Sovereign Gold Bond : સોનાની ખરીદી ઉપર સસ્તી કિંમત સહીત આ ફાયદાઓ મળી રહ્યા છે, શું તમે ખરીદ્યું RBI નું સોનું?
SGB પેપર ગોલ્ડ હોવાને કારણે ફિઝિકલ ગોલ્ડનો અસરકારક વિકલ્પ સાબિત થયો છે. રોકાણકારો કોઈપણ જાળવણી ખર્ચ અને મુશ્કેલી વિના સોનામાં રોકાણ કરી શકે છે. ફિઝિકલ ગોલ્ડની સરખામણીમાં આમાં લિક્વિડિટી સરળ છે.
સોવરિન ગોલ્ડ બોન્ડ(Sovereign Gold Bond)નો પ્રથમ હપ્તો શરૂ થઈ રહ્યો છે. લોકો આ સ્કીમમાં 23 જૂન 2023 સુધી રોકાણ કરી શકાય છે. SGB સિરીઝ I ની ઇશ્યૂ કિંમત 5,926 રૂપિયા પ્રતિ ગ્રામ એટલે કે 59,260 રૂપિયા પ્રતિ દસ ગ્રામ રહશે.
સોવરિન ગોલ્ડ બોન્ડ નવેમ્બર 2015માં લોન્ચ કરવામાં આવ્યો હતો જેનો મુખ્ય ઉદ્દેશ સોનામાં રોકાણનો વિકલ્પ છે. સોવરિન ગોલ્ડ બોન્ડ સ્કીમમાં પાકતી મુદત 8 વર્ષની છે.
તેનો સૌથી મોટો ફાયદો એ છે કે તેના પર સોનામાં વધારા ઉપરાંત રોકાણકારોને દર વર્ષે 2.5 ટકાનું વધારાનું વ્યાજ મળે છે. તે સોનામાં ઉતાર-ચઢાવ દરમિયાન રોકાણકારોને રક્ષણ આપે છે. જ્યારે ફિઝિકલ ગોલ્ડના કિસ્સામાં આવી સુવિધા ઉપલબ્ધ નથી.
તેને મેચ્યોરિટી પર રિડીમ કરવાથી તે સમયે 999 શુદ્ધતાના સોનાના દરે વળતર મળે છે. પાકતી મુદત પૂરી થવા પર મળતું વળતર કરમુક્ત છે.
ગોલ્ડ બોન્ડની મુદત 8 વર્ષ છે. પરંતુ 5 વર્ષ સુધી હોલ્ડિંગ કર્યા પછી, તમે તેમાંથી બહાર નીકળી શકો છો.
આ બોન્ડનો ઉપયોગ લોન લેવા માટે કોલેટરલ તરીકે પણ થઈ શકે છે.
Published On - 6:21 am, Wed, 21 June 23