4 IPO, 7 લિસ્ટિંગ…શેરબજાર માટે બ્લોકબસ્ટર સાબિત થશે આગામી સપ્તાહ
વર્ષ 2025ના પહેલા મહિનાનો ત્રીજું સપ્તાહ શરૂ થવાનું છે. છેલ્લા બે અઠવાડિયામાં ઘણા IPO શેર બજારમાં આવ્યા છે અને ઘણી કંપનીઓ શેરબજારમાં લિસ્ટેડ થઈ છે. ત્યારે આગામી સપ્તાહમાં પણ 4 IPO આવવાના છે અને 7 કંપનીઓ શેરબજારમાં લિસ્ટિંગ સાથે ડેબ્યૂ કરવા જઈ રહી છે.
વર્ષ 2025ના પહેલા મહિનાનો ત્રીજું સપ્તાહ શરૂ થવાનું છે. છેલ્લા બે અઠવાડિયામાં ઘણા IPO શેર બજારમાં આવ્યા છે અને ઘણી કંપનીઓ શેરબજારમાં લિસ્ટેડ થઈ છે.
રોકાણકારો માટે આગામી સપ્તાહમાં પણ 4 IPO આવવાના છે. જેમાંથી એક IPO મેઈનબોર્ડ હશે. 3 IPO SME હશે. આ ઉપરાંત 7 કંપનીઓ શેરબજારમાં લિસ્ટિંગ સાથે ડેબ્યૂ કરવા જઈ રહી છે. તાજેતરમાં એક અહેવાલ આવ્યો છે જેમાં કહેવામાં આવ્યું છે કે આગામી બે વર્ષમાં દેશમાં 1000 થી વધુ IPO આવવાની શક્યતા છે.
ડેન્ટા વોટર અને ઇન્ફ્રા સોલ્યુશન્સનો IPO 22 જાન્યુઆરીએ સબ્સ્ક્રિપ્શન માટે ખુલશે અને 24 જાન્યુઆરીએ બંધ થશે. રોકાણકારો એક લોટમાં ઓછામાં ઓછા 50 ઇક્વિટી શેર માટે બોલી લગાવી શકે છે, જેના માટે પ્રાઇસ બેન્ડ પ્રતિ શેર રૂ. 279 થી રૂ. 294 નક્કી કરવામાં આવી છે.
આ IPO સંપૂર્ણપણે નવા શેરનો છે, જેમાં 75,00,000 ઇક્વિટી શેરનો સમાવેશ થાય છે. આમાં OFS માટે કોઈ સ્થાન નથી. આ ઇશ્યૂમાંથી મળેલા રૂ. 150 કરોડના ભંડોળનો ઉપયોગ કાર્યકારી મૂડીની જરૂરિયાતોને પૂર્ણ કરવા અને સામાન્ય કોર્પોરેટ હેતુ માટે કરવામાં આવશે.
2016માં સ્થાપિત ડેન્ટા વોટર એન્ડ ઇન્ફ્રા સોલ્યુશન્સ વોટર એન્જિનિયરિંગ, પ્રોક્યોરમેન્ટ અને કન્સ્ટ્રક્શન (EPC) સર્વિસ સેક્ટરમાં મુખ્ય ખેલાડીઓમાંના એક તરીકે ઉભરી આવ્યું છે.
SME સેગમેન્ટમાં કુલ 3 IPO સબસ્ક્રિપ્શન માટે ખુલવા જઈ રહ્યા છે. કેપિટલ નંબર્સ ઇન્ફોટેકનો IPO, જેની કિંમત રૂ. 250-263 છે, તે 20 જાન્યુઆરીએ લોન્ચ થશે. તો રેક્સપ્રો એન્ટરપ્રાઇઝિસનો IPO 22 જાન્યુઆરીથી ખુલશે. જ્યારે જીબી લોજિસ્ટિક્સનો IPO 24 જાન્યુઆરીએ ખુલશે.
