7 માર્ચે દુનિયા દેખશે ભારતીય વાયુ શક્તિનું પ્રદર્શન, વડાપ્રધાન મોદી બનશે ચીફ ગેસ્ટ

7 માર્ચે દુનિયા દેખશે ભારતીય વાયુ શક્તિનું પ્રદર્શન, વડાપ્રધાન મોદી બનશે ચીફ ગેસ્ટ

વાયુસેના પોખરણ રેન્જમાં દર ત્રણ વર્ષે યુદ્ધ અભ્યાસ કરે છે. આ વખતે રાફેલ સહિત 150 વિમાનોમાંથી 109 ફાઈટર એરક્રાફ્ટ આ કવાયતમાં ભાગ લેવા જઈ રહ્યા છે.

TV9 GUJARATI

| Edited By: Kunjan Shukal

Mar 02, 2022 | 6:13 PM

રશિયા-યુક્રેન યુદ્ધ (Russia-Ukraine War) વચ્ચે આગામી 7 માર્ચે ભારતીય વાયુ શક્તિનું પ્રદર્શન કરવા જઈ રહ્યા છે. ભારતીય વાયુસેનાના (Indian Air Force) આ વાયુ શક્તિ અભ્યાસના મુખ્ય અતિથિ તરીકે વડાપ્રધાન નરેન્દ્ર મોદી (Prime Minister Narendra Modi) હશે. આ દરમિયાન પીએમ મોદી એક લક્ષ્ય નક્કી કરશે, જેને ભારતીય વાયુસેનાના ફાઈટર પ્લેન (Fighter Plane) દ્વારા નષ્ટ કરવામાં આવશે. ખાસ વાત એ છે કે આ વાયુ શક્તિ અભ્યાસમાં રાફેલ સહિત લગભગ 150 એરક્રાફ્ટ ભાગ લેશે અને આકાશમાં પોતાનું યુદ્ધ કૌશલ્ય બતાવશે. અગાઉ ભારતીય વાયુસેનાની આ કવાયત વર્ષ 2019માં થઈ હતી. આ વખતે જેસલમેરની પોખરણ રેન્જમાં વાયુસેનાના 150 વિમાન 7 માર્ચે આકાશમાં પોતાનો જૌહર બતાવીને દુનિયાને પોતાની હવાઈ શક્તિનું પ્રદર્શન કરશે.

વાયુસેના પોખરણ રેન્જમાં દર ત્રણ વર્ષે યુદ્ધ અભ્યાસ કરે છે. આ વખતે રાફેલ સહિત 150 વિમાનોમાંથી 109 ફાઈટર એરક્રાફ્ટ આ કવાયતમાં ભાગ લેવા જઈ રહ્યા છે. વાયુસેનાએ આ કવાયતની તૈયારીઓ પૂર્ણ કરી લીધી છે. વાયુસેનાના વાઈસ એર ચીફ માર્શલ સંદીપ સિંહે જણાવ્યું હતું કે એરફોર્સ એક્સરસાઈઝ 2022માં ફાઈટર એરક્રાફ્ટ જગુઆર, રાફેલ, સુખોઈ-30, મિગ-29, લાઈટ કોમ્બેટ એરક્રાફ્ટ તેજસ, મિગ21 બાઈસન, હોક 32, એમ200નો સમાવેશ કરવામાં આવશે, જ્યારે ઘણા એરક્રાફ્ટ સામેલ છે. ત્યારે ગ્લોબ માસ્ટર પણ પોતાની ક્ષમતાનું પ્રદર્શન કરશે. ટ્રાન્સપોર્ટ એરક્રાફ્ટ C-17 અને C-130J Hercules, Chinoque અને Mi 17 V5, Mi 35, Apache પણ આ કવાયતમાં ભાગ લેશે. આકાશ મિસાઈલ સિસ્ટમ અને સ્પાઈડર મિસાઈલ સિસ્ટમની ક્ષમતાઓ પણ પ્રદર્શિત કરવામાં આવશે.

દુનિયા દેખશે રાફેલની તાકાત

તમામ પ્રકારના આધુનિક હથિયારોથી સજ્જ રાફેલ ફાઈટર એરક્રાફ્ટમાં એડવાન્સ ટેક્નોલોજીનો ઉપયોગ કરવામાં આવ્યો છે અને તે 4.5 જનરેશનનું ફાઈટર એરક્રાફ્ટ છે. રાફેલ ફાઈટર પ્લેનમાં 74 કિગ્રા ન્યૂટનના થ્રસ્ટ સાથે બે એમ88-3 સેફ્રાન એન્જિન આપવામાં આવ્યા છે. આ ફાઈટર જેટ ઉડાન દરમિયાન એકબીજાની મદદ કરી શકે છે. રાફેલ ફાઈટર જેટ્સ પણ એક એરક્રાફ્ટને બીજા એરક્રાફ્ટમાં ઈંધણ પહોંચાડવામાં સક્ષમ છે. રાફેલ લગભગ 2,222.6 કિલોમીટર પ્રતિ કલાકની ઝડપે અને 50 હજાર ફૂટની ઉંચાઈ સુધી ઉડી શકે છે.

રાફેલ એક સાથે અનેક પ્રકારની મિસાઈલ લઈ જઈ શકે છે

રાફેલ એક જ વારમાં લગભગ 3,700 કિમી સુધી જઈ શકે છે અને આ રેન્જને મિડ-એર રિફ્યુઅલિંગ દ્વારા પણ વધારી શકાય છે. રાફેલ એક સમયે અનેક પ્રકારની મિસાઈલ લઈ જઈ શકે છે. તે હવાથી હવામાં પ્રહાર કરતી મિસાઈલ છે, જે લગભગ 150 કિમી દૂરથી દુશ્મનના વિમાનને નિશાન બનાવી શકે છે. આ મિસાઈલ દુશ્મનના વિમાનો ભારતીય વિમાનોની નજીક આવે તે પહેલા તેમના વિમાનોને નષ્ટ કરી શકે છે. રાફેલમાં હાજર આ મિસાઈલ સિસ્ટમ હવાથી હવામાં પ્રહાર કરતી સિસ્ટમ છે અને તેને 100 કિમીના અંતરથી ફાયર કરી શકાય છે.

આ પણ વાંચો: યુક્રેનના વખાણમાં લપસી જો બાયડેનની જીભ, ટ્વિટર પર ટ્રેન્ડ કરી રહ્યું છે ઈરાન, આ છે કારણ

આ પણ વાંચો: Russia Ukraine War: ખાર્કિવમાં રહેતા ભારતીય નાગરિકો માટે નવી એડવાઈઝરી જાહેર, તાત્કાલિક અસરથી શહેર છોડવાની સલાહ

Follow us on

Related Stories

Most Read Stories

Click on your DTH Provider to Add TV9 Gujarati