‘PAPA’ સાથે સૂર્યની નજીક પહોંચશે Aditya l1, જાણો સૂર્યયાનના તમામ પેલોડ્સ વિશે
ISRO Aditya l1 : ચંદ્રને સ્પર્શ કર્યા બાદ ઈસરો હવે સૂર્યની આંખમાં આંખ મેળવવા માટે તૈયાર છે. સૂર્ય અંગે સ્ટડી કરવા માટે PAPA પેલોડ્સ સહિત કુલ 7 પેલોડ્સ સૂર્યયાન સાથે અવકાશમાં જશે. ચાલો જાણીએ આ તમામ પેલોડ્સના નામ અને તેમના કામ વિશે.
PAPA એટલે કે પ્લાઝમા એનાલાઈઝર પેકેજ ફોર આદિત્ય - તે સૂર્યની ગરમ હવામાં હાજર ઈલેક્ટ્રોન્સ અને ભારે આયનની દિશાઓની સ્ટડી કરશે. તે હવામાં રહેલી ગરમી અને આયન્સના વજનની પણ તપાસ કરશે.
VELC એટલે કે વિઝિબલ લાઈન એમિસન કોરોનાગ્રાફ - તે સૂર્યના HD ફોટો લેશે. તેની સાથે તે સ્પેક્ટ્રોસ્કોપી અને પોલેરીમેટ્રી પણ કરશે.
SUIT એટલે કે સોલર અલ્ટ્રાવાયલેટ ઈમેઝિંગ ટેલિસ્કોપ - આ એક અલ્ટ્રાવાયલેટ ટેલિસ્કોપ છે. તે સૂર્યની અલ્ટ્રાવાયલેટ વેવલેન્થની તસવીરો લેશે. સાથે જે સૂર્યની ક્રોમોસ્ફેયર અને ફોટોસ્ફેયરની એટલે કે બ્રોડબેન્ડ અને નૈરો ઈમેજિંગ કરશે.
HEL10s એટલે કે હાઈ એનર્જી L1 ઓર્બિટિંગ એક્સ-રે સ્પેક્ટ્રોમીટર - આ એક હાઈ એક્સ-રે સ્પેક્ટ્રોમીટર છે. તે હાર્ડ એક્સ રે કિરણોની સ્ટડી કરશે.
SoLEXs એટલે સોલર લો એનર્જી એક્સ રે સ્પેક્ટ્રોમીટર - સૂર્યમાંથી નીકળતા એક્સ રે અને તેમા થતા ફેરફારોની સ્ટડી કરશે. સાથે જ સૂર્યમાંથી નીકળતી સૌર લહેરોનું અધ્યયન કરશે.
ASPEX એટલે આદિત્ય સોલર વિન્ડ પાર્ટિકલ એક્સપરીમેન્ટ - તેમાં બે સબ પેલોડ્સ હશે. SWIS એટલે કે સોલર વિન્ડ આયન સ્પેક્ટ્રોમીટર, તે સૂર્યની હવામાં આવનારા પ્રોટોન્સ અને આલ્ફા પાર્ટિકલ્સની સ્ટડી કરશે. જ્યારે STEPS એટલે કે સુપરથર્મલ એન્ટ એનર્જેટિક પાર્ટિકલ સ્પેક્ટ્રોમીટર, સૌર હવાઓમાં વધારે ઊર્જાવાળા આયન્સની સ્ટડી કરશે.
MAG એટલે એડવાન્સ્ડ ટ્રાઈ-એક્સિયલ હાઈ રેઝોલ્યૂશન ડિજીટલ મૈગ્નેટોમીટર્સ - તે સૂર્યની ચારે તરફના મૈગ્નેટિક ફીલ્ડની સ્ટડી કરશે. તેમાં 2 મૈગ્નેટિક સેન્સર્સના 2 સેટ હશે. તે સૂર્યયાનના મુખ્ય શરીરથી ત્રણ મીટર આગળ હશે.