ISRO ની સપ્લાયર કંપનીનો ખૂલ્યો IPO, ગ્રે માર્કેટમાં પ્રીમિયમ 100 રૂપિયાથી વધારે
જ્યોતિ CNC ઓટોમેશન કંપનીનો IPO રોકાણકારો આજથી ભરી શકે છે. ગઈકાલે 8 જાન્યુઆરીએ IPO એન્કર ઈન્વેસ્ટર્સ માટે ખુલ્લો હતો. કંપની એન્કર ઈન્વેસ્ટર્સ પાસેથી 448 કરોડ રૂપિયા એકઠા કરવામાં સફળ રહી છે. કંપનીએ શેર દીઠ 331 રૂપિયાના ભાવે 1,35,27,190 શેરની ફાળવણી કરી હતી.
એરોસ્પેસ, ડિફેન્સ અને મેડિકલ વગેરે જેવા ઉદ્યોગો માટે મેટલ કટીંગ કોમ્પ્યુટર ન્યુમેરિકલ કંટ્રોલ (CNC) મશીન બનાવનારી જ્યોતિ CNC ઓટોમેશનનો IPO આજે 9 જાન્યુઆરીએ સબસ્ક્રિપ્શન માટે ખુલ્યો છે.
વર્ષ 2024 માં મેઈન બોર્ડ પર લિસ્ટ થનારો આ પહેલો શેર હશે. વર્ષ 2013 બાદ કંપની ફરી એકવાર IPO માટે પ્રયાસ કરી રહી છે. આ વખતે જ્યોતિ CNC ઓટોમેશન 1000 કરોડ રૂપિયાના IPO હેઠળ માત્ર નવા શેર જ જાહેર કરશે.
જ્યોતિ CNC ઓટોમેશન કંપનીનો IPO રોકાણકારો આજથી ભરી શકે છે. ગઈકાલે 8 જાન્યુઆરીએ IPO એન્કર ઈન્વેસ્ટર્સ માટે ખુલ્લો હતો. કંપની એન્કર ઈન્વેસ્ટર્સ પાસેથી 448 કરોડ રૂપિયા એકઠા કરવામાં સફળ રહી છે.કંપનીએ શેર દીઠ 331 રૂપિયાના ભાવે 1,35,27,190 શેરની ફાળવણી કરી હતી.
જ્યોતિ CNC ના આઈપીઓનો પ્રાઇસ બેન્ડ 315-331 રૂપિયા પ્રતિ શેર છે. કંપનીનો આજે 9 થી 11 જાન્યુઆરી સુધી રિટેલ ઈન્વેસ્ટર્સ માટે ભરવા માટે ખુલ્લો રહેશે. IPO માં શેરની લોટ સાઈઝ 45 રાખવામાં આવી છે. રોકાણકારોએ એક લોટ માટે 14,895 રૂપિયાનું રોકાણ કરવું પડશે.
જો ગ્રે માર્કેટની વાત કરીએ તો જ્યોતિ CNC IPOનું જબરદસ્ત પ્રદર્શન છે. આજે 100 રૂપિયાના પ્રીમિયમ પર શેર ટ્રેડ થઈ રહ્યા છે. લિસ્ટિંગ સુધી આ સ્થિતિ રહેશે તો કંપની શેરબજારમાં પ્રથમ દિવસે જ રોકાણકારોને 30 ટકાથી વધારે ફાયદો કરાવી શકે છે. કંપનીનું લિસ્ટિંગ BSE અને NSE બંને પર થશે.
Published On - 1:27 pm, Tue, 9 January 24