Cooler Tips : ચોમાસામાં કુલરને અડતા જ લાગે છે કરંટ ? ગભરાશો નહીં આટલું કરી લો
આ દિવસોમાં ઘરમાં કુલર કે એર કંડિશનરનો ઉપયોગ કરતા વીજળીનો કરંટ લાગવાની સંભાવના રહે છે ત્યારે આ પરિસ્થિતીમાં શું કરવું તેમજ કેવી રીતે બીજાને કરંટ લાગતા બચાવી શકાય જાણો અહીં.
વરસાદની ઋતુમાં ઇલેક્ટ્રિક ગેજેટ્સમાં કરંટ લાગવો સામાન્ય બાબત છે. તેમા પણ ખાસ કરીને જો તમે કુલરનો ઉપયોગ કરી રહ્યા છો તો ચોમાસામાં તેમાં કરંટ લાગવાની સમસ્યા વારંવાર સર્જાય છે. ત્યારે જો તમારા ઘરમાં પણ કુલર છે અને ઘરમાં વૃદ્ધ માતા-પિતા અને નાના બાળકો છે, તો તમારે કૂલરમાં ઇલેક્ટ્રિક શોકથી બચવા માટેની ટિપ્સ જાણવી જ જોઈએ.
કૂલરમાં ઇલેક્ટ્રિક શોકથી બચવા માટેની ટીપ્સની મદદથી, તમે ઘરમાં બાળકો અને વૃદ્ધોને સુરક્ષિત રાખશો. તમે સુરક્ષિત કુલરનો યોગ્ય રીતે ઉપયોગ પણ કરી શકશો. તો ચાલો જાણીએ કે કૂલરમાં કરંટ આવવાથી કેવી રીતે રોકી શકાય.
કૂલર અડતા કરંટ કેમ લાગે છે? : કુલરમાં કરંટ લાગવાના મુખ્ય પાંચ કારણો છે, જેમાં અર્થિંગનો અભાવ, ઈલેક્ટ્રીકલ કનેક્શનમાં ખામી, મોટરની સમસ્યા, સ્વીચ ફોલ્ટ અને પાણીની ટાંકીમાં લીકેજનો સમાવેશ થાય છે. જો આ પાંચ બાબતો પર ધ્યાન આપવામાં આવે તો કરંટની સમસ્યાથી બચી શકાય છે અને મોટા અકસ્માતોથી બચી શકાય છે. ત્યારે શું કરવું જાણો અહીં
અર્થિંગ ઠીક કરો : ખાતરી કરો કે તમારું કૂલર યોગ્ય રીતે ગ્રાઉન્ડ થયેલું છે. ગ્રાઉન્ડિંગ વાયરને કૂલરના બોડી સાથે કનેક્ટ કરો અને પછી તેને ગ્રાઉન્ડિંગ સળિયા અથવા ઇલેક્ટ્રિકલ પેનલના ગ્રાઉન્ડિંગ સ્ક્રૂ સાથે કનેક્ટ કરો. જો તમે ગ્રાઉન્ડિંગ વાયર શોધી શકતા નથી, તો ઇલેક્ટ્રિશિયનને કૉલ કરો.
વીજળી કનેક્શન ચેક કરો : કુલરનું પાવર કનેક્શન એટલે કે તપાસો કે વાયરમાં કોઈ નુકસાન અથવા વાયર ઢીલો તો નથી પડી ગયો ને, જો તે ઢીલો પડી ગયો હોય તો બરોબર ફીટ કરો અથવા જરુર લાગે તો વાયરને બદલો .
મોટર ઠીક કરો : કૂલરની મોટરમાં ખરાબી પણ ઇલેક્ટ્રિક કરંટનું કારણ બની શકે છે. જો તમને લાગે કે મોટરમાં ખામી છે, તો મોટર બદલો. બીજી એક વાત, તમારે કૂલરને ચાલુ કર્યા પછી તેમાં ક્યારેય પાણી ન નાખવું જોઈએ, આમ કરવું જોખમી બની શકે છે.
પાણીની ટાંકીનું સમારકામ : કેટલીકવાર, પાણીની ટાંકીમાં લીકેજને કારણે કૂલરમાં કરંટ પણ આવી શકે છે. પાણીની ટાંકીમાં કોઈ લીકેજ છે કે કેમ તે તપાસો અને જો કોઈ લીકેજ હોય તો તેને ઠીક કરો.
સ્વીચ બદલો : કુલરની સ્વીચમાં ખરાબી પણ ઇલેક્ટ્રિક શોકનું કારણ બની શકે છે. જો તમને લાગે કે સ્વીચ ખામીયુક્ત છે, તો તેને બદલો. જો તમે આ સલામતીના પગલાં લીધા પછી પણ કૂલરમાં ઇલેક્ટ્રિક પ્રવાહની સમસ્યાને ઠીક કરી શકતા નથી, તો તરત જ ઇલેક્ટ્રિશિયનનો સંપર્ક કરો.
આ સાથે ભીના હાથથી કૂલરને ક્યારેય સ્પર્શ કરશો નહીં. કુલરને પાણી વાળી જગ્યાએથી દૂર રાખો. જો તમે કૂલર સાફ કરી રહ્યા હોવ તો પહેલા તેને અનપ્લગ કરો અને બાળકોને કુલરથી દૂર રાખો.