UPSC પરીક્ષામાં ટોપ કરનાર શક્તિ દુબે કોણ છે ?
સિવિલ સર્વિસીસ (પ્રી) પરીક્ષા, 2024, ગયા વર્ષે 16 જૂનના રોજ યોજાઈ હતી. આ પરીક્ષા માટે કુલ 9,92,599 ઉમેદવારોએ અરજી કરી હતી, જેમાંથી 5,83,213 ઉમેદવારોએ પરીક્ષા આપી હતી. આમાંથી કુલ 14,627 ઉમેદવારોએ લેખિત (મુખ્ય) પરીક્ષા પાસ કરી છે.
સિવિલ સર્વિસીસ (પ્રી) પરીક્ષા, 2024, ગયા વર્ષે 16 જૂનના રોજ યોજાઈ હતી. આ પરીક્ષા માટે કુલ 9,92,599 ઉમેદવારોએ અરજી કરી હતી, જેમાંથી 5,83,213 ઉમેદવારોએ પરીક્ષા આપી હતી. આમાંથી કુલ 14,627 ઉમેદવારોએ લેખિત (મુખ્ય) પરીક્ષા પાસ કરી છે. પ્રયાગરાજની શક્તિ દુબેએ સિવિલ સર્વિસ પરીક્ષા શાનદાર પ્રદર્શન કરીને પ્રથમ સ્થાન મેળવ્યું છે. યુનિયન પબ્લિક સર્વિસ કમિશન (UPSC) એ આજે મંગળવારે સિવિલ સર્વિસ પરીક્ષા 2024નું પરિણામ જાહેર કર્યું છે. જેમાં શક્તિ દુબેએ ટોપ થયું છે અને ગુજરાતની હર્ષિતા શાહે બીજો ક્રમ મેળવ્યો છે.
શક્તિ દુબે છે કોણ?
શક્તિ દુબેએ બનારસ હિન્દુ યુનિવર્સિટી (BHU)માંથી બાયોકેમિસ્ટ્રીમાં પોસ્ટ ગ્રેજ્યુએશન કર્યું છે. UPSC દ્વારા જારી કરાયેલા એક નિવેદનમાં કહેવામાં આવ્યું છે કે, શક્તિએ રાજકીય વિજ્ઞાન અને આંતરરાષ્ટ્રીય સંબંધોને વૈકલ્પિક વિષયો તરીકે રાખ્યા અને પરીક્ષા પાસ કરી.
અલ્લાહાબાદ પછી બનારસ હિન્દુ યુનિવર્સિટીમાંથી અભ્યાસ પૂર્ણ કર્યો
શક્તિ દુબેનો જન્મ ઉત્તર પ્રદેશના પ્રયાગરાજ જિલ્લામાં થયો હતો. તેમણે પ્રયાગરાજમાં જ પોતાનું શાળાકીય શિક્ષણ અને ગ્રેજ્યુએશનનો અભ્યાસ પૂર્ણ કર્યો હતો. ગ્રેજ્યુએશન માટે શક્તિએ અલ્લાહાબાદ યુનિવર્સિટી પસંદ કરી અને પછી ઉચ્ચ શિક્ષણ માટે તે બનારસ હિન્દુ યુનિવર્સિટી (BHU) ગઈ હતી. તેમણે 2016માં BHUમાંથી બાયોકેમિસ્ટ્રીમાં પોસ્ટ ગ્રેજ્યુએશનની ડિગ્રી પૂર્ણ કરી હતી. ત્યારબાદ તેમણે સિવિલ સર્વિસીસની તૈયારી શરૂ કરી.
પોસ્ટ-ગ્રેજ્યુએશન પછી, શક્તિ દુબેએ નક્કી કર્યું કે તે સિવિલ સર્વિસીસ પરીક્ષા (UPSC)ની તૈયારી કરશે. 2018થી જ તે UPSC પરીક્ષાની તૈયારી કરવા લાગી હતી. જો કે, એક ઇન્ટરવ્યૂ દરમિયાન શક્તિએ કહ્યું કે, આ ફક્ત કારકિર્દીનો વિકલ્પ નથી પરંતુ દેશની સેવા કરવાનો પણ એક માર્ગ છે.
