વિરાટ કોહલીએ શેયર કરી ઈમોશનલ પોસ્ટ, દીકરી વામિકા અને પત્ની અનુષ્કા સાથેનો કોહલીનો ફોટો થયો વાયરલ
Virat Kohli Insta Post: વિરાટ કોહલીએ પોતાના પરિવાર સાથેનો એક ફોટો સોશિયલ મીડિયા પર શેયર કર્યો છે. આ ફોટો સોશિયલ મીડિયા પર ખુબ વાયરલ થઈ રહ્યો છે. તેણે એક ઈમોશનલ પોસ્ટ પણ શેયર કરી છે.
વિરાટ કોહલી મંગળવારે શ્રીલંકા સામેની વનડે સિરીઝમાં ભારતીય ટીમ સાથે જોડાશે. સિરીઝની શરુઆત થાય એ પહેલા વિરાટ કોહલીએ એક ઈમોશનલ પોસ્ટ શેયર કરી હતી.
વિરાટ કોહલીએ શેયર કરેલા ફોટોમાં તેની પત્ની અનુષ્કા અને દીકરી વામિકા જોવા મળી રહી હતી. દરિયા કિનારે વેકેશનનો આનંદ માણી રહેલા પરિવારે એકબીજાનો હાથ પકડયો હતો. વિરાટ કોહલીએ આ ફોટો શેયર કરીને પંજાબીમાં એક ઈમોશનલ મેસેજ શેયર કર્યો હતો.
ઈમોશનલ પોસ્ટમાં વિરાટ કોહલીએ લખ્યું હતુ કે, ભગવાન તમે ઘણી કૃપા કરી છે, તમારી પાસે હવે બીજું કઈ નથી જોઈતું, બસ તમારો આભાર માનું છું.
આ પહેલા વિરાટ પોતાના પરિવાર સાથે નીમ કરૌલી બાબાના દર્શન માટે પહોંચ્યા હતા. તે સમયનો વીડિયો સોશિયલ મીડિયા પર ખુબ વાયરલ થયો હતો.
વિરાટ કોહલીએ નવા વર્ષની શરુઆતની ઊજવણી પણ પરિવાર સાથે કરી હતી. પરિવાર સાથે સમય પસાર કર્યા બાદ હવે મંગળવારથી વિરાટ ક્રિરેટના મેદાન પર તબાહી મચાવવા માટે પાછો ફરશે.