Plant In Pot : બોંસાઈ પ્લાન્ટની સંભાળ રાખવા અપનાવો આ ટીપ્સ, જાણો કેવા હોય છે આ છોડ, જુઓ તસવીરો
વર્તમાન સમયમાં મોટાભાગના લોકોને કિચન ગાર્ડન કરવામાં છોડ ઉગાડવાનો શોખ હોય છે. ત્યારે કેટલાક લોકો બોંસાઈ પ્લાન્ટને ઉગાડતા હોય છે. પરંતુ ઘણી વખત છોડની યોગ્ય કાળજી ન રાખતા છોડ સૂકાઈ જાય છે. આજે આપણે જાણીશું કે બોંસાઈ પ્લાન્ટની કાળજી કેવી રીતે રાખવી જોઈએ.
બોનસાઈનો અર્થ જાપાનીઝમાં “વામન છોડ” થાય છે. તે એક જાપાની કળા દ્વારા નાના કદના પરંતુ આકર્ષક દેખાવ આપવાની તકનીક છે. આ છોડ કુંડામાં ઉગાડી શકાય છે. આ કળામાં છોડને સુંદર આકાર આપવો, પાણી આપવાની વિશેષ પદ્ધતિઓ અને તેને એક કૂંડામાંથી બહાર કાઢી બીજા કૂંડામાં રોપવાની પદ્ધતિઓનો સમાવેશ થાય છે.
બોંસાઈ છોડ નાના કદના હોય છે. પરંતુ તે ખૂબ જ સુંદર લાગે છે અને બગીચાની સુંદરતામાં વધારો કરે છે. આ છોડની સંભાળ લેવા માટે કેટલીક કાળજી રાખવી આવશ્યક છે.
બોંસાઈ છોડની સારી ઉગે તે માટે છોડને અઠવાડિયામાં એક વાર પાણી પીવડાવુ જોઈએ. જો વધારે પાણી પીવડાવવામાં આવે તો તેના મૂળ ખરાબ થઈ જાય છે.
બોંસાઈ છોડ માટે 15 થી 23 ડિગ્રી સેલ્સિયસનું તાપમાન યોગ્ય છે. આ છોડને ખૂબ ઠંડા અથવા ગરમ જગ્યાએ ન રાખો. આમ કરવાથી છોડ સૂકાઈ જશે.દર બે મહિને બોંસાઈ છોડની કાપણી કરવી જોઈએ.
બોંસાઈ પ્લાન્ટમાં દર અઠવાડિયે ઓર્ગેનિક ખાતર નાખો. જેથી તેમાં પોષક તત્વોની કોઈ કમી ન રહે.(આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી ) All Image - Getty Images