ઓસ્ટ્રેલિયાના Dy PM ને ગિફ્ટમાં મળી વિરાટ કોહલીની અણમોલ વસ્તુ, જુઓ તસ્વીરો
ભારતના વિદેશ પ્રધાન ડૉ. એસ. જયશંકરે (Dr S Jaishankar) ઓસ્ટ્રેલિયાના નાયબ વડા પ્રધાન રિચર્ડ માર્લ્સ (Dy PM Richard Marles) ને સરપ્રાઈઝ ગિફ્ટ આપી હતી. જેના પર માર્લ્સ પણ એક સમયે વિશ્વાસ ન કરી શક્યા.
ભારતના વિદેશ મંત્રી ડૉ. એસ. જયશંકર હાલ ઓસ્ટ્રેલિયાના પ્રવાસે છે અને ટીમ ઈન્ડિયા પણ હાલમાં T20 વર્લ્ડ કપ માટે ઓસ્ટ્રેલિયામાં છે. આ દરમિયાન, વિરાટ કોહલીના દિલની નજીકની એક ખાસ વસ્તુ જયશંકરે ઓસ્ટ્રેલિયાના નાયબ વડા પ્રધાન રિચર્ડ માર્લ્સને ભેટમાં આપી હતી, જેને જોઈને માર્લ્સ આશ્ચર્યચકિત થઈ ગયા હતા.
જયશંકરે વિરાટ કોહલીનું સહી કરેલું બેટ રિચર્ડને ભેટમાં આપ્યું હતું. તેનો આ ફોટો ઘણો વાયરલ થઈ રહ્યો છે.
રિચર્ડ માર્લ્સે જયશંકર માટે કહ્યું હતું કે ક્રિકેટ પ્રત્યેના અમારો પ્રેમ સહિત ઘણી બાબતો આપણને બાંધે છે. તેમણે વધુમાં કહ્યું કે આજે તેણે ક્રિકેટના દિગ્ગજ કોહલીને સહી કરેલા બેટથી ચોંકાવી દીધા હતા.
ભૂતકાળમાં, જયશંકરે ન્યુઝીલેન્ડ પ્રવાસ દરમિયાન ભારત અને ન્યુઝીલેન્ડ વચ્ચેના ક્રિકેટ સંબંધોની પણ પ્રશંસા કરી હતી. તેણે ન્યૂઝીલેન્ડના 2 દિગ્ગજ ક્રિકેટરોનો પણ આભાર વ્યક્ત કર્યો હતો.
જયશંકરે કહ્યું હતું કે ભારત હંમેશા જોન રાઈટ અને સ્ટીફન ફ્લેમિંગનો આભારી રહેશે. તેણે કહ્યું કે ભારતમાં કોઈ રાઈટને ભૂલી શકતું નથી અને કોઈ આઈપીએલ ચાહક ફ્લેમિંગને ભૂલી શકે તેમ નથી.
જ્હોન રાઈટના કોચિંગ હેઠળ ભારત 2003 વર્લ્ડ કપની ફાઇનલમાં પહોંચ્યું હતું. તે જ સમયે, ફ્લેમિંગના કોચિંગ હેઠળ, ચેન્નાઈ સુપર કિંગ્સની ટીમ IPL ચેમ્પિયન બની હતી.
Published On - 9:12 am, Tue, 11 October 22