10 રનમાં પડી 4 વિકેટ, છતાં પણ આ ટીમ જીતી, એક ‘નો બોલે’ કામ બગાડ્યું
બિગ બેશ લીગની 26મી મેચમાં પર્થ સ્કોર્ચર્સે મેલબોર્ન રેનેગેડ્સને હરાવ્યું. મોટી વાત એ છે કે મેલબોર્નની ટીમે માત્ર 10 રનમાં પોતાની 4 વિકેટ ગુમાવી દીધી હતી પરંતુ તેમ છતાં તે પર્થ પર જીત મેળવવામાં સફળ રહી હતી. જાણો કેવી રીતે થયું આ પરાક્રમ?
બિગ બેશ લીગની 25મી મેચમાં મેલબોર્ન રેનેગેડ્સે પર્થ સ્કોર્ચર્સને હરાવ્યું. મેલબોર્ન આ મેચ 4 વિકેટે જીતી ગયું હતું. આ ટીમને જીતવા માટે 148 રનનો ટાર્ગેટ હતો અને મેલબોર્નએ માત્ર 2 બોલ પહેલા જ જીત નોંધાવી હતી.
મોટી વાત એ છે કે મેલબોર્નના 4 બેટ્સમેન માત્ર 10 રનમાં પેવેલિયન પરત ફર્યા હતા, પરંતુ તેના કેપ્ટન વિલ સધરલેન્ડ અને થોમસ સ્ટીવર્ટ રોજર્સે શાનદાર બેટિંગ કરીને ટીમને જીત અપાવી હતી. વિલ સધરલેન્ડે 45 બોલમાં 70 રન અને રોજર્સે 31 બોલમાં અણનમ 49 રન બનાવ્યા હતા.
મેલબોર્ન રેનેગેડ્સને છેલ્લી ઓવરમાં 12 રનની જરૂર હતી. પર્થ આ મેચ જીતી શક્યું હોત પરંતુ નો બોલે તેનું કામ બગાડ્યું. ટોમ રોજર્સ છેલ્લી ઓવરના પ્રથમ બોલ પર આઉટ થયો હતો પરંતુ તે બોલને નો બોલ જાહેર કરવામાં આવ્યો હતો અને આ રીતે તેને જીવનદાન મળ્યું હતું.
આ પછી રોજર્સે એક સિક્સર અને એક ફોર ફટકારીને મેલબોર્ન માટે આસાનીથી મેચ જીતી લીધી હતી. આ પહેલા રોજર્સે પણ 2 વિકેટ લીધી હતી અને તેથી આ ખેલાડીને પ્લેયર ઓફ ધ મેચનો એવોર્ડ પણ આપવામાં આવ્યો હતો.
રોજર્સ ઉપરાંત વિલ સધરલેન્ડે પણ 70 રન બનાવવા ઉપરાંત 2 વિકેટ ઝડપી હતી. મેલબોર્નની જીતમાં એડમ ઝમ્પાએ પણ મોટી ભૂમિકા ભજવી હતી, આ લેગ સ્પિનરે 27 રનમાં 3 વિકેટ ઝડપી હતી. (All Photo Credit : X / KFC Big Bash League / GETTY)