હવે દરેકના મોબાઈલ પર એપ્લિકેશન વગર દેખાશે ફોન કરનાર વ્યક્તિનું નામ! TRAI તરફથી આવ્યું મોટું અપડેટ
અત્યાર સુધી મોબાઈલ યુઝર્સ થર્ડ પાર્ટી એપ Truecallerની મદદથી કોલરની માહિતી મેળવતા હતા. જેમાં મોબાઈલ યુઝરનો ડેટા લીક થવાનું જોખમ રહેલું છે. કારણ કે Truecaller એપ ઇન્સ્ટોલ કર્યા પછી, તે તમારી પાસેથી ઘણી પરવાનગીઓ માંગે છે, જેમાં તમારા મોબાઇલમાં સેવ કરેલા કોન્ટેક્ટ્સ, મેસેજ અને ફોટો જેવી માહિતીનો સમાવેશ થાય છે.
જો તમારા સ્માર્ટફોનમાં કોઈનો નંબર સેવ નથી અને તમને કોઈ અજાણ્યા નંબર પરથી કોલ આવે છે, તો તમારા મગજમાં પહેલો પ્રશ્ન એ આવે છે કે કોલ કરનાર કોણ હોઈ શકે. જો તમારી સાથે આવું વારંવાર થતું હોય તો ચિંતા કરવાની જરૂર નથી, કારણ કે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ દેશભરની ટેલિકોમ કંપનીઓને કોલિંગ નેમ પ્રેઝન્ટેશન લાગુ કરવાનો આદેશ આપ્યો છે, જેના પછી જો કોઈ અજાણ્યો વ્યક્તિ તમારા ફોન પર કોલ કરે છે તમારા ફોનની સ્ક્રીન પર તેનું નામ દેખાશે.
સ્માર્ટફોન યુઝર્સ તેમના ફોન પર અજાણ્યા કોલની માહિતી મેળવવા માટે થર્ડ પાર્ટી એપ્સનો ઉપયોગ કરે છે, જેમાં ઘણા યુઝર્સ ટ્રુ કોલરનો ઉપયોગ કરે છે. થર્ડ પાર્ટી એપ્સ તેમની સુવિધાઓ પ્રદાન કરવા માટે ઇન્સ્ટોલેશન સમયે ઘણી બધી પરવાનગીઓ માંગે છે, જેમાં સંપર્ક વિગતો, ફોન ગેલેરી, સ્પીકર, કેમેરા અને કૉલ હિસ્ટ્રી વિશેની માહિતીનો સમાવેશ થાય છે.
મહત્વની વાત એ છે કે જો તમે આ બધાને પરમિશન નહીં આપો તો આ થર્ડ પાર્ટી એપ્સ કામ કરતી નથી અને જો તમે પરમિશન આપો તો તમારી પર્સનલ ડિટેલ્સ લીક થઈ જવાનો ડર છે.
TRAI એ દેશભરની તમામ ટેલિકોમ કંપનીઓને કોલિંગ નેમ પ્રેઝન્ટેશન ફીચર રોલ આઉટ કરવાનો નિર્દેશ આપ્યો છે. જે બાદ દેશમાં હાજર મોબાઈલ સેવા આપતી કંપનીઓએ તેનું ટ્રાયલ શરૂ કરી દીધું છે.
TRAI અનુસાર, જો આ ટ્રાયલ સફળ થશે તો કોલિંગ નેમ પ્રેઝન્ટેશન ફીચર દેશભરમાં લાગુ કરવામાં આવશે. ત્યારપછી તમારે અજાણ્યા નંબર વિશે જાણકારી મેળવવા માટે કોઈ થર્ડ પાર્ટી એપની જરૂર નહીં પડે.
Published On - 5:19 pm, Thu, 2 May 24