Plant In Pot : પરફ્યુમ બનાવવા અને મચ્છર ભગાડવામાં મદદ કરનાર લવંડરના છોડને ઘરે ઉગાડો, જુઓ તસવીરો
વર્તમાન સમયમાં મોટાભાગના લોકોને કિચન ગાર્ડન કરવામાં છોડ ઉગાડવાનો શોખ હોય છે. ત્યારે આપણે કિચન ગાર્ડનમાં ફૂલના છોડ ઉગાડી શકીએ. ત્યારે આજે જોઈશું કે ઘરે કેવી રીતે લવંડરના છોડ ઉગાડી શકાય છે.
લવંડરનો છોડ દેખાવમાં ખૂબ જ સુંદર લાગે છે. તેમજ આ છોડની સુગંધ ઘણી સારી હોવાથી કેટલાક પ્રકારના પરફ્યુમ બનાવવા માટે ઉપયોગમાં લેવાય છે. આ ઉપરાંત લવંડરનો છોડ ઘરે ઉગાડવાથી મચ્છર દૂર રહે છે.
ઘરે લવંડરનો છોડ ઉગાડવા માટે સૌથી પહેલા એક છિદ્ર વાળુ કૂંડુ લો. હવે સારી ગુણવત્તાની માટીમાં છાણિયુ ખાતર ઉમેરી બરાબર મિક્સ કરી કૂંડામાં ભરી લો.
તમે લવંડરનો છોડ બીજ દ્વારા અથવા તો નર્સરીમાંથી છોડ લાવીને પણ ઉગાડી શકો છો. તમે કૂંડામાં 3-4 ઈંચ ઉંડાઈએ લવંડરના બીજ અથવા છોડ રોપી તેના પર માટી નાખો.
લવંડર છોડને દરરોજ 6-8 કલાક સૂર્યપ્રકાશ મળે તેવી જગ્યાએ આ છોડને રાખો. તેમજ છોડમાં ઉચ્ચિત માત્રામાં પાણી નાખો. જેથી લવંડરના છોડમાં ફૂગ ન લાગે.
છોડમાં રોગ ન થાય તે માટે તેમાં જંતુનાશક દવાનો છંટકાવ કરો અથવા લીમડાના તેલનો પણ છંટકાવ કરી શકો છે. (આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી ) All Image - Freepik
Published On - 4:48 pm, Thu, 12 September 24