Vamika Viral Picture : મેચ બાદ પુત્રી વામિકાની તસવીરો વાયરલ થયા બાદ અનુષ્કા શર્માની પ્રતિક્રિયા સામે આવી
રવિવારે રમાયેલી ભારત અને દક્ષિણ આફ્રિકા ODI ક્રિકેટની છેલ્લી મેચમાં અનુષ્કા અને તેની પુત્રી વામિકા (Vamika) સ્ટેડિયમમાં હાજર હતા.
Vamika Viral Picture : રવિવારે દક્ષિણ આફ્રિકામાં ભારત અને આફ્રિકા વચ્ચેની ક્રિકેટ મેચ દરમિયાન અનુષ્કા શર્મા (Anushka Sharma) વામિકા (Vamika) સાથે જોવા મળી હતી. જ્યારે અનુષ્કા દેખાઈ ત્યારે તેની પુત્રી વામિકા પણ તેની સાથે દેખાઈ હતી. કેમેરામેને લાંબા સમય સુધી તેની તસવીરો બતાવી. આ પછી લોકોએ ટીવીના આ ફૂટેજમાંથી ફોટા કાઢીને સોશિયલ મીડિયા પર પોસ્ટ કરવાનું શરૂ કર્યું, વામિકાની તસવીર વાયરલ થઈ ગઈ. આના પર અનુષ્કા શર્માના રિએક્શનની બધા લોકો રાહ જોઈ રહ્યા હતા. હવે અનુષ્કાએ સોશિયલ મીડિયા (Social media)પર વાત કરી છે અને ફરીવાર ફોટો વાયરલ ન કરવાની અપીલ કરી છે.
આ તસવીર વાયરલ થયા બાદ અનુષ્કાએ ફરી અપીલ કરી
અનુષ્કા શર્માએ તેની ઈન્સ્ટાગ્રામ સ્ટોરી પર એક પોસ્ટ લખી છે, જેમાં તેણે દીકરીની વાયરલ તસવીરનો ઉલ્લેખ કર્યો છે, તેની સાથે તે નથી ઈચ્છતી કે તેની દીકરીની તસવીર મીડિયા પર આવે. તેણે ઈન્સ્ટાગ્રામ સ્ટોરી પર લખ્યું કે, હેલો મિત્રો, મને સમજાયું કે ગઈકાલની મેચ દરમિયાન મારી તસવીર સ્ટેડિયમમાંથી લેવામાં આવી હતી અને દરેક જગ્યાએ શેર કરવામાં આવી હતી. હું તમને બધાને કહેવા માંગુ છું કે આ તસવીરો અમારી જાણ વગર બહાર આવી છે. મને ખબર નહોતી કે અહીં કેમેરામેન છે. મારું સ્ટેન્ડ અને અપીલ પહેલા જેવી જ છે. જો વામિકાની તસવીર ક્લિક અથવા શેર કરવામાં ન આવે તો અમે ખૂબ આભારી રહીશું. તેની પાછળનું કારણ અમે પહેલા જ જણાવી ચૂક્યા છીએ. આભાર
અનુષ્કા શર્માની આ પ્રતિક્રિયા મહત્વની છે કારણ કે, આ તસવીર વાયરલ થયા બાદ ઘણી મીડિયા સંસ્થાઓ તેને પ્રકાશિત કરી રહી હતી. થોડા દિવસ પહેલા જ અનુષ્કાએ કહ્યું હતું કે તે નથી ઈચ્છતી કે તેની દીકરીની તસવીર મીડિયામાં આવે. તેણે મીડિયાને પણ અપીલ કરી હતી પરંતુ હવે તેની દીકરીની તસવીર સોશિયલ મીડિયા પર ઝડપથી વાયરલ થઈ રહી છે. મેચ દરમિયાન કેમેરામેને લાંબા સમય સુધી વામિકાની તસવીર દેખાડી હતી.
મેચ દરમિયાન વામિકા અનુષ્કા સાથે જોવા મળી
ગઈકાલે ભારત અને દક્ષિણ આફ્રિકા વચ્ચેની ODI ક્રિકેટની છેલ્લી મેચમાં અનુષ્કા અને તેની પુત્રી સ્ટેડિયમમાં હાજર જોવા મળી હતી. વિરાટે પણ અડધી સદી ફટકારીને તેની તરફ ઈશારો કર્યો, જે બાદ કેમેરામેને વામિકા તરફ કેમેરો ફોકસ કર્યો. પછી તરત જ તસવીરો સોશિયલ મીડિયામાં વાયરલ થઈ ગઈ.
આ પણ વાંચોઃ
પપ્પા વિરાટ કોહલીને ચિઅર કરતી જોવા મળી વામિકા, મમ્મી અનુષ્કા શર્મા સાથે સ્ટેડિયમ આવી
આ પણ વાંચોઃ