કોંગ્રેસના ધારાસભ્ય નાના પટોલે મહારાષ્ટ્ર વિધાનસભાના નવા સ્પીકર, ભાજપના ધારાસભ્યએ ઉમેદવારી પરત લીધી હતી

કોંગ્રેસના ધારાસભ્ય નાના પટોલે મહારાષ્ટ્ર વિધાનસભાના સ્પીકર બન્યા છે. આ પહેલા ભાજપના ઉમેદવાર કિશન કઠોરેએ રવિવારે સ્પીકર પદ પરથી પોતાની ઉમેદવારી પરત ખેંચી હતી. જે બાદ સ્પીકરની ચૂંટણી કરાઈ નહોતી. અને નાના પટોલેને સ્પીકર બનવાનો રસ્તો સરળ થઈ ગયો હતો. આજે નાના પટોલેએ વિધાનસભાના સ્પીકરનો પદભાર પણ સંભાળી લીધો હતો.

આ પણ વાંચોઃ હૈદરાબાદ રેપ કેસ મામલે સાઉથના ફિલ્મસ્ટાર ચિરંજીવીએ કહ્યું, આરોપીને રસ્તા પર ફાંસીએ લટકાવવા જોઈએ

પ્રોટેમ સ્પીકર દિલીપ વલસે પાટિલે આ અંગે જાહેરાત કરી હતી. પ્રોટેમ સ્પીકર દિલીપ પાટિલે નાના પટોલેને પોતાનું સ્થાન ગ્રહણ કરવાનો અનુરોધ કર્યો હતો. નાના પટોલે એક ખેડૂત પરિવારમાંથી આવે છે. અને મને વિશ્વાસ છે કે, તેઓ તમામ બાબતે ન્યાય કરવાનું કાર્ય કરશે.