Happy Birthday Aditya Narayan: આદિત્ય નારાયણે 100 થી વધુ ગીતોમાં પોતાનો અવાજ આપ્યો, ચાર વર્ષની ઉંમરે ગાયું પહેલું ગીત
બોલિવૂડના પ્રખ્યાત ગાયક ઉદિત નારાયણના પુત્ર અભિનેતા આદિત્ય નારાયણ (Aditya Narayan) ઇન્ડસ્ટ્રીમાં જાણીતું નામ છે. મોટા પડદાથી લઈને નાના પડદા સુધી આદિત્યએ દરેક જગ્યાએ પોતાની કુશળતાનો જાદુ ફેલાવ્યો છે. ચાઈલ્ડ આર્ટિસ્ટ તરીકે ફિલ્મોમાં જોવા મળેલા આદિત્ય નારાયણ આજે 35 વર્ષના થઈ ગયા છે.
આદિત્ય દર વર્ષે 6 ઓગસ્ટે પોતાનો જન્મદિવસ ઉજવે છે. 1987માં આ દિવસે મુંબઈમાં જન્મેલા આદિત્ય આજે એક હોસ્ટ તરીકે પ્રખ્યાત છે. અભિનેતાના જન્મદિવસના અવસર પર ચાલો જાણીએ તેમના જીવન સાથે જોડાયેલી કેટલીક રસપ્રદ વાતો
આદિત્ય નારાયણે ચાર વર્ષની નાની ઉંમરે પહેલીવાર ગીત ગાયું હતું. જો કે, તેમણે 1942માં પ્લેબેક સિંગર તરીકે પ્રથમ વખત ગીત ગાયું હતું. આદિત્યએ નેપાળી ફિલ્મ મોહિનીનાં ગીતમાં પોતાનો અવાજ આપ્યો હતો.
આ પછી વર્ષ 1995માં, અભિનેતાએ પ્રથમ વખત તેના પિતા ઉદિત નારાયણ સાથે ફિલ્મ અકેલે હમ અકેલે તુમમાં ગીત ગાયું હતું. આ ઉપરાંત આદિત્ય નારાયણે આશા ભોંસલેએ ગાયેલું ગીત રંગીલામાં પણ કેમિયો કર્યો હતો.
બાળ કલાકાર તરીકે આદિત્ય નારાયણે 100 થી વધુ ગીતોને પોતાનો અવાજ આપ્યો હતો. આટલું જ નહીં તેના નામે એક આલ્બમ પણ બહાર પાડવામાં આવ્યું હતું. આદિત્યના અવાજમાં તેના પ્રખ્યાત ગીતોની વાત કરીએ તો, 1996ની ફિલ્મ માસૂમનું ગીત છોટા બચ્ચા જાન કે આજે પણ ખૂબ જ લોકપ્રિય છે. આ ગીત માટે અભિનેતાને શ્રેષ્ઠ બાળ ગાયકનો ક્રિટિક્સ એવોર્ડ મળ્યો હતો. આ સિવાય આદિત્ય નારાયણે 16 ભાષાઓમાં ગીતો ગાયા છે.
ફિલ્મોની વાત કરીએ તો આદિત્ય નારાયણે બાળ કલાકાર તરીકે પોતાની એક્ટિંગ કરિયરની શરૂઆત કરી હતી. કહેવાય છે કે વર્ષ 1995માં સુભાષ ભાઈએ આદિત્યને પહેલીવાર લિટલ વન્ડર્સ ગ્રુપમાં પરફોર્મ કરતા જોયો હતો.જોકે આદિત્ય સિંગિંગ અને એક્ટિંગમાં કંઈ ખાસ કરી શક્યો ન હતો, પરંતુ તેણે નાના પડદા પર હોસ્ટ તરીકે ઘણી ખ્યાતિ મેળવી હતી.
આદિત્ય નારાયણ ઘણા રિયાલિટી શોમાં હોસ્ટ તરીકે જોવા મળ્યો છે. આ સિવાય તે સ્ટંટ રિયાલિટી શો ખતરોં કે ખિલાડીની સીઝન 9માં પણ સ્પર્ધક તરીકે જોવા મળ્યો હતો. અંગત જીવનની વાત કરીએ તો, અભિનેતાએ તેમની ગર્લફ્રેન્ડ શ્વેતા અગ્રવાલ સાથે વર્ષ 2020 માં તેમના 11 વર્ષના લાંબા સંબંધો પછી લગ્ન કર્યા હતા. લગ્નના બે વર્ષ પછી માર્ચ 2022 માં દંપતીએ તેમના પ્રથમ બાળકનું સ્વાગત કર્યું. ( all photo : Aditya Narayan facebook)
Published On - 11:10 am, Sun, 6 August 23