેરાઈ ગયું હતું. એક સમયે વેસ્ટ ઈન્ડિઝે 38 રનના સ્કોર સુધીમાં પોતાની 4 મહત્વની વિકેટ ગુમાવી દીધી હતી. ત્યારબાદ મેથ્યુ ફોર્ડે 26 બોલમાં અણનમ 52 રનની ઇનિંગ રમીને ટીમને શરમજનક હારથી બચાવવાનો પ્રયાસ કર્યો હતો.

જો કે, વિન્ડીઝની ટીમ 20 ઓવરમાં 7 વિકેટના નુકસાન પર 159 રન સુધી જ પહોંચી શકી હતી અને તેને 23 રનથી હારનો સામનો કરવો પડ્યો હતો. અફઘાનિસ્તાન તરફથી બોલિંગમાં અઝમતુલ્લાહ ઉમરઝાઈ અને મુજીબ ઉર રહેમાને 2-2 વિકેટ ઝડપી હતી.

આ પણ વાંચો: T20 World Cup Breaking : ટી20 વર્લ્ડકપમાં કઈ ટીમે સૌથી વધુ મેચ જીતી છે? 4 ટીમોએ ફક્ત 1 મેચ જીતી