મ્યુચ્યુઅલ ફંડ 1 વર્ષમાં કેટલું વળતર આપે છે ?
જો તમે Mutual Fund માં રોકાણ કરો છો, તો તમે તેમાં બે રીતે રોકાણ કરી શકો છો. પ્રથમ, તમે દર મહિને એક નિશ્ચિત રકમની SIP શરૂ કરી શકો છો. બીજું, તમે એક વર્ષ, બે વર્ષ અને 5 વર્ષ માટે એકસાથે મ્યુચ્યુઅલ ફંડમાં રોકાણ કરી શકો છો.
જો આપણે ET Money.comની વેબસાઈટ પર આપવામાં આવેલા આંકડાઓ પર નજર કરીએ તો સૌથી વધુ વળતર મોતીલાલ ઓસ્વાલ મિડકેપ ફંડ દ્વારા આપવામાં આવ્યું છે, તેમાં રોકાણ કરનારા રોકાણકારોને 64.70 ટકા વળતર મળ્યું છે. ઉપરાંત, ટોપ 10ની યાદીમાં સૌથી ઓછું વળતર 26.34 ટકા હતું.
છેલ્લા એક વર્ષમાં, જેમણે રૂ. 10,000ની SIP કરી છે તેમને મોતીલાલ ઓસ્વાલ મિડકેપ ફંડમાં સૌથી વધુ વળતર મળ્યું છે, તેની AUM રૂ. 22,898 કરોડ છે અને રોકાણકારને તેમાં 64.70 ટકા વળતર મળ્યું છે. ઉપરાંત, SBI હેલ્થકેર ઓપોર્ચ્યુનિટી ફંડ બીજા સ્થાને છે, તેનું AUM રૂ. 3460 કરોડ છે અને તેમાં રોકાણને 39.44 ટકા વળતર મળ્યું છે.
કેનેરા રોબેકો ઈન્ફ્રાસ્ટ્રક્ચર અને એક્સિસ સ્મોલ કેપ ફંડ ત્રીજા અને ચોથા સ્થાને છે. તેમની AUM અનુક્રમે રૂ. 867 કરોડ અને રૂ. 24353 કરોડ છે. આ બંને ફંડોએ અનુક્રમે 31.16% અને 30.54% વળતર આપ્યું છે. પાંચમા ક્રમે ઈન્વેસ્કો ઈન્ડિયા ઈન્ફ્રાસ્ટ્રક્ચર ફંડ છે, જેની AUM રૂ. 1609 કરોડ છે અને તેણે 30.12 ટકા વળતર આપ્યું છે.
