તમારા બોર્ડિંગ પાસ પર લખેલું ‘SSSS’ તમને મુશ્કેલીમાં મૂકી શકે છે ? જાણો ટિકિટ પરના એ છુપાયેલા સંકેતો વિશે

તમે ડિજિટલ બોર્ડિંગ પાસનો ઉપયોગ કરતા હોવ કે કાગળનો, તે તમારી હવાઈ મુસાફરીનો સૌથી મહત્વનો દસ્તાવેજ છે. પરંતુ શું તમે ક્યારેય તેના પર લખેલા વિચિત્ર અક્ષરો અને નંબરો પર ધ્યાન આપ્યું છે? આ કોડ્સમાં તમારી ખાણી-પીણીથી લઈને તમારી સુરક્ષાની શ્રેણી સુધીની તમામ વિગતો છુપાયેલી હોય છે.

સૌથી મોટું જોખમ: ‘SSSS’ કોડ

જો તમારા બોર્ડિંગ પાસ પર ક્યાંક SSSS (Secondary Security Screening Selection) લખેલું દેખાય, તો સમજી લેજો કે એરપોર્ટ પર તમારી આકરી પૂછપરછ અને વધારાની તપાસ થવાની છે.

કેમ લાગે છે આ કોડ? જો તમે છેલ્લી ઘડીએ ટિકિટ બુક કરી હોય, માત્ર વન-વે ટિકિટ લીધી હોય અથવા કોઈ હાઈ-રિસ્ક દેશની મુસાફરી કરી હોય, તો સુરક્ષા એજન્સીઓ તમને ‘ખાસ નજરમાં’ રાખે છે.

બારકોડ (BCBP) અને ડેટા ચોરીનું જોખમ

બોર્ડિંગ પાસના ખૂણામાં રહેલો બારકોડ માત્ર સીટ નંબર માટે નથી. તે ઈન્ટરનેશનલ એર ટ્રાન્સપોર્ટ એસોસિએશન (IATA) ના સ્ટાન્ડર્ડ મુજબ બનેલો છે.

ઘણા મુસાફરો મુસાફરી પછી બોર્ડિંગ પાસ કચરામાં ફેંકી દે છે. આ ભૂલ ક્યારેય ન કરો! કોઈ પણ વ્યક્તિ આ બારકોડ સ્કેન કરીને તમારો PNR (Passenger Name Reference) જાણી શકે છે અને તેના દ્વારા તમારી અંગત માહિતીની ચોરી થઈ શકે છે.

ટિકિટ પરના એકલ-દોકલ અક્ષરોનું રહસ્ય

તમારા બોર્ડિંગ પાસ પર ક્યારેક એકલો ‘B’, ‘A’ કે ‘Y’ લખેલો હોય છે. આ તમારી ક્લાસ અને સ્ટેટસ દર્શાવે છે:

• B: જો તમે નસીબદાર છો, તો તમને અપગ્રેડ મળવાની પૂરેપૂરી શક્યતા છે.
• A અથવા F: તમે ફર્સ્ટ ક્લાસમાં મુસાફરી કરી રહ્યા છો.
• Y અથવા Q: આ સામાન્ય રીતે સસ્તી ઇકોનોમી ટિકિટના સંકેતો છે.

સ્ટેઓવર અને ફ્રી હોટલની સુવિધા?

જો ટિકિટ પર S/O લખેલું હોય તો તેનો અર્થ ‘સ્ટોપઓવર’ છે. પરંતુ જો ત્યાં SPTC લખેલું હોય, તો તેનો અર્થ છે કે તમારો લેઓવર ઘણો લાંબો છે. કેટલીક એરલાઇન્સ આવા કિસ્સામાં મુસાફરોને મફત હોટલ સ્ટેની સુવિધા પણ આપે છે.

‘Operated By’ – કોની ફ્લાઇટમાં બેઠા છો?

જો તમારી ટિકિટ પર ‘Operated by’ લખેલું છે, તો તેનો અર્થ એ છે કે તમે જે કંપનીની ટિકિટ ખરીદી છે તેના બદલે તેની પાર્ટનર એરલાઇનનું વિમાન તમને લઈ જશે. આને ‘કોડશેર’ સિસ્ટમ કહેવામાં આવે છે.

OBC અનામત પર સુપ્રીમ કોર્ટે કહ્યુંઃ માત્ર આવકના આધારે જ ક્રીમી લેયર નક્કી ના કરી શકાય , વાંચવા માટે અહીં ક્લિક કરો