Stock Split: 5 ભાગમાં વહેંચાશે આ શેર, જાહેર કરી રેકોર્ડ ડેટ
Stock Split: જય બાલાજી ઈન્ડસ્ટ્રીઝ લિમિટેડના શેરનું વિભાજન થવા જઈ રહ્યું છે. કંપનીના શેરને 5 ભાગમાં વહેંચવામાં આવશે. જય બાલાજી ઇન્ડસ્ટ્રીઝ લિમિટેડે આ સ્ટોક સ્પ્લિટ માટે રેકોર્ડ ડેટ જાહેર કરી છે. જે આ અઠવાડિયે છે.
Jai Balaji Industries Limited: કંપનીએ એક્સચેન્જને આપેલી માહિતીમાં જણાવ્યું છે કે એક શેરને 5 ટુકડાઓમાં વહેંચવામાં આવશે. આ વિભાજન પછી, કંપનીના શેરની ફેસ વેલ્યુ 10 રૂપિયાથી ઘટીને 2 રૂપિયા પ્રતિ શેર થઈ જશે.
કંપનીએ સ્ટોક સ્પ્લિટ માટે 17 જાન્યુઆરીની રેકોર્ડ ડેટ નક્કી કરી છે. એટલે કે આ કંપનીના શેર 5 ટુકડાઓમાં વહેંચાઈ જશે. તમને જણાવી દઈએ કે, કંપનીઓ એવા સમયે શેરનું વિતરણ કરે છે જ્યારે તેમને લાગે છે કે શેરની કિંમત વધી ગઈ છે. જેના કારણે રિટેલ રોકાણકારો ઇન્વેસ્ટમેન્ટ કરવાનું ટાળી રહ્યા છે.
કંપનીના શેરધારકો માટે પાછલું એક વર્ષ સારું રહ્યું નથી. આ સમયગાળા દરમિયાન કંપનીના શેરના ભાવમાં લગભગ 3 ટકાનો ઘટાડો થયો છે. જ્યારે આ જ સમયગાળામાં સેન્સેક્સ લગભગ 8 ટકા રિટર્ન આપવામાં સફળ રહ્યો છે.
રોકાણકારો માટે છેલ્લું એક વર્ષ ભલે સારું ન રહ્યું હોય, પરંતુ તે પછી પણ છેલ્લા બે વર્ષમાં જય બાલાજી ઇન્ડસ્ટ્રીઝ લિમિટેડના શેર 1400 ટકાથી વધુ વળતર આપવામાં સફળ રહ્યા છે.છેલ્લા 10 વર્ષમાં, વળતર 5000 ટકા વધુ રહ્યું છે.
2011 પછી કંપનીને લઈને એક મોટું અપડેટ આવ્યું છે. છેલ્લી વખત કંપનીએ આ વર્ષે ડિવિડન્ડ ચૂકવ્યું હતું. પછી પાત્ર રોકાણકારોને એક શેર પર 40 પૈસાનું ડિવિડન્ડ મળ્યું.
