Anupama Tv show : દુઃખ અને ખુશીના આંસુ પણ… અનુપમા અને અનુજની LOVE STORY પૂરી થઈ !
Anupama anuj love story : ટીવી શો 'અનુપમા'ના ફેન્સ આ સમયે ખૂબ જ ભાવુક છે. શોમાં અનુપમા અને અનુજની લવ સ્ટોરીનો અંત બતાવવામાં આવી રહ્યો છે. એક તરફ અનુપમા મૃત્યુ પામી છે, તો બીજી તરફ અનુજ પણ તેની અનુપમા સાથે મૃત્યુ પામે છે. શોની સ્ટોરીએ લોકોને ખૂબ જ ભાવુક બનાવી દીધા છે.
Anupama : આજે પણ ફિલ્મો અને વેબ સિરીઝ નાના પડદાની જગ્યા નથી લઈ શકી નથી. લોકો ઘણીવાર ફિલ્મો અને વેબ સિરીઝ માત્ર એક જ વાર જુએ છે, પરંતુ જો તેમને કોઈ વસ્તુ ગમે છે, તો તેઓ તેને બે-ત્રણ વાર જોશે. પરંતુ સામાન્ય લોકોનો ટીવી સિરિયલો સાથે ઊંડો સંબંધ છે. ગૃહિણીઓ ઘણીવાર જમતી વખતે અથવા તેમના ફ્રી ટાઇમમાં દરરોજ તેમના મનપસંદ શો જોવાનું પસંદ કરે છે.
Anupama Tv show : લોકો છેલ્લા ઘણા સમયથી ફેમસ શો 'અનુપમા' જોઈ રહ્યા છે. આ શોની ખાસિયત એ છે કે દરેક ઉંમરના લોકો તેને જોવાનું પસંદ કરે છે. અનુપમા, વનરાજ અને અનુજ કપાડિયા વિના આ શો સંપૂર્ણપણે અધૂરો છે. પરંતુ હવે આ શોમાં એક લીપ આવવા જઈ રહી છે અને અનુપમા-અનુજનું મૃત્યુ થવા જઈ રહ્યું છે.
Rajan shahi's serial : અનુપમા અને અનુજની લવ સ્ટોરીનો અંત આવવાનો છે. એક તરફ વનરાજ રક્ષાબંધન શોથી જોવા મળ્યો નથી. જો કે વનરાજ પોતે એટલે કે સુધાંશુ પાંડેએ સ્પષ્ટ કર્યું છે કે તે હવે આ શોનો ભાગ નથી. વનરાજ બાદ હવે અનુપમા અને અનુજનો ટ્રેક પણ શોમાંથી ખતમ થઈ રહ્યો છે.
આ શોના વફાદાર દર્શકોએ શરૂઆતથી જ તેમની લવ સ્ટોરીને ફોલો કર્યું છે. તેણે અનુપમાના વનરાજથી છૂટાછેડા, પછી અનુજ કપાડિયાના પ્રેમને સ્વીકારવાનું મોટું પગલું, બાળકોના બતમિઝ મિઝાઝ, સાસુ-સસરાના ટોણા, ફરીવાર નીચે પડીને ઉઠવું, અનુજથી અલગ થવું અને બીજાનું ભલું કરતી વખતે પોતાનો જીવ દાવ પર મૂકવો એ સુધી જોવા મળે છે.
સ્ટોરીનો આવશે અંત : 'અનુપમા'ના લેટેસ્ટ એપિસોડમાં જોવા મળશે કે પેટમાં છરીની ઈજાને કારણે અનુપમાને હોસ્પિટલમાં દાખલ કરવામાં આવી છે, ડૉક્ટરો તેનો જીવ બચાવી શકશે નહીં. દરેક વ્યક્તિ અનુપમાની સલામતી માટે પ્રાર્થના કરે છે, પરંતુ અનુપમા બચી શકશે નહીં. અનુપમા અને અનુજનો એક સ્પેશિયલ ટ્રેક બતાવવામાં આવશે.
જેમાં બંને અલગ થતા બતાવવામાં આવશે. બંને જીવતા હતા ત્યારે સાથે રહી શક્યા નહોતા, પણ બંને એકસાથે મરવાના છે. આ સીન જોયા બાદ ફેન્સ ખૂબ જ ભાવુક થઈ ગયા છે. બંનેના અલગ થવાથી લોકોની આંખોમાં આંસુ આવી ગયા છે. X એકાઉન્ટ પર ‘અનુપમા’ ટ્રેન્ડમાં છે.
હવે અનુપમામાં એક લીપ આવશે અને પાત્ર અને સ્ટોરી બદલાશે. આ શોને પસંદ કરવા પાછળ ઘણા કારણો હતા. પણ સૌથી મોટું કારણ અનુપમા-અનુજ અને વનરાજ હતા. શોમાંથી આ ત્રણેયની વિદાય બાદ હવે સવાલ એ છે કે શું 'અનુપમા' TRPની રેસમાં રહેશે કે પછી આ લીડ સ્ટાર્સના જવાથી શો પર ખરાબ અસર પડશે.
આટલું જ નહીં શોના નિર્માતા રાજન શાહી સાથે સુધાંશુ પાંડેના અણબનાવના સમાચારે પણ જોર પકડ્યું છે. એવું માનવામાં આવે છે કે સુધાંશુએ શો છોડ્યો નથી, પરંતુ તેને શોમાંથી બહાર કરી દેવામાં આવ્યો છે. રાજન શાહીની અગાઉની ઘણી મોટી સિરિયલોમાં એવું પણ જોવા મળ્યું છે કે જ્યારે પણ તે લીડ સ્ટાર્સને હટાવે છે ત્યારે શો જલ્દી ખતમ થઈ જાય છે. હવે જોવાનું એ રહેશે કે ચાહકોને હવે ‘અનુપમા’ કેટલી પસંદ આવે છે.