હોળી રમતી વખતે ચલણી નોટ પર લાગી ગયો છે કલર, તો આ નોટ બજારમાં ચાલે કે નહીં, જાણો શું છે RBIનો નિયમ
હોળી રમતી વખતે ઘણીવાર આપણા ખિસ્સામાં રહેલી નોટોને પણ કલર લાગી જાય છે, જેના કારણે રંગીન બની જાય છે. જે બાદ ઘણી વખત દુકાનદારો આ નોટો સ્વીકારવાનો ઈન્કાર કરી દે છે. ત્યારે આજે અમે તમને જણાવીશું કે આ નોટોને લઈને રિઝર્વ બેંક ઓફ ઈન્ડિયાના નિયમો શું છે અને આ નોટ બજારમાં ચાલશે કે નહીં.
હોળી રમતી વખતે ઘણીવાર આપણા ખિસ્સામાં રહેલી નોટોને પણ કલર લાગી જાય છે, જેના કારણે રંગીન બની જાય છે. જે બાદ ઘણી વખત દુકાનદારો આ નોટો સ્વીકારવાનો ઈન્કાર કરી દે છે.
કલરવાળી નોટોને લઈને રિઝર્વ બેંક ઓફ ઈન્ડિયા દ્વારા એક ગાઈડલાઈન બહાર પાડવામાં આવેલ છે, જેમાં આ નોટ બજારમાં ચાલી શકે કે કેમ ? બેન્ક તેને સ્વીકારે છે કે નહીં તેને લઈને માહિતી આપવામાં આવી છે.
RBIના નિયમ અનુસાર, કોઈપણ દુકાનદાર કલરવાળી નોટ સ્વીકારવાની ના પાડી શકે નહીં. આ નોટ તમે બેંકમાં પણ જમા કરાવી શકો છો, પરંતુ આ નોટના સિક્યુરીટી ફીચર્સને કોઈ નુકશાન ના થયું હોવું જોઈએ.
દેશની તમામ બેંકોમાં તમે આ કલરવાળી નોટ બદલી શકો છો. આ માટે બેંક દ્વારા કોઈ ફી લેવામાં આવતી નથી. આ સિવાય તે બેંકનો ગ્રાહક હોવો પણ જરૂરી નથી.
બેંકમાં કોઈપણ ફાટેલી નોટ બદલાવવા પર બેંક તમને તે નોટની શરત અનુસાર પૈસા પરત કરે છે. ઉદાહરણ તરીકે, જો રૂ. 2000ની નોટ 88 ચોરસ સેન્ટિમીટર (સેમી) હોય, તો તમને સંપૂર્ણ રકમ મળશે. પરંતુ 44 ચોરસ સેમીની હશે તો માત્ર અડધી કિંમત જ મળશે.