Recharge Plan : ફાયર નહીં વાઈલ્ડ ફાયર છે આ સસ્તો રિચાર્જ પ્લાન ! મળશે 1 વર્ષની વેલિડિટી માત્ર આટલી કિંમતમાં
ઓછી કિંમતે લાંબી વેલિડિટી વાળો પ્રીપેડ પ્લાન શોધી રહ્યા છો તો અમે તમને એકથી એક જબરદસ્ત પ્લાન જણાવા જઈ રહ્યા છે. જેમાં BSNL, Vi, Jio અને Airtelના પ્લાન ઘણા બધા ફાયદાઓ સાથે ઓફર કરે છે. ત્યારે ચાલો જાણીએ તમારા માટે કયો પ્લાન બેસ્ટ રહેશે
જો તમે એવા પસંદગીના સબ્સ્ક્રાઇબર્સમાંથી છો કે જેઓ વારંવાર રિચાર્જ કરવાનું પસંદ કરતા નથી, તો લાંબી વેલિડિટી વાર્ષિક યોજનાઓ સાથે રિચાર્જ કરવાનું વધુ સારું રહેશે. Jio, Airtel અને Vodafone Idea (Vi) બધા જ અલગ-અલગ કિંમતો સાથે ઘણાં વાર્ષિક પ્લાન લૉન્ચ કરી રહ્યાં છે, ત્યારે ચાલો જાણીએ કોણ લાંબી વેલિડિટીમાં શું ફાયદા આપી રહ્યું છે અને કેટલી છે કિંમત.
રિલાયન્સ Jio દ્વારા 336 દિવસ અને 365 દિવસની વેલિડિટીવાળા વેલ્યુ પ્લાન ઓફર કરવામાં આવે છે. પહેલા 336 દિવસની વેલિડિટીવાળા પ્લાનની કિંમત 895 રૂપિયા છે અને તે 24GB ડેટા ઓફર કરે છે. તે સાથે અનલિમિટેડ કૉલિંગ, રોજ 50 SMS અને Jio એપ્સની મફત એક્સેસ આપે છે.
તે જ સમયે, 365 દિવસની માન્યતા સાથે કંપનીના દૈનિક ડેટા પ્લાનની કિંમત 3,599 રૂપિયા છે. આમાં દરરોજ 2.5GB ડેટા આપવામાં આવી રહ્યો છે અને તમામ નેટવર્ક પર અનલિમિટેડ કોલિંગ કરી શકાય છે. આ સિવાય દરરોજ 100 SMS મોકલવાનો વિકલ્પ પણ છે. આ પ્લાન Jio એપ્સની ઍક્સેસ પણ આપે છે.
Bharti Airtel અને Vodafone Idea (Vi) બંને એક જ કિંમતે 365 દિવસની વેલિડિટી સાથે પ્લાન લૉન્ચ કરી રહ્યાં છે. તેની કિંમત 1999 રૂપિયા છે અને રિચાર્જિંગના કિસ્સામાં, કુલ 24GB ડેટા ઉપલબ્ધ છે. યુઝર્સને તમામ નેટવર્ક પર મેસેજ મોકલવા અને અનલિમિટેડ કોલિંગ કરવાનો વિકલ્પ આપવામાં આવી રહ્યો છે.
ભારત સંચાર નિગમ લિમિટેડ (BSNL) દ્વારા 2,999 રૂપિયાનો પ્લાન સસ્તામાં ઓફર કરવામાં આવી રહ્યો છે. આ પ્લાન સાથે રિચાર્જ કરવાના કિસ્સામાં, દરરોજ 3GB ડેટા આપવામાં આવે છે અને તે બધા નેટવર્ક્સ પર અમર્યાદિત કૉલિંગનો વિકલ્પ આપે છે. આ સિવાય દરરોજ 100 SMS મોકલવાનો વિકલ્પ પણ છે.
Published On - 1:29 pm, Mon, 9 December 24