Women’s Day 2024: મહિલાઓએ રોજિંદા જીવનમાં જરુર સામેલ કરવા જોઈએ આ સુપર ફુડ, સુંદરતાથી લઈને હોર્મોનલ ઈમબેલેન્સમાં પણ ફાયદાકારક
સ્વસ્થ રહેવા માટે મહિલાઓએ તેમના આહારમાં કેટલાક ખાસ સુપરફૂડનો સમાવેશ કરવો જોઈએ. તેનાથી તમારા શરીરને પૂરતું પોષણ મળે છે અને તમે લાંબા સમય સુધી ફિટ અને યુવાન રહેશો.
આજકાલ મહિલાઓ ખૂબ જ વ્યસ્ત છે. ઘર, ઓફિસ, પતિ અને બાળકની સંભાળ રાખવા માટે, સ્ત્રીઓ તેમના સ્વાસ્થ્યને બાજુ પર રાખે છે. ખાસ કરીને બેવડી જવાબદારી વર્કિંગ વુમનના ખભા પર આવે છે. આવી સ્થિતિમાં મહિલાઓને પુરૂષો કરતા વધુ એનર્જી અને સારા ખોરાકની જરૂર હોય છે. મહિલાઓને દર મહિને પીરિયડ્સના દુખાવામાંથી પસાર થવું પડે છે. તે જ સમયે, ગર્ભાવસ્થા અને મેનોપોઝ દરમિયાન, શરીરમાં ઘણી વખત હોર્મોન્સ બદલાય છે. તેથી, સ્વસ્થ રહેવા માટે, સ્ત્રીઓએ તેમના આહારમાં કેટલાક આરોગ્યપ્રદ સુપરફૂડ્સનો સમાવેશ કરવો જોઈએ.
દૂધ - ઉંમરની સાથે શરીરમાં કેલ્શિયમ અને વિટામિન ડીની ઉણપ થાય છે. આવી સ્થિતિમાં મહિલાઓએ પોતાના આહારમાં દૂધ જરૂર સામેલ કરવુ જોઈએ. દૂધથી શરીરને સરળતાથી કેલ્શિયમ અને વિટામિન ડી મળી રહે છે. તેનાથી હાડકા મજબૂત બને છે.
દહીં- જો કે દહીં દરેક માટે ફાયદાકારક સાબિત થાય છે, પરંતુ ખાસ કરીને મહિલાઓએ લો ફેટ દહીંને તેમના આહારનો ભાગ બનાવવો જોઈએ. દહીંમાં સારી માત્રામાં કેલ્શિયમ હોય છે. ઘણા સંશોધનોમાં એવું કહેવામાં આવ્યું છે કે દરરોજ દહીંનું સેવન કરવાથી બ્રેસ્ટ કેન્સરનો ખતરો ઘટાડી શકાય છે. દહીં પેટ માટે ફાયદાકારક છે, તે યોનિમાર્ગના ચેપ અને અલ્સરના જોખમને દૂર કરે છે.
ટામેટાઃ- ત્વચાને ચમકદાર રાખવા માટે ડાયટમાં ટામેટાને સામેલ કરો. ટામેટા એક સુપરફૂડ છે જેમાં લાઇકોપીન નામનું પોષક તત્વ હોય છે. આનાથી સ્તન કેન્સરનું જોખમ ઘટાડી શકાય છે. એન્ટીઓક્સીડેન્ટથી ભરપૂર ટામેટાં હૃદય માટે ફાયદાકારક છે અને એન્ટી એજિંગનું પણ કામ કરે છે.
આમળા- સુપરફૂડની યાદીમાં આમળા ટોપ પર આવે છે. આમળા ખાવાથી શરીરને વિટામિન સી મળે છે. આમળાને મહિલાઓના સ્વાસ્થ્ય માટે ખૂબ જ જરૂરી કહેવાય છે. તેનાથી રોગપ્રતિકારક શક્તિ વધે છે. વિટામિન સી, વિટામિન એ, બી, પોટેશિયમ, કાર્બોહાઇડ્રેટ, ફાઇબર, પ્રોટીન, આયર્ન અને મેગ્નેશિયમથી ભરપૂર આમળા પેટ, આંખો, ત્વચા અને વાળ માટે વરદાન છે.
પાલક- મહિલાઓએ તેમના આહારમાં બને તેટલા વધુ લીલા શાકભાજીનો સમાવેશ કરવો જોઈએ. લીલા શાકભાજી ખાવાથી શરીરને ભરપૂર માત્રામાં આયર્ન મળે છે. આ માટે પાલક, બ્રોકોલી, કોબી કે અન્ય લીલા શાકભાજીને આહારમાં સામેલ કરો. આનાથી શરીરને આયર્ન, વિટામિન બી, કેલ્શિયમ અને અન્ય ખનિજો મળે છે.