ધારાસભ્ય ડૉ.આશા પટેલના રાજીનામા પછી કોંગ્રેસનો પ્રહાર,ભાજપ પક્ષ નહીં દુકાન બન્યું છે

ડો.આશા પટેલના રાજીનામાં બાદ કોંગ્રેસે ભાજપ પર કર્યા પ્રહારો.ભાજપ મીડીયા દ્રારા કોંગ્રેસના ધારાસભ્યોને ખોટી રીતે બદનામ કરતા હોવાનો કોંગ્રેસનો આક્ષેપ.આશા પટેલના રાજીનામાં પાછળ લાલચ જવાબદાર.કોંગ્રેસમાં સબ સલામત હોવાનો પ્રદેશ પ્રમુખનો દાવો.

આશા પટેલના રાજીનામાં અંગે પ્રદેશ પ્રમુખ અમિત ચાવડાએ જણાવ્યું હતું કે આશા પટેલે મતદારો કે પક્ષ સાથે પરામર્શ કર્યા વિના નિર્ણય લીધો છે.ગઈ કાલ સુધી કોઈ રજુઆત નહોતી.પરંતુ ગઈ કાલે રાતે શુ રંધાયું તે પ્રજા જાણવા માંગે છે.રાહુલજીનું નેતૃત્વ મજબૂત છે અને સર્વ સ્વીકૃત છે.પોતાના વ્યક્તિગત સ્વાર્થ માટે નિર્ણય લીધો હોય રાષ્ટ્રીય નેતૃત્વ પર આક્ષેપ કરે એ યોગ્ય નથી.અમારા અનેક ધારાસભ્યોને મીડીયાના મારફતે ખોટી રીતે બદનામ કરવાનો પ્રયાસ ભાજપ કરે છે.

આશા પટેલના રાજીનામા બાદ કોંગ્રેસને રાહુલ ગાંધીની સભાનું સ્થળ બદલવાની ફરજ પડે તેમ લાગી રહ્યું છે.અત્યાર સુધી ઉંઝામાં રાહુલ ગાંધીની સભાનું આયોજન કરવાનું નક્કી હતું.કારણ કે ઉંઝા વિધાનસભામાં નરેન્દ્ર મોદીના વતન વડનગરનો સમાવેશ થાય છે.અને રાહુલ ગાંધી મોદીના વતનથી સભા કરીને લોકસભાની ચૂંટણીનો શંખનાદ કરવાના હતા.પરંતુ હવે રાહુલ ગાંધીની સભા બેચરાજી યોજવામાં માટે તજવીજ હાથ ધરવામાં આવી રહી છે.